Press "Enter" to skip to content

ՇՏԱՊ. Կառավարությունը մինչև տարվա վերջ կհրապարակի գնաճը խստորեն դատապարտող հայտարարություն

Կառավարությունը խոստանում է դատապարտել նաև մյուս տարի ակնկալվող թերացումները
Կառավարությունը խոստանում է դատապարտել նաև մյուս տարի ակնկալվող թերացումները

ԵՐԵՎԱՆ — Վերջին օրերի աննախադեպ գնաճը լուրջ մտահոգություն է առաջացրել ինչպես հասարակության, այնպես էլ իշխանության շրջանակներում: Կառավարությունը արդեն մշակում է աննախադեպ խիստ հայտարարություն, որը դատապարտելու է գնաճը:

«Պարզապես անհեթեթ է, որ գները հասել են այս սոսկալի մակարդակի: Հասարակությունը բերվել է մի վիճակի, որտեղ կենսապահպանումը որպես այդպիսին  դառնում է անհնար», — նշել է ՀՀԿ պատգամավոր Առաքել Մովսիսյանը, — «Մինչև ե՞րբ կարող է ժողովուրդը հանդուրժել նման արհամարհական վերաբերմունք»:

Պատգամավորը հույս հայտնեց, որ  կառավարությունը մինչև Նոր տարի անպայման լուծում կտա այս խնդրին: «Թերևս, կարևորագույն մարտահրավերը դա ապագա գնաճի զսպումն է», — ասում է Մովսիսյանը, -«Կարծում եմ, որ կառավարության ցանկացած հայտարարություն պետք է ներառի նաև անդրադարձ այդ մեխանիզմներին»:

Կառավարությունն իր հերթին արդեն ներկայացրել է այն իրողությունները, որոնք պատրաստվում է խստորեն դատապարտել: Կառավարությանը մոտ կանգնած վարչապետը նշել է. «Պարզապես խայտառակ վիճակ է երկրում… Մենք միանշանակ դատապարտելու ենք թե գնաճը, թե դրամային սպեկուլյացիաները, թե կոռուպցիան… և նույնիսկ հնարավոր է թեթևի մեջ դատապարտենք նաև շաքարի մենաշնորհը», — ասել է վարչապետը:

«Դատապարտելը քիչ է... Պետք է շատ դատապարտել», - Զոհրաբյան
«Դատապարտելը քիչ է… Պետք է շատ դատապարտել», — Զոհրաբյան

«Թող ոչ մեկի մտքով չանցնի, որ այս կառավարությունը լուռ նստելու է, երբ երկրում տիրում է քաոս: Չի լինելու նման բան: Ամենավերջին, սուր և անխնա բառերով քննադատելու ենք բոլոր չարիքները մեր հայտարարության մեջ: Դատապարտելու ենք նույնիսկ աղքատությունը և երկրի արտաքին պարտքը, որը ուղղակի.. ոնց ասեմ.. ատում եմ ես այն», — հայտնում է վարչապետը:

Աղբյուրների ամաձայն` հայտարարությունը լինելու է իրոք աննախադեպ: «Քարը քարին չի թողնելու այդ հայտարարությունը,» — նշում է աղբյուրը, — «Առանձնահատուկ շեշտ է լինելու կաշառակերության, ժողովրդավարության վատ վիճակի և ոչ կոմպետենտ պաշտոնյաների վրա»:

ԲՀԿ պատգամավոր Նաիրա Զոհրաբյանը  նշել է, որ միայն դատապարտելը բավարար չէ. «Չի կարելի այդքան տարի գողանալ, թալանել, կործանել երկիրը, իսկ տարվա վերջում պարզապես  դատապարտել և դրանով ավարտել: Սա պարզապես ծիծաղելի է: Թող կառավարությունը լինի հետևողական և… տարին գոնե երեք, չորս անգամ դատապարտի երկրի վիճակը, ինչպես դա մենք ենք անում»:

Կառավարության որոշ ներկայացուցիչներ խոստանում են, որ գնաճի և մյուս բացասական երևույթների անխնա դատապարտումը կարող է դառնալ բարի ավանդույթ և իրականացվել յուրաքանչյուր մեռելոցի հաջորդ օրը:

4 Comments

  1. Hasmik Margarian via Facebook Hasmik Margarian via Facebook Դեկտեմբերի 24, 2014

    Մի պահ ուշադիր կարդում էի, հետո հասկացա,,, ԱրմՔոմեդին է)) ։(

  2. Vemir Barcafan Mxitaryan via Facebook Vemir Barcafan Mxitaryan via Facebook Դեկտեմբերի 24, 2014

    Haziv ara mi or varchapety chesni xosuma =D

  3. Roma Alaverdyan via Facebook Դեկտեմբերի 24, 2014

    Լավ է, այ <> քոմեդիիիիի, ձեր մակարդակնել իջավ մինչև իմ, են ինչ են ասում է, դրա տակը: Դելավ է…

    • Narek Narek Դեկտեմբերի 26, 2014

      Եկեք չբացառանք մեկ այլ վարկած` գուցե Ձեր մակարդակն է շատ կտրուկ աճել

Մեկնաբանությունները փակ են.