![«Էռնեք բոլոր հեղափոխականները սենց համով ու անշառ լինեին», - ոստիկանություն:](https://i0.wp.com/www.armcomedy.com/wp-content/uploads/2015/05/Jh0rSH8rGHbr7e2ZOSodTiZTv5.jpg?resize=300%2C240)
ԵՐԵՎԱՆ — Այսօր ազատ են արձակվել «Հարյուրամյակը առանց ռեժիմի» նախաձեռնության անդամները: Ռեժիմը խոստանում է այլև երբեք չձերբակալել ակտիվիստներին, եթե իհարկե չլինի կարևոր միջոցառում կամ տարելից:
«Մեկ էլ կարողա Նոր տարուն մի 3-4 օրով նստացնենք` զուտ ավելորդ գլխացավից ազատվելու համար… Մարդ ես` կարողա միտինգ որոշեն անել, իսկ մենք հեչ տրամադրված չենք աշխատելու տոներին», — բացատրեց Նախախորհրդարանի գծով ոստիկանության հատուկ ներկայաուցիչ Աբել Նիստուկյանցը:
Նիստուկյանցի խոսքով իրավապահներին ոչ մի հաճույք չի պատճառում Նախախորհրդարանին բանտարկելը, այլ նույնիսկ վնասում է. «Մենք կարող էինք այդ էներգիան և ջանքերը Նախախորհրդարանի վրա վատնելու փոխարեն ուրիշ` ավելի լուրջ ակտիվիսների նստացնել կամ պատժել»:
![«Հաջորդ ակցիան կարող է լինել «Իրինա Ալեգրովայի համերգը առանց ռեժիմի»», - նախախորհրդարան](https://i0.wp.com/www.armcomedy.com/wp-content/uploads/2015/05/10951886_497615127044560_1032023510_o-640x360.jpg?resize=300%2C169)
Իսկ այդ ընթացքում Նախախորհրդարանը ծրագրում է վերանվանել «Հարյուրամյակը առանց ռեժիմի» նախաձեռնությունը: Այս պահին սեղանին դրված է չորս առաջարկ` «Հարյուրմեկամյակը առանց ռեժիմի», «Առաջին հայկական տիզեզերանավի կառուցումը առանց ռեժիմի», «Հեռուստատեսության թվային համակարգի անցումը առանց ռեժիմի» և ավելի քիչ հավանական «Քիմ Քարդաշյանի հաջորդ այցը առանց ռեժիմի»:
Արժույթի միջազգային հիմնադրամը կոչ է արել Նախախորհրդարանին հաջորդ մեծ բողոքի միջոցառումը անել կառավարությանը տրվելիք վարկի շրջանակներում: «Հաջորդ տարի մենք տրամադրելու ենք հարյուր միլիոն եվրո վարկ», — նշում է հիմնադրամի տնօրեն էն բոյով կինը, -«թող ակցիա անեն` “ԱՄՀ նոր վարկի ստորագրման արարողությունը առանց ռեժիմի”: Կուզենանք նոր դեմքեր լինեն վարկ ստացողները… հներից հույս չունենք, որ երբևէ կվերադարձնեն…»:
Ինչ վերաբերում է ազատազրկվածներին բաց թողնելուն, ոստիկանությունը բացատրում է, որ այդ հարցում հիմնական դերը խաղաց նախօրդ օրը` մայիսի 3-ին, կազմակերպված երթը հանուն քաղբանտարկյալների ազատության: «Այդ քսան հոգու խիզախ ակցիան ստիպեց, որ մեր սրտերը հալվեն և… մենք… ախշ շատ սրտաճմլիկ էր տեսնել այդ քիփլիկ և նուրբիկ չափսերի բողոքի երթը: Մեր լեյտենանտներից մեկը նույնիսկ արտասվեց…», — բացատրում է ոստիկանության` Նախախորհրդարանի գծով պատասխանատուն: