![](https://i0.wp.com/www.armcomedy.com/wp-content/uploads/2020/02/ref.jpg?fit=600%2C315)
ԵՐԵՎԱՆ — Այսօր առավոտյան հայտնի դարձավ, որ ապրիլի 5-ին կայանալիք հանրաքվեի «ԱՅՈ»-ի շտաբը կգլխավորի տարածքային կառավարման նախարար Սուրեն Պապիկյանը։ Սակայն մինչ օրս թափուր է մնում «ՈՉ»-ի շտաբի հաստիքը։
«Համ Լուսավորը մեր վրայից թռավ, համ Բարգավաճը բռնեց ու քաշեց։ Ոչ ոք չի ուզում լինել «ՈՉ»-ի շտաբ»,- մեզ հետ զրույցում անկեղծացավ Իշխանությունը, — «սենց որ գնա, պտի սկսեն վնգստալ թե հանրաքվեն ժողովրդավար չի»։ Իշխանությունը մի փոքր էլ ժամանակ է տալիս սահմանադրական փոփոխություններին դեմ արտահայտվողներին կոնսոլիդացվել։ «Եթե պետքա մենք իրանց մի երկու յուղոտ փաստարկ կտանք, որ մեր դեմ օգտագործեն, բայց գոնե թող մի քիչ գոռգոռան»,- նշում է Իշխանությունը։
![](https://i0.wp.com/www.armcomedy.com/wp-content/uploads/2020/02/84926417_2749820305108808_2997545477894832128_n.jpg?fit=600%2C623)
«Իմ քայլը» լրիվ իրական պատգամավոր Ռուբեն Ռուբինյանը այսօր ֆեյսբուքում կիրառել է այկիդո մարտարվեստի հնարք՝ փորձելով այդուհանդերձ ներգրավել ընդդիմությանը հանրաքվեում, սակայն ընդդիմությունը շարունակում է ննջել հայտնի միասմբակ կենդանու ականջում։
Մեզ հետ զրույցում Իշխանությունը չբացառեց ամենածայրահեղ տարբերակը. «Եթե «ՈՉ»-ի շտաբ չձևավորվի, ստիպված կլինենք ներգրավել նախկին թալանչի ռեժիմին»։