Press "Enter" to skip to content

Գալուստ Սահակյանը սպառնացել է փոխել ԱԺ Wi-Fi ցանցի գաղտնաբառը

«Էս պահին դեռ չեմ ուզում Wi-Fi-ը ամբողջովին անջատել, բայց դա էլ չեմ բացառում»
«Էս պահին դեռ չեմ ուզում Wi-Fi-ը ամբողջովին անջատել, բայց դա էլ չեմ բացառում»

Այսօր կայացած ճեպազրույցին Ազգային Ժողովի նախագահ Գալուստ Սահակյանը հաստատեց իր մտադրությունը` փոփոխել խորհրդարանի Wi-Fi ցանցի գաղտնաբառը: Սահակյանը ցանկանում է փոփոխել ԱԺ կանոնակարգը այնպես, որ Wi-Fi ցանցին մուտք ունենան միայն ԱԺ նիստերը բարեխղճորեն այցելած պատգամավորները, մշտական հանձնաժողովների քննարկումներից չբացակայածները և գոնե տարին երկու օրինագիծ հեղինակածները: «Իհարկե սա ծայրահեղ քայլ է, բայց նպատակը մեկն է` խթանել խորհրդարանի արդյունավետությունը: Ամեն ամիս անձամբ Wi-Fi ցանցի գաղտնաբառը փոխելու եմ ու տալու եմ միայն այս բարձր չափանիշներին համապատասխանող պատգամավորներին: Իմ ժամանակ Wi-Fi ընդհանրապես չկար, ու, պատկերացրեք, ավելի լավ օրենքներ էինք գրում», — նշեց ԱԺ նախագահը:
Նոր նախաձեռնությունը միտված է բարձրացնելու պատգամավորների արդյունավետությունը, կամ գոնե նվազեցնելու նրանց կողմից անիմաստ վատնած ժամանակը: Ինտերնետի օգտագործման երեք ամսվա մոնիտորինգը ցույց տվեց, որ ԱԺ պատգամավորները ամենաշատն այցելում են սոցիալական կայքեր և խաղում են Candy Crush.
«Ես օրինակ այսօրվանից ջնջում եմ Candy Crush-ը իմ պլանշետից», — հայտարարեց Սահակյանը և հորդորեց այլ պատգամավորներին հետևել իր օրինակին:

«Մարդ կա օրինակ արտասահմանում սովորելու ծրագրեր ա փնտրում»
«Մարդ կա օրինակ արտասահմանում սովորելու ծրագրեր ա փնտրում»

Նորամուծությունը միանշանակ չի ընդունվել օրենսդիրների շարքում: Հրանտ Բագրատյանը նշում է, որ չի կարող Skype-ը անջատած պահել. «Ես ամբողջ աշխարհում հարգված տնտեսագետ եմ, ինձ ամեն վայրկյան կարող են զանգել Քեմբրիջից կամ Սանկտ Պետերբուրգի համալսարանից ու խնդրել դասախոսություն կարդալ»: ԲՀԿ ղեկավար Նաիրա Զոհրաբյանը գտնում է, որ XXI դարում չի կարելի սահմանափակել ինտերնետը. «Մի քանի ամիս առաջ մեր կուսակցությունը անվճար գերհզր Wi-Fi սարքեր կբաժաներ բոլոր տուժած պատգամավորներին, բայց հիմա էդ հնարավորությունը չունենք: Կարողա դուք միանա՞ք իմ TSU էջին»: «Ես տենց էլ չգտա էդ Wi-Fi որտեղիցա միանում», — ամփոփեց նախաձեռնությունը միանշանակ սատարող միակ պատգամավոր Առաքել Մովսիսյանը. «Դու ձևը գիտե՞ս»:

13 Comments

  1. Xcho Hakobyan via Facebook Xcho Hakobyan via Facebook Մարտի 19, 2015

    Леночка у нас есть вай фай?

  2. Raz Mnatsakanyan via Facebook Raz Mnatsakanyan via Facebook Մարտի 19, 2015

    haziv el

  3. Knarik Hovhannisyan via Facebook Knarik Hovhannisyan via Facebook Մարտի 19, 2015

    Uxexd poxi. Vor ivijaki lini normal mtacel

  4. Mher Mikayelyan via Facebook Mher Mikayelyan via Facebook Մարտի 20, 2015

    արա դուք հայոց այբուբենը թամամ չգիտեք, ինչ մնաց wifi գաղտնաբառ փոխեք!

  5. Sose Yeritsyan via Facebook Sose Yeritsyan via Facebook Մարտի 20, 2015

    որ մենակ ինքը օգտվի 😀
    ps шучу 😀

  6. Eva Stepanyan via Facebook Eva Stepanyan via Facebook Մարտի 20, 2015

    Irenq el irenc het kberen

Մեկնաբանությունները փակ են.