Press "Enter" to skip to content

Քաղաքապետարանը մեղադրում է գեշ քաղաքացիներին Երևանի թամանյանական տեսքը աղավաղելու մեջ

«Դեռ կան բազմաթիվ վայրեր, որտեղ նրանք կարող են զբոսնել... օրնակ` մետրոպոլիտենի գրոթե բոլոր կայարանները»
«Դեռ կան բազմաթիվ վայրեր, որտեղ նրանք կարող են զբոսնել… Օրնակ` մետրոպոլիտենի գրեթե բոլոր կայարանները»

ԵՐԵՎԱՆ — Երևանի քաղաքապետարանը ևս մեկ քայլ է կատարել «Հին Երևան» ծրագրի իրականացման ուղղությամբ. այսուհետև առավել գեշ քաղաքացիներին թույլ չեն տա զբոսնել մշակութային օջախների մոտակայքում: Որոշումը կազմում է համալիր ծրագրի միայն մեկ մասը:

«Մենք փորձում ենք քաղաքը դարձնել գեղեցիկ, բարեկեցիկ, պահպանել թամանյանական շունչը», — բացատրում է Երևանի քաղաքապետարանի էսթետիկ բաժնի պետ Գագիկ Ամատունին,- «Իսկ որոշ անբարեխիղճ արտաքինով քաղաքացիներ փչացնում են ամբողջ տեսքը: Ստիպված պաշտպանում ենք քաղաքի տեսքը այդ մարդկանցից»:

Քաղաքապետարանը համագործակցում է ոստիկանության «Հրեշտակներ» պահակախմբի հետ: Հրեշտակները պահպանելու են մշակութային օջախները անբարեխիղճ արտաքինով անցորդներից` կիրառելով բացատրական, խրախուսիչ և ծայրահեղ դեպքերում` պատժիչ գործողություններ:

Պահակախմբի ղեկավար Անարատ Պիսկունցը ասում է. «Օպերայի շրջակայքը արդեն մաքրել ենք առավել կնճռոտ տատիներից և անթրաշ ու փնթի ծերուկներից: Առայժմ կենտրոնանում ենք Օպերայի վրա, բայց շուտով ազատագրելու ենք նաև Թամանյանի արձանը, Կոմիտասի այգին և իհարկե Հրապարակը»:

«Ցավոք ստիպված կլինենք հրաժեշտ տալ չինացի զբոսաշրջիկներին...», - Վյաչեսլավ Մամիկոնյան, քաղաքապետարանի ներկայացուցիչ
«Ցավոք ստիպված կլինենք հրաժեշտ տալ չինացի զբոսաշրջիկներին…», — Վյաչեսլավ Մամիկոնյան, քաղաքապետարանի ներկայացուցիչ

Քայլը համարվում է ծառերի էտման շարունակությունը: Քաղաքապետարանը արդեն խորապես էտել էր քաղաքի տեսքը աղավաղող ծառերը և չի պատրաստվում կանգ առնել դրա վրա: «Մենք չենք պատրաստվում կանգ առնել դրա վրա», — նշում է քաղաքապետարանը:

«Մենք երկար տարիներ նեղվել ենք, որ Երևանը, մասնավորապես Փոքր կենտրոնը, կորցնում է իր թամանյանական շունչը, և այսօր մենք վերջապես լուծում ենք այդ հարցը», — բացատրում է քաղաքապետարանը, — «Այլընտրանքային արտաքինով մեր քաղաքացիների համար ստեղծելու ենք լրացուցիչ մշակութային վայրեր… Ասենք` Երրորդ մասում կամ Վայոց Ձորում»:

Այլընտրանքային արտաքինով մի խումբ քաղաքացիներ փորձել են բողոքի ցույց անել քաղաքապետարանի շենքի դիմաց, սակայն նրանց չեն թողել մոտենալ շենքին, քանի որ այդ շենքը ևս մտցվել է «անբարեխիղճ արտաքինով մարդկանցից պաշտպանվող օբյեկտների» ցանկի մեջ:

Անանուն աղբյուրներից հայտնի է դարձել, որ շուտով արգելվելու է նաև ճաղատ քաղաքացիներին քայլել թամանյանական շենքերի կողքով: «Ճաղատ մարդիկ ևս երբեմն աղավաղում են քաղաքի տեսքը, իսկ մենք փորձում ենք մաքսիմալ թամանյանական պահել գոնե Փոքր կենտրոնը», — մեջբերում են աղբյուրները անանուն պաշտոնյայի:

4 Comments

  1. Van Sergeebich via Facebook 4 Ապրիլի, 2015

    De dzez tesnem, vlasti tgek, mek el mek el mi zark tvek, mi zark tvek azgi kokin, vor erkric ays davay lini

  2. Arsen Heqimyan via Facebook 5 Ապրիլի, 2015

    Մենք փորձում ենք քաղաքը դարձնել գեղեցիկ, բարեկեցիկ, պահպանել թամանյանական շունչը, Իսկ որոշ անբարեխիղճ արտաքինով քաղաքացիներ փչացնում են ամբողջ տեսքը: )))))))

Մեկնաբանությունները փակ են.