Press "Enter" to skip to content

Էկոնոմիկայի նախարարության աշխատակիցը դարձավ Minesweeper-ի աշխարհի առաջնության չեմպիոն

Հայաստանցի գեյմերը փորձում է կենտրոնանալ
Հայաստանցի գեյմերը փորձում է կենտրոնանալ

ՉԵԼՅԱԲԻՆՍԿ — Ապրիլի 30-ին Չելյաբինսկում կայացած Minesweeper խաղի աշխարհի առաջնության հաղթող ճանաչվեց մեր հայրենակից` 32-ամյա Արման Աստաբատյանը: Բացառիկ հարցազրույցում Արմանը պատմեց, որ Minesweeper խաղով է տարվել դեռ 2009թ., երբ գործի էր տեղավորվել ՀՀ էկոնոմիկայի նախարարություն: «Միանգամից ահագին ազատ ժամանակ ունեցա ու սկսեցի ինչ-որ զբաղմունք ման գալ, որ լրացնեմ ազատ ժամանակը: Ու տենց սկսեցի բզբալ էլի», — պատմեց Արմանը: Օրական 2-3 ժամ երիտասարդ տնտեսագետը նվիրում էր ականներ փնտրելուն: Սակայն պրոֆեսինալ մակարդակի Արմանը կարողացավ հասնել միայն երբ ստացավ երկար սպասված պաշտոնի բարձրացումը: «Երբ ինձ բաժնի պետ դասավորեցին, այ նոր կարողացա նորմալ զբաղվել Minesweeper-ով: Արդեն կարողանում էի օրական 5-6 ժամ տրամադրել ու ես էլ զգացի, որ աճում եմ», — շարունակեց կիսվել չեմպիոնը: Նախքան աշխարհի առաջնության մեկնելը` Արմանը հաղթել է տեղական առաջնությունում. «Չմտածեք ստեղ լուրջ մրցակցություն չկար: Շատ ուժեղ խաղացողներ կային` Սփյուռքի նախարարությունից, Բնապահպանության նախարարության տղերքն էին գազան, Ազգային ժողովից հին գելեր կային»:
Աշխարհի առաջնությանը մասնակցելու էին ժամանել 78 մարզիկ: Արմանի պնդմամբ` ամենաուժեղ մրցակիցները հենց ԱՊՀ երկրներից էին` Ռուսաստանից, Բելառուսից, Ուզբեկստանից: «Ես գիտեմ, որ Ռուսաստանում հատկապես շատ լավ ա դրված Minesweeper-ը. դե մեծ երկիր ա, լիքը գերատեսչություններ ունեն, որտեղ միլիոնավոր մարդիկ են աշխատում: Հետաքրքիր ա, որ Գերմանիայից կամ Ճապոնիայից մարդ չկար… տեսնես ինչու՞», — կիսվեց Արմանը: Չեմպիոնը մեծ պլաններ ունի. պատրաստվում է պաշտպանել իր տիտղոսը հաջորդ տարի` Աշխաբադի մրցաշարում: Մաղթենք նրան հաջողություն:

10 Comments

  1. Robert Adamyan via Facebook Robert Adamyan via Facebook Ապրիլի 30, 2014

    inchov el bacatrvum e economicayi nerkayis vichaky.

  2. Areg Jerbashian via Facebook Areg Jerbashian via Facebook Ապրիլի 30, 2014

    gorcic haneq 😀

  3. Marianna Vardanyan via Facebook Marianna Vardanyan via Facebook Ապրիլի 30, 2014

    Gone mi volortum hajoxutyun unenq 😀

  4. Gurgen Hayrapetyan via Facebook Gurgen Hayrapetyan via Facebook Ապրիլի 30, 2014

    erevi gortsi vaxt parap a exel internet el chi exel mardy xaxace sovorel a 😀

Մեկնաբանությունները փակ են.