Press "Enter" to skip to content

Գիտնականները փորձում են հասկանալ Հմայակ Հովհաննիսյանի ակտիվիզմի իմաստը

Փորձագետները դասում են Հովհաննիսյանին «քաղաքական չամիչ» խմբին
Փորձագետները դասում են Հովհաննիսյանին «քաղաքական չամիչ» խմբին

Հմայակ Հովհաննիսյանը շարունակում է մասնակցել ընդդիմադիր տարբեր միջոցառումների: Փորձագետների պնդմամբ երկու-երեք ամիս հետո նա լիարժեքորեն կարող է ընկալվել որպես լուրջ ընդդիմադիր գործիչ:

Հայաստանի գիտությունների ակադեմիայում երեկ տեղի ունեցավ գիտական սիմպոզիում «Հմայակ Հովհաննիսյանի ակտիվզիմի սեմանտիկ և սեմիոտիկ առանձնահատկությունները» խորագրով: Հայ, բրիտանացի և մի քանի ղազախ գիտնակններ փորձում էին հասկանալ Հովհաննիսյանի մասնակցության ազդեցությունը ընդդիմադիր շարժումների վրա:

Բրիտանացի գիտնականները փորձում են կապել Հովհաննիսյանի ակտիվացումը ահագնացող լոքշի հետ, որը պարուրել է քաղաքական դաշտը վերջին շրջաններում: «Հովհաննիսյանը հանդես է գալիս որպես համով հոպարի հավաքական կերպար, որը լրացնում 7-8 տարբեր հայացքներ ունեցող քաղաքական գործիչների տեղ ընդդիմադիր դաշտում», — նշել է Էնթոնի Մաքբոլդվինսթոնը:

Մարդաբանական և էվոլուցիոն հետազոտությունների ազգային կենտրոնի համանախագահ Ալբերտ Զազալյանը բացատրում է Հովհաննիսյանի առկայությունը ընդդիմադիր համեմունքի տեսանկյունից. «Պատկերացրեք որքան տխուր կլիներ Նոր Հայաստանի միջոցառումների շարքը, եթե ինչ-որ պահի չհայտնվեր համով-հոտով քերի Հմայակը և չսկսեր այդ կոլորիտային, համով քննադատություն»:

4 Comments

  1. Edo Fyodorov Edo Fyodorov Հունվարի 20, 2016

    Վերջն եք դուք )))))))))))

Մեկնաբանությունները փակ են.