Press "Enter" to skip to content

Կատաղած ամբոխը բողոքարկում է սոցիոլոգիական հարցումը

ԵՐԵՎԱՆ — Gallup ընկերության հրապարակած «Աշխարհի ամենաջղային երկները» աղյուսակը, որում Հայաստանը զբաղեցնում է պատվավոր առաջին հորիզոնականը բուռն դժգոհություն է առաջացրել քաղաքացիների մոտ։

Արդեն առավոտվանից փոցխերով և բահերով զինված քաղաքացիները փակել են փողոցները ու պահանջում են Gallup-ին հերքում տալ։ «Արա՛, մե՞նք ենք ամենաջղային ազգը, արա՛։ Ես կյանքում ջղայնացած չկամ, արա՛։ Կգամ կհասնեմ Ամերիկա ու գլոխներդ հատ-հատ կջարդեմ՝ այ դիշովկեք»,- նշում է ջղային ամբոխի մասնակից, մանկաբույժ Մելանյան, 39 տարեկան։

Ջղային ամբոխը Gallup-ին 24 ժամ է տվել Հայաստանը 1-ից գոնե 18-րդ հորիզոնական տեղափոխելու համար։ «Թող գան դեմս կանգնեն ու ասեն, որ ստեղ 45% ջղային մարդ կա, որ ես պակիստանցուց ջղային եմ։ Էդ իրանց հարցումը տռուբըչկա կսարքեմ կկոխեմ #*%ծակը»,- զգուշացրեց մեկ այլ ցուցարար 19 տարեկան Աշոտը, ապագա կենդանասեր ակտիվիստ։

Gellup-ը մինչ օրս ոչ հիմնավորել, ոչ հերքել է սոցիոլոգիական հարցման արդյունքները։

One Comment

  1. սոցիալական աշխատանք հոգեբանություն սոցիոլոգիա սոցիալական աշխատանք հոգեբանություն սոցիոլոգիա Մայիսի 7, 2019

    ստորագրում ու պեչատում ենք, երեխեք )))

Մեկնաբանել

This site uses Akismet to reduce spam. Learn how your comment data is processed.