Press "Enter" to skip to content

Երկրի մականունների պաշարը սպառման եզրին է

kk
Մականունները սկսեցին ավելի արագ սպառվել ինտերնետային nick-երի լայն տարածման պատճառով

Պաշտոնյաներից և քրեական տարրերից բաղկացած հատուկ հանձնաժողովը արդեն տևական ժամանակ է ահազանգում է, որ շատ շուտով Հայաստանում արդեն անհնար կլինի հորինել նոր մականուն: Բանն այն է, որ մականունավորների քանակը երկում աճում է երկրաչափական պրոգրեսիայով, և անհնար է դառնում ստեղծել նախադեպը չունեցող մականուններ: «Հեռավոր 90-ականներին մեր նախնիները շատ անպատասխանատու և շռայլ են օգտագործել մականունները, ում ասես տվել են: Մենք ուզում ենք իրազեկել հանրությանը, որ պետք է այսօրվանից արդեն սկսել զգուշորեն զբաղեցնել մականունները, միայն ծայրահեղ դեպքերում քրեական հեղինակություններին և/կամ պաշտոնյաներին շնորհել մականունով», — նշեց հանձաժողովի նախագահ Արման «Ժնջիլ» Նահապետյանը, որն ինչ-որ պաշտոն է զբաղեցնում կամ մշակույթի կամ քաղաքաշինության նախարարությունում: Նրա պնդմամբ` երկրի մականունների պաշարները կսպառվեն արդեն 2020թ., ուստի անհրաժեշտ է  մականունների շնորհման խստացված ընթացակարգ: «Օրինակ «չաղ» մականունը կարելի է տալ միայն 120 կգ հատած տղամարդկանց», — պնդում է Ժնջիլը` շարունակելով.- «Պետք է փայփայենք հայալեզու մականունները: Օտար մականունները կան ու կան, բայց որքանով ահ ու սարսափ կնեշրնչի «Կռուասան» Աշոտը կամ «Playstation» Գառնիկը` դատեք ինքներդ»:

Հանձնաժողովը նաև առաջարկում է ժամանակավոր արգելք դնել լայն տարածում ունեցող մականունների վրա` «Բոյով», «Գոճի», «Ֆստյուլ» և այլն: «Դրանք չեն ծառայում իրենց բուն նպատակին` նույնականացնել կոնկրետ մարդուն, դեռ մի բան էլ խառնաշփոթ են ստեղծում. օրինակ խոսքը պատգամավոր «Կալբաս»-ի՞ մասին է, թե՞ վարձու մարդասպան «Կալբասի»», — բացատրում է հանձնաժողովի նախագահը: Ակտիվիստները հույս ունեն, որ խորհրդարանը ականջալուր կլինի պահանջին, առավել ևս հաշվի առնելով, որ այնտեղ մականունավորները լայն ներկայցվածություն ունեն:

4 Comments

  1. Nana MArtirosyan via Facebook Մարտի 21, 2015

    էԷԷԷԷ տղաներ, ասում են Րաֆֆի Հովհաննիսյան էլ ռեժիսորա դառել ))))

  2. Рита Варжапетян via Facebook Рита Варжапетян via Facebook Մարտի 22, 2015

    Карине Гаспарян,mi ban mtacela petq))))))))(anpayman karda)))

Մեկնաբանությունները փակ են.