Press "Enter" to skip to content

Հայտնաբերվել է Թամանյանի գաղտնի նախագիծը

Թամանյանի սեփական ձեռքով ստեղծված նախագիծը

ԵՐԵՎԱՆ — Այսօր առավոտյան ՀՀ քաղաքաշինության նախարարությունը ասուլիս էր հրավիրել: Փոխնախարար Նարեկ Սարգսյանը լրագրողներին ներկայացրեց ճարտարապետ Ալեքսանդր Թամանյանի պատահականորեն հայտնաբերված նախագիծը: Ըստ նախագծի Ազատության հրապարակում նախատեսվում է կառուցել  7 հարկանի սուպերմարկետ: «Ես ձեր նման շոկի մեջ եմ հարգելիներս: Բայց եկեք հասկանանք, որ սա հենց Թամանյանի նախագիծն է, նույնիսկ խնդրանքը, քանի որ նախագծի վրա հենց այդպես էլ գրած է` «վերջին խնդրանք» ու պետք է հարգենք նրա ցանկությունը: Ես էլ, իհարկե, հասկանում եմ, որ հսկայական սուպերմարկետը օպերայի կողքին կարող է աննշան փոփոխել քաղաքի կերպարը, բայց ի՞նչ անեմ: Ես չեմ, դուք եք…», — ասաց հավաքված լրագրողներին Սարգսյանը:

Նախկին գլխավոր ճարտարապետը ավելացրեց, որ շինարարությունը պետք է սկսվի անհապաղ, քանի որ, եթե մի փոքր հետաձգեն, ապա կկորցնեն ամառային սեզոնը և պետք է մինչև հաջորդ տարի ձգձգեն մեծն ճարտարապետի վերջին ցանկության իրականացումը: «Փորձեք պոզիտիվ տրամադրվել այս նախագծին, օրինակ` Կենտրոնի այդ հատվածում սուպերմարկետ չկա: Միայն «Մոսկվիչկան» է, այն էլ ահագին հեռու` մի 200 մետր պետք է քայլել»:

Hetq.am-ի լրագրող Վովա Փնտրտուքյանը հավաքվածների ուշադրությունը հրավիրեց մի քանի փաստերի վրա, որոնք կասկածի տակ են դնում հայտնաբերված նախագծի իսկությունը: «Ժողովուրդ, մենակ ես ե՞մ տեսնում, որ սա հաստատ Թամանյանի ձեռքի գործը չի: Ձեր ուղարկած ֆայլը կոչվում էր DSC00017` այսինքն ակնհայտ լուսանկար էր, հետո նկարողի մատներն էլ են վրան երևում: Ակնհայտ արբանյակային անտենա է դրված կտուրին` ինչը Թամանյանի ժամանակ դեռ գոյություն չուներ…ու, ընդհանրապես, ոնց որ 5 տարեկան երեխա նկարած լինի» , — ասաց վրդովված Փնտրտուքյանը:

«Նախ, ես տենց միանշնակ չէի վիրավորի նկարի հեղինակին`  ինձ թվում ա սենց բան նկարելը այդքան էլ հեշտ չի` մոտ մի քանի շաբաթ պետք է: Հետո, եթե այդքան ուշադիր եք` կնկատեք, որ ավտոկայանում ձի է կայանված` ձին Թամանյանի ժամանակ ավելի շատ էր տարածված: Հետո СУПЕРМАРКЕТЪ բառը այդ թվերին բնորոշ Ъ-ով է գրված: Իմ մոտ ոչ մի կասկած չի առաջանում, որ սա հենց Թամանյանի նկարածն է, առավել ևս, որ ստորագրություն կա», — մեղադրանքները հերքեց փոխնախարար Սարգսյանը:

