Press "Enter" to skip to content

Աղվան Հովսեփյանը առաջարկում է տնտեսական բարելավմանը նվիրված հսկա խաչ կառուցել Հանրապետության հրապարակում

«Տնտեսության հույսը պետք է դնել Աստծո վրա: Մեր փայ Աստծո», - Հովսեփյան
«Տնտեսության հույսը պետք է դնել Աստծո վրա` մեր փայ Աստծո», — Հովսեփյան

ԵՐԵՎԱՆԱղվան Հովսեփյանը հանդես է եկել տնտեսական աճը խրախուսելու նոր նախաձեռնությամբ, որը ներկայացրել է կառավարությանը երեքշաբթի օրվա նիստի ընթացքում: Նախաձեռնության հիմքում ընկած են Աստծո ուշադրությունը գրավելուն և սիրտը շահելուն միտված քայլեր:

ՀՀ քննչական կոմիտեի նախագահ Աղվան Հովսեփյանը մտահոգություն է արտահայտել ԱՄՀ և ՀԲ` Հայաստանի տնտեսական աճի վերաբերյալ բացասական կանխատեսումներին և առաջարկել է ասիմետրիկ պատասխան տալ. «Եկեք մեծ խաչ տեղադրենք Հրապարակում», — նշել է Հովսեփյանը նախ շատ նեղ ընկերական շրջապատում:

Անզգուշորեն արտասանված միտքը այնքան է դուր եկել ընկերներին, որ այն զարգացրել և ներկայացրել են կառավարության ուշադրությանը: «Կարծում եմ, կառավարությունը փորձել է ամեն ինչ. բարեփոխումներ, ՓՄՁ հարկերի թեթևացում, նոր վարկեր, նույնիսկ վարչապետին փոխելը, բայց այդ ամենը չի օգնում տնտեսությանն ու հասարակությանը», — բացատրում է Հովսեփյանը, — «մինչդեռ պետք է չմոռանալ, որ մենք առաջին քրիստոնյա ժողովուրդն ենք ու… դե… պետք ա դրանից մաքսիմալ օգուտ քաղել մեր փայ Աստծուց»:

Հրապարակի խաչը բաղկացած կլինի 1714 ենթախաչիկներից և երեք աչքուլունքից:
Հրապարակի խաչը բաղկացած կլինի 1714 ենթախաչիկներից և երեք աչքուլունքից:

Աղվան Հովսեփյանի նախաձեռնությունը արդեն դրական արձագանք է ստացել ԱՄՆ-ում ՀՀ դեսպանատնից, որն առաջարկել է նաև խաչին կից կանգնեցնել Գաբրիել հրեշտակի արձանը` որպես հայ-հրեշտակյան հարաբերությունների ամրապնդման խորհրդանիշ:

Նախաձեռնությունը բարձր գնահատականի է արժանացել Ֆինանսների նախարարության կողմից, որտեղ նշում են նախորդ նման դեպքերի հաջողությունը: Նախարարության ավագ փորձագետ Խաչատուր Խաչակրյանցը ասում է. «Մի քանի տարի առաջ Ապարանում տեղադրվեց հսկայական խաչ: Եվ արդյունքում ի՞նչ տեսանք` քաղաքը մեկ տարվա ընթացքում արձանագրեց 78% տնտեսական աճ, տրանսֆերտների ավելացում `56%, իսկ ծնելիությունը մեծացավ հինգ անգամ»:

Այս տեղեկատվությունը հաստատում է նաև բուն Աղվան Հովսեփյանը. «Այո, այդպես էլ կա: Մենք ճիշտն ասած ակնկալում էինք ոչ թե 78% այլ 81% աճ, բայց էլի վատ չի: Մենք գոհ ենք մեր փայ Աստծուց»:

Կառավարությունն այժմ քննարկում է սոցիալական ոլորտի կրճատումները, որոնք թույլ կտան կառուցել Հրապարակում 34 մլն դրամ արժողությամբ այդ խաչքարը:

6 Comments

  1. Van Sergeebich via Facebook Մարտի 19, 2015

    Хачы лав митк е арже иарке. Байц мтацум ем вор айд хачи патрастумы у техадрумы тнтесакан ач кгранци hастат ми 2 марду грпанум и hашив жоговрди грпаннери. Иск те петутян макардаков ач кгранцви те че ес чгитем…

  2. Khar Megiddo via Facebook Khar Megiddo via Facebook Մարտի 19, 2015

    Անելուց- գոնե խմորից սարգեն…

    • Hakob Margaryan Hakob Margaryan Մարտի 26, 2015

      Էս ԿԱՇԱՌԱԿԵՐ նախկին դատախազը, Երկու տարի առաջ մի 30 մետր բարձրությամբ երկաթյա խաչ կանգնեցրեց իր հայրենի գյուղում, որով էլ ողջ Ապարանի շրջանը <>: Հիմա այդ փորձը ուզում է տարածել ամբողջ հանրապետությունում… Կեցցե՜ն սերժական հավերժ թալանչի չինովնիկների, երկրի տնտեսական արագ զարգացման նպաստող ռացիոնալիզատորական ստեծագործ մտքի ակտիվությունը…

  3. Ani Azizyan via Facebook Մարտի 20, 2015

    «… 34 մլն դրամ արժողությամբ այդ խաճքարը:» — Ձեր խիղճը կտրվի, վրիպակ անելուց մի քիչ նորմալ վրիպակներ արեք. քունը գլխիս՝ մի քանի վայրկյան մտածում էի, թե խճաքարն էս տեքստի հետ ինչ կապ ուներ: 😀

Մեկնաբանությունները փակ են.