![](https://i0.wp.com/www.armcomedy.com/wp-content/uploads/2018/11/IMG_8368-copy.jpg?resize=200%2C300)
ԵՐԵՎԱՆ — Սիրված հաղորդավար և հայ ավանդական արժեքների ջատագով Սերգեյ Սարգսյանը հաստատեց, որ չի մասնակցելու ԱԺ գալիք ընտրություններին։
«Արդեն երևի նկատել եք անվանս բացակայությունը ընտրացուցակներում։ Պատճառը ընտրություններին չմասնակցելն է», — հաճելի ժպտալով նշեց հաղորդավարը։
«Չի բացառվում, որ չեմ մասնակցի նաև գալիք տեղական ընտրություններին մի շարք մարզերում և համայնքներում։ Պատճառը նույնն է՝ չեմ ուզում իմ ներկայցությամբ գունավորել պետական ապարատը», — գերող ժպիտով և ձեռքի անհասկանալի ժեստերով ավելացրեց սիրված հաղորդավարը։
Աղբյուրների համաձայն մոտ ժամանակներում մի շարք սիրված երգիչ-երգչուհիներ ևս կարող են միանալ այս նախաձեռնությանը և ձեռնպահ մնալ ընտրություններին մասնակցելուց։