Press "Enter" to skip to content

Երևանի բացօթյա սրճարանում ապօրինի ծառ է աճել

քքք
Ծառը շրջանցելով քաղաքապետարանի ընթացակարգերը

Անցյալ շաբաթ Երևանի բացօթյա սրճարաններից մեկի տարածքում ապօրինաբար ծիրանի ծառ է աճել, ինչն առաջացրել է սրճարանապահպան-ակտիվիստների բուռն վրդովմունքը: «Սա մեր սահմանադրական իրավունքների կոպիտ խախտում է, ծառն աճել է առանց քաղաքապետարանի թույլտվության, բացի այդ 2 սեղանի տեղ է զբաղեցնում՝փչացնելով երևանցիների և մայրաքաղաքի հյուրերի տրամադրությունը: Էլ չեմ ասում, որ ծիրանի ծառ ա. զզվում եմ էդ մրգից»,- ասում է սրաճարանապահպան-ակտիվիստ, ծառահատության գիտությունների թեկնածու Էդիկ Սղոցյանը: Այսօր ապօրինի ծառի մոտակայքում ակտիվիստները ցույց են կազմակերպել՝ քաղաքապետարանից պահանջելով ապամոնտաժել կանաչ վնասատաուին: Ցուցարարներից ոմանք նշեցին, որ իրենց պահանջները չկատարելու դեպքում կգիշերեն այդտեղ այնքան ժամանակ,՝ մինչև  հարցը ստանա իրավական լուծում: Տեղի ունեցան որոշ բախումներ ոստիկանության հետ, սակայն վերջիններիս հաջողվեց զսպել ցուցարարներին և հանգստացնել էկոկրքերը: Այս պահի դրությամբ ցույցն ընթանում է խաղաղ սրճարանային պայմաններում:

Հարցի շուրջ հայտարարությամբ հանդես եկավ նաև քաղաքապետարանի՝ սրճարանապատման հարցերով վարչության պետի տեղակալ Զավեն Գործունյանը. «Մենք հարգում ենք մեր բոլոր քաղաքացիների հետագիծը, սակայն այսպիսի հարցերը պահանջում են տևական լուծում. պետք է հանձնաժողով կազմենք և պարզենք ծառի աճելու վայրի և վարչական օրենսգրքի համապատասխանությունը»: Սակայն ակտիվիստներին այս պատասխանը չի գոհացնում: Սկսնակ ծառահատ-սրճարանապահպան Կառլեն Պոկիկյանը հայտարարել է. «Ամբողջ քաղաքը ողողված է ծառերով, շնչելու տեղ համարյա չկա, և մենք պետք է պայքարենք այդ սակավաթիվ շնչատեղերի պահպանման համար»:

Այս հարցը մեծ աղմուկ է բարձրացրել նաև ֆեյսբուք սոցիալական ցանցում՝ օգտատերերին բաժանելով երկու հակառակորդ խմբերի: Կրակի վրա յուղ է լցրել նաև Blognews.am կայքը՝ իր մոտ տարածելով կողմերի ստատուսները: Մասնավորապես ակտիվ օգտատերերից ստատուսագիր-հրապարակախոս Գնդակ տշողը գրել է. «Տո լավ, եղածը ծառ ա էլի, ինչ են էտ գռանտակերները վայնասունները կապել. սրճարանները առանց իրանց էլ լիքն են»: Նրան հակադարձել է մեկ այլ օգտատեր՝ ակտիվիստ Ալեն Սիմոնյանը. «Ձեզ ու ձեզ նմանների պատճառով է, որ այսօր ծառերի քանակը մոտ 3 անգամ ավելին է, քան սրճարաններինը: Իսկ թե ովքեր են կանգնած այսպես խոսացողների ետևում, մենք շատ լավ գիտենք, գիտենք նաև ծառամոլ պատվիրատուներին»:

Փորձագետների կարծիքով պետք է հետևել միջազգային փորձին, որն, ի դեպ, երբեք չի քաշում,  և համբերատար ու առանց վայրիվերումների սպասել քաղաքապետարանի վերջնական որոշմանը. դա կլինի միակ իրավական ճանապարհը այս գործընթացում:

Մհեր Խաչատրյան,

Ավագ թղթակից

10 Comments

  1. Edgar Karagyozyan via Facebook Ապրիլի 25, 2013

    Ապօրինի ծառը որնա?))))) Կտռեք այդ ծառը, նա ապօրինի է :))))) Մեկ էլ դուք էք ապօրինի աճել:

  2. Edgar Karagyozyan via Facebook Ապրիլի 25, 2013

    Ապօրինի ծառը որնա?))))) Կտռեք այդ ծառը, նա ապօրինի է :))))) Մեկ էլ դուք էք ապօրինի աճել:

  3. Robert Melikyan via Facebook Robert Melikyan via Facebook Ապրիլի 25, 2013

    te aporini srcharanum :DDD

  4. Մուշեղ Յուզբաշյան via Facebook Մուշեղ Յուզբաշյան via Facebook Ապրիլի 25, 2013

    Էդգար ջան, կտրելը «ր»-ով է գրվում ;), ծառը, եթե ապօրինի է, պետք է կտրել, կեցցե օրենքների գերիշխանությունը Հայաստանում

  5. Edgar Karagyozyan via Facebook Ապրիլի 25, 2013

    Մուշեղ ջան տառասխալներ բոլորիս մոտ պատահում են: Ծառը ապօրինի չի աճում, դա է իմ ասածը:

  6. Մուշեղ Յուզբաշյան via Facebook Մուշեղ Յուզբաշյան via Facebook Ապրիլի 25, 2013

    ոնց չի աճում, հենա, մարդիկ նկարն էլ են դրել

  7. Edgar Karagyozyan via Facebook Ապրիլի 25, 2013

    Նկարը բոլորս էլ տեսնում էնք,ապօրինի բառը սազեկան չի էս թեմային,պետք ա թույլտվություն խնդրեր որ աճեր?))

  8. Մուշեղ Յուզբաշյան via Facebook Մուշեղ Յուզբաշյան via Facebook Ապրիլի 25, 2013

    կապ չունի, եթե Էդիկ Սղոցյանն ա ելույթ ունեցել էս ծառի մասին, ուրեմն իրոք ապօրինի ա, ես հարգում եմ Սղոցյանին

  9. Tatev Avagyan via Facebook Tatev Avagyan via Facebook Ապրիլի 25, 2013

  10. Martin Irina via Facebook Martin Irina via Facebook Ապրիլի 25, 2013

    Սա ծառ չի` այլընտրանք ա

Մեկնաբանությունները փակ են.