Press "Enter" to skip to content

Երևանի քաղաքապետարանը սահմանամերձ գյուղերին ուղարկեց 2797 տոնական դրոշակ

Քաղաքապետարանը կապահովի առաջին գիծը կենսական անհրաժեշտության դրոշակներով

Երևանի քաղաքապետարանը ցավով մերժեց մի շարք քաղաքացիների կոչը, որի համաձայն «Էրեբունի-Երևան» տոնակատարության բյուջեն պետք է հատկացվեր սահմանամերձ գյուղերին: Հինգշաբթի ասուլիսի ընթացքում քաղաքապետարանի խոսնակ Բենիամին Բաբաջանյանը բացատրեց, որ «սահմանամերձ գյուղերին ավելի լավ բան կանեն»:

«Այդ գումարը հատկացվել էր հատուկ այդ միջոցառման համար, սակայն մենք միևնույն է այն ի վերջո ուղղում ենք նշված գյուղեր», — բացատրեց խոսնակը:

Քաքաքապետարանը խստացել է նաև նվազեցնել մեգաթիթեռների կառուցումը հաջորդ տարի, որպեսզի խնայված գումարը ուղղվի Աբովյան փողոցի ասֆալտապատմանը, որի խնայված միջոցներով կգնվի կոնյակ, իսկ այ դրա խնայված միջոցների 17%-ը կուղղվի սահմանամերձ գոտիների աջակցությանը:

«Մենք հսկայական օգնություն ենք նախատեսել մեր սոցիալապես անապահով մարզային բնակիչների համար: Իրենց ուղարկելու ենք 2797 հատ քաղաքապետարանի լոգոյով դրոշակներ, շարֆիկներ և մի քանի շիշ կոնյակ», — մանրամասներց քաղաքապետարանի խոսնակը:

«Մյուս տարի ևս կշարունակենք աջակցություն ցուցաբերել», - քաղաքապետարանի խոսնակ
«Մյուս տարի ևս կշարունակենք աջակցություն ցուցաբերել», — քաղաքապետարանի խոսնակ

Տավուշի բնակիչները արդեն շնորհակալություն են հայտնել բարեգործական մղումների համար և հույս հայտնում, որ քաղաքապետարանը դրանով չի սահմանափակվի:

« Երևանի լոգոյով դրոշակները իհարկե հաճելի էր ստանալ, սակայն հույս ունենք, որ օգնությունը կշարունակվի…», — ասում է 75-ամյա Բերքաբերի բնակիչ Արամայիս Քլոյանը, -«մենք հույս ունենք, որ մեզ կուղարկենք նաև տոնական միջոցառումների բուկլետը, ինչպես նաև գոնե մեկ-երկու էն մեծ պլաստմասե թիթեռներից»:

Քաղաքապետանը խոստացել է ընդառաջ գնալ նույնիսկ այս հարցում. «Բուկլետներն էլ կուղարկենք, օկ..», — նշել է քաղաքապետարանը:

Պաշտոնյաները վստահեցնում են, որ որևէ ակնկալիք անպատասխան չի մնա և այժմ ուղարկելուն պատրաստվում է «ոչ միայն առաջին անհրաժեշտության թիթեռները, այլև մի քանի ռազմավարական ֆլամինգո»:

2 Comments

  1. Stepan Sukiasyan Stepan Sukiasyan 21/10/2015

    Քաղաքապետանը խոստացել է ընդառաջ նգալ

Մեկնաբանությունները փակ են.