ԵՐԵՎԱՆ — Պաշտոնական Երևանը հայտնեց, որ պատրաստ է խաղապահ զորախումբ գործուղել Ռուսաստան։ Հայ խաղապահները արդեն զգալի փորձ են ձեռք բերել 2022թ Ղազախստանի բախումները կանխելու ընթացքում և անհրաժեշտության դեպքում ի վիճակի են կանխել հնարավոր լարումը Մոսկվայում, Ռոստովում և այլ քաղաքներում։
Մեր ունեցած աղբյուրների համաձայն ռուսական կողմը դեռ դիմում չի ներկայացրել ՀԱՊԿ-ին. ո՛չ գրավոր, ո՛չ էլ բանավոր։ Հայկական կողմը հորդորում է պահպանել բոլոր ճիշտ ընթացակարգերը, քանի որ փորձը ցույց է տալիս, որ սխալ լրացրած դիմումները կարող են երկար ժամանակով հետաձգել կամ անգամ անհնար դարձնել ՀԱՊԿ մեխանիզմների գործածումը։
Դեռևս անհասկանալի է թե ինչն է ստիպել հայտնի պրոդյուսեր Պրիգոժինին դիմել նմանատիպ կոշտ քայլերի, որոնք որոշ փորձագետներ ռազմական հեղաշրջման փորձ են գնահատում։ Անհայտ է նաև Պրիգոժինի կնոջ՝ երգչուհի Վալերիայի մասնակցությունը ռազմական գործողություններին։ Երգչուհու մամուլի քարտուղարը մինչ այս պահը պարզաբանումներ չի ներկայացրել։
