Press "Enter" to skip to content

Մայիսի 4-ից որոշ սահմանափակումներով կթույլատրվեն «բազարները»

ԵՐԵՎԱՆ — Մայիսի 4-ից հանրապետության ողջ տարածքում կվերսկսի «բազարների» և «ռազբիրատների» բնականոն գործընթացը։ Այս մասին երեկ ուշ երեկոյան տեղեկացրեց պարետատունը։

Սակայն հաշվի առնելով COVID-19 վտանգները «բազարների» և «ռազբիրատների» ընթացակարգում նույնպես տեղի կլինեն որոշակի սահմանափակումներ։

  1. «Բազարների» և «ռազբիրատների» վայրերը պետք է ընտրվեն ավելի զգուշավոր՝ խուսափելով մարդաշատ վայրերից և նախապատվություն տալով միայն տալդայագույն վայրերին։ Վարչական շրջանների ղեկավարներին հանձնարարվել է հատկացնել համապատասխան տարածքներ և ստեղծել բոլոր պայմանները։
  2. Կողմերը պետք է ներկայանան ոչ ավել քան 3 ընկերներով, ախպերներով, լավ ախպերներով և լավ ախպոր լավ ախպերներով։
  3. Արգելվում է ներքաշել կողմերի «մեծերին», «թաղի մեծերին» և այլն, քանի որ նրանք գտնվում են վարակման ռիսկային գոտում։
  4. Ձեռնոցով իրար բարևելը չի կարող դիտարկվել, որպես անարգանք, քանի որ այն պայմանավորված է համավարակից պաշտպանվելու միջոցառումներով։
  5. Զրույցի և առավել ևս իրար վրա գոռալու փուլին, անհրաժեշտ է պահպանել առնվազն 1,5մ հեռավորություն։
  6. Խփոցիին անցնելու փուլում արգելվում են հարվածները դեմքին և ժամանակավորապես թույլատվում են հարվածները գոտկատեղից ցածր։
  7. Կռվողներին բաժանողները պետք է կրեն պաշտպանիչ պոլիէթիլենային համազգեստներ։
  8. Հաշվի առնելով հիվանդանոցների ծանրաբեռնվածույունը հարկ է զերծ մնալ պիսկելուց, անգամ եթե դանակը արդեն հանվել է։
  9. Իրար հետ բարիշելու պարագայում հարկ է խուսափել ռեստորաններ այցելելուց և պատվիրել առաքում։
  10. Հնարավորություան դեպքում «բազարն» ու «ռազբիրատը» տեղափոխել օնլայն հարթակներ, օգտագործելով Zoom կամ Skype ծրագրերը։

Գրի՛ր առաջին մեկնաբանությունը

Մեկնաբանել

This site uses Akismet to reduce spam. Learn how your comment data is processed.