Press "Enter" to skip to content

Մեսրոպ Մաշտոցը կպարգևատրվի գրողների միության մեդալով

ԵՎս մեկ վաղուց վաստակած հուշամեդալ Մաշտոցին
ԵՎս մեկ վաղուց վաստակած հուշամեդալ Մաշտոցին

Հայաստանի գրողների միությունը հայտարարել է, որ հաջորդ շաբաթ նախատեսում է ՀԳՄ հուշամեդալով պարգևատրել Մեսրոպ Մաշտոցին: Միության նախագահ Էդվարդ Միլիտոնյանը այսօր կայացած ասուլիսին նշեց, որ պարգևատրումը թեև ուշացած է, բայց խիստ անհրաժեշտ. «Անհնար է թերագնահատել Մաշտոցի ներդրումը Հայաստանի գրողների միության կայացման գործում և ստեղծագործական կյանքում և ժամանակն է, որ մենք պարգևատրենք մեր մեծերին: Չափազանցություն չի լինի ասել, որ ոչ մի միություն չէր լինի, եթե Մաշտոցը ժամանակին չստեղծեր հայոց այբուբենը: Նրա այդ քայլը այն կայծն էր, որի շնորհիվ ի հայտ եկավ հայոց գիրը, այնուհետ բազմաթիվ հայ գրողներ, որոնցից հետո Հայաստանի գրողների միությունը և վերջապես իմ ղեկավար պաշտոնը այդ մարմնում»:
Գրողների միությունը Մաշտոցի համար պատրաստել է ոչ միայն հուշամեդալ, այլև գրողների միության նախագահի ստորագրությամբ դիպլոմ, ինչպես նաև բազմաթիվ անակնկալներ: Միջոցառմանը կարող են ելույթ ունենալ սիրված երգիչ-երգչուհիներ, ինչպես նաև Հայաստանի ասմունքի աստղափունջը: Մաշտոցին իրենց շնրհավորական խոսքն են ուղարկել Եվրասիական միության անդամ պետությունների գրողների միությունները: Ռուսաստանի գրողների միությունը շատ բարձր է գնահատել Մաշտոցի ներդրումը հայ գրականության առաջխաղացման գործում, իսկ Ղազախստանի գրողների միությունը Մաշտոցին մաղթել է «նորանոր նվաճումներ ստեղծագործական ասպարեզում և ամուր առողջություն»: Դեռ չկա որևէ արձագանք Ղրղստանի և Բելառուսի գրողների միություններից, բայց դա պայմանավորված է գրողների ոչ աշխատանքային օրերով:
Գրողների միությունը մեծ ցավով նշեց, որ Մեսրոպ Մաշտոցը շարունակում է մնալ թերպարգևատված գործիչ` նրան հետմահու պարգևատրելու միակ այլ դեպքը գրանցվել էր 2013 թ., երբ սփյուռքի նախարար Հրանուշ Հակոբյանը Մաշտոցին պարգևատրեց «Մայրենիի դեսպան» հուշամեդալով:

13 Comments

  1. Arnold M H-yan via Facebook Arnold M H-yan via Facebook Փետրվարի 28, 2015

    Արժե Մաշտոցին Մովսես Խորենացի տված, Խորենացուն՝ Մեսրոպ Մաշտոց: Մեդալների մասին ա խոսքը: Թող Տիգրան Մեծը նախանձից “տրաքվի”:

  2. Sagittarius Black via Facebook Sagittarius Black via Facebook Փետրվարի 28, 2015

    աշոծյանի անվան մեդալով

  3. Anahit Manasyan via Facebook Փետրվարի 28, 2015

    Ժող, ուշացել եք նրան Հրանուշ Հակոբյանը պարգևատրել էր, ի դեպ, ձեր հաղորդումներից մեկի ժամանակ դուք անրադարձել էիք այս թեմային :)))))

  4. Tigran Harutyunyan via Facebook Tigran Harutyunyan via Facebook Մարտի 1, 2015

    Տիկին Հակոբյանը պարոն Մաշտոցին անցած տարի պարգևատրեց Մեսրոպ Մաշտոց շքանաշանով Մեսրոպ Մաշտոցի գերեզմանի մոտ:
    Ըստ երևույթին հետմահու, որովհետև պարոն Մաշտոցը չկարողացավ անձամբ ստանալ շքանշնաը: Չնայած այլ վարկածներ էլ կան:

  5. Eduard Yeritsyan via Facebook Մարտի 1, 2015

    Ете мер мтавораканнери хелкы эскана эл караварутюниц хи енк бохокум абсурдн у цинизмы тонум ен иренц &ахтанакы

  6. Հմայակ Մարտիրոսյան Հմայակ Մարտիրոսյան Մարտի 26, 2015

    Տղաներ արդեն չափն անցաք, ամաչում եմ ձեր փոխարեն: Կատակին էլ չափ ու սահման կա, իսկ սա ազգային արժեքների արհամարում է: Հուսով եմ, որ նման նյութ նետայսու չեմ տեսնի:

Մեկնաբանությունները փակ են.