Press "Enter" to skip to content

Երևանում բացվեց առաջին` կտրուկ զզվանք չառաջացնող շենքը

«Շատ անսովոր և հաճելի զգացում է` նայել նորակառույցի և չզզվել...», - երևանցիներ
«Շատ անսովոր և հաճելի զգացում է` նայել նորակառույցի և չզզվել…», — երևանցիներ

ԵՐԵՎԱՆ — Քաղաքապետարանը երկուշաբթի իրականացրեց Մոսկովյան փողոցի վրայի բավական նորմալոտ շենքի բացման արարողությունը: Բացման արարողությանը ներկա էին ճարտարապետներ,  քաղաքաշինության նախարարության պաշտոնյաներ և ՀՀ հիմնադիր ճարտարապետ Նարեկ Սարգսյանը:

«Տեսնում եք, որ նաև կտրուկ զզվանք չառաջնող շենքեր էլ ենք բացում: Ինչո՞ւ չեք դրա մասին խոսում», — իր բացման խոսքում նշեց Նարեկ Սարգսյանը — «Այ կոնկրետ այս շենքը վստահ եմ բավական ներդաշնակ է իր ճարտարապետությամբ քաղաքի ավանդույթներին: Չի կարելի միայն վատը լուսաբանել:»

«Կերա՞ք», - ՀՀ հիմնադիր ճարտարապետ
«Կերա՞ք», — ՀՀ հիմնադիր ճարտարապետ

Քաղաքաշինության նախարարությունը ևս կոչ է արել լրատվամիջոցներին կենտրոնանալ տվյալ շենքի վրա. «Ըհըն, տեսաք որ Երևանում մենակ անասուն ճարտարապետությամբ շենքեր չենք կառուցում: Նաև մեղսունակ բաներ էլ ենք անում էլի», — նշված է քաղաքաշինության նախարարության մամուլի հաղորդագրության մեջ:

«Մենք խնդրում ենք ամեն անգամ երբ լրագրողները լուսաբանում են հին Երևանի շենքերի ավիրումն ու դրա փոխարեն նոր ու անճաշակ շենքի կառուցումը, թող նաև զուգահեռ հիշատակեն այս ճարտարապետական դրվագը», — նշված է հաղորդագրության մեջ:

ՀՀ հիմնադիր ճարտարապետը նաև խոստացել է, որ Հյուսիսային պողոտայում կարող է շուտով ներդվել միասնական ճարտարապետական գիծ. «Մենք չենք դոփում տեղում. հասկանալով, որ Հյուսիսային պողոտայում բացակայում է որևէ ընդհանուր ճարտարապետական գիծ` հաջորդ տարի բոլոր շենքերի վրա կքանդակենք մեկ միասնական սիմվոլ: Առայժմ տատանվում են թիթեռի և քաղաքապետի կիսանդրու շուրջ»:

Իսկ այդ ընթացքում նոր շենքի բացմանը արձագանքել է նաև միջազգային հանորթյունը: ՄԱԿ-ի մշակութային բաժինը ներառել է նոր շենքը «շենքեր, որոնք կտրուք զզվանք չեն առաջացնում» համաշխարհային մշակույթի ժառանգության շարքում:

8 Comments

    • harut harut Սեպտեմբերի 30, 2015

      Nareek@ inch imana?

  1. Kmr Mxo via Facebook Kmr Mxo via Facebook Սեպտեմբերի 30, 2015

    Amen inch Kentronov chi sahmanapakvum…bolor shinutyunner@ karuceis lav klini gexecik tesq tan,vor gexeckana amboxj Erevan@.hamaynqneri shenqer@ karopkaneren isk kentronin@ elitar

  2. Hasmik Manukyan via Facebook Hasmik Manukyan via Facebook Սեպտեմբերի 30, 2015

    ավելի այլանդակ շենք հնարավոր չէ պատկերացնել…..

  3. Lilit Nikoghosian via Facebook Lilit Nikoghosian via Facebook Սեպտեմբերի 30, 2015

    Minch der inke kafedrai varicher institutum urish politikaer varum . Poxe poxume mardkanc

  4. Միքայել Եղոյան Միքայել Եղոյան Հոկտեմբերի 1, 2015

    երգիծական հոդվածի հեղինակը իրոք կարծում ա որ էս շենքը ավելի-քիչ-անասնությու՞ն ա !

Մեկնաբանությունները փակ են.