![](https://i0.wp.com/www.armcomedy.com/wp-content/uploads/2019/02/armensargsyan.jpg?fit=600%2C315)
ԻՆՉ-ՈՐ ՏԵՂ — Նախագահ Արմեն Սարգսյանը պաշտոնական այցով վերջերս մեկնել էր ինչ-որ հեռավոր տեղ և ունեցել չափազանց կարևոր հանդիպումներ ինչ-որ առանցքային մարդկանց հետ։
Հանդիպմանը ամենայն հավանականությամբ ձեռք են բերվել որոշակի պայմանավորվածություններ, որոնք մեծ ազդեցություն կունենան Հայաստանի որոշակի ոլորտների վրա։ Շատ շուտով սպասվում են շատ լավ բաներ։ Հանդիպումն անցել է շատ ջերմ մթնոլորտում, ստորագրվել են կենսական կարևորության ինչ-որ փաստաթղթեր։ Կողմերը ընդունել են, որ ճիշտը ավելի հաճախ հանդիպելն է։ Արմեն Սարգսյանը ընդունող կողմին հրավիրել է գալ Հայաստան մոտակա ամիսներին՝ առնվազն մինչև Նոր Տարի։
Նախագահը այսօր-վաղը արդեն կժամանի Զվարթնոց օդանավակայան ու կսկսի պատրաստվել ինչ-որ այլ կարևոր ճամփորդության։