Քաղաքաշինության նախարարության հավաստմամբ, շինարարությունը սկսելու է անկախ քաղաքացիական բողոքներից և ֆեյսբուքում ստեղծված խմբերի քանակից: Նախարարության աշխատակիցները սպառնում են անցնել ֆեյսբուքի դասընթացներ և արագ ստեղծել նախագծին սատարող 20 հատ խումբ: «Օդնոկլասնիկում» նման խումբը կբացվի արդեն մոտ օրերիս: Անկախ փորձագետները չեն բացառում նոր գաղտնի նախագծերի հայտնաբերումը մոտ ապագայում:

Ասուլիսի վերջում փոխնախարարը բոլոր հավաքվածների ուշադրությունը հրավիրեց այն փաստին, որ Թամանյանի նախագծում ընդամենը մեկ ծառ կար`«Սա մեզ պետք է հուշի, որ գուցե Թամանյանը այդքան էլ չէր սիրում կանաչեղեն, ու մենք էլ որպես իսկական երևանցի պետք է մի փոքր ավելի անհանդուրժող լինենք ֆլորայի նկատմամբ»:

Ապագայում չի բացառվում նաև այս նախագծի պատահական հայտնաբերումը

Այս նյութը պատրաստվել է ՎԿԱ ծրագրի շրջանակներում – EBG Disclaimer

15 Comments

  1. dabavog dabavog Մայիսի 13, 2011

    Aaaaaaaaaaaaaaa, էս մորթ էր )))))))))))))))))))))))))

  2. Aram Aram Մայիսի 13, 2011

    Tamanyan@ ir gcagreri tak storagrum er vochte Tamanyan, ayl Tamanov!!))

  3. KomS KomS Մայիսի 13, 2011

    Sevaky kaser…
    sut ka vor chisht arje….
    Mahacu er ughaki :))))))))))))))))))))))))))))))))))))

  4. Robbie Raul Robbie Raul Մայիսի 13, 2011

    Մորթեց , Շաաատ Լավն էր:

  5. Xelgen Xelgen Մայիսի 13, 2011

    Լաավն էր 🙂

  6. Sara Sara Մայիսի 13, 2011

    @KomS
    KomS, es inch lav nick a !!!! 🙂

  7. Անի Սմբատյան Անի Սմբատյան Մայիսի 13, 2011

    Կարող է Սարգսայնին Վիկիլիքսն է օգնել.:Ճ
    Շատ լավն էր , տանեմ Facebook, մի քիչ ծիծաղենք…հոգնեցինք Էմմիի մասին գրել — կարդալուց…:Ճ

  8. Ծովինար Ծովինար Մայիսի 13, 2011

    Առաջ Արմենտելն էր մեղավոր, հետո ինտերնետը, իսկ հիմա՝ Թամանյանը :))) Կա՛յֆ 🙂

  9. Շվեյկ Շվեյկ Մայիսի 14, 2011

    Հաշվի առնելով նկարի մեջի փիղը ավելի շուտ Վարդան Մամիկոնյանի նախագիծն ա:

  10. anulikk anulikk Մայիսի 14, 2011

    պաաաաայ 😀 վ յաբլըչկը, վերջն էր

  11. Temush Temush Մայիսի 15, 2011

    Supermarketi dimaci karq@ verjn er!!!!!!!!!!

  12. KAREN KAREN Մայիսի 17, 2011

    xeeeeexch Tamanyan inch? mexq er tesnes gorcel jamanakin, nman iren veragrelu hamar. uxxaki cncvac em shaaaat hetaqrqira.

  13. Andrea Andrea Մայիսի 21, 2011

    es nkar@ nkarox@ gone tesel e Tamanyani toxac naxagcer@!!!!! es uxaki xaytarakutyun a!!!!! Tamanyan@ senc esqiz el cher ani!!!!!!!!! voch menak iranc en xaytarak anum, ayl nayev Tamanyanin!!!!!!!!

  14. e. e. Մայիսի 31, 2011

    Ov kmtacer, vor mard kara xelq& et astichani trcni?! Amen depqum, g]I[anocum vor asi es Napoleonnem — sut chi asi.

Մեկնաբանությունները փակ են.