ԵՐԵՎԱՆ — Երկու շաբաթ առաջ Երևանում սպանվել է քաղաքացիական ակտիվությամբ աչքի ընկած «Փռչոտ» մականունով շունը: Ըստ շրջանառվող լուրերի` շան սպանությունը կապված է վերջինիս քաղաքացիական դիրքորոշման և գործունեության հետ:
Փռչոտը մտավ ակտիվ քաղաքացիական դաշտ 2011-ին` Մաշտոցի պուրակի պայքարի ժամանակ: Նա մասնակցել է թե ակցիաների, թե բողոքի այլ միջոցառումների, իսկ ազատ ժամանակ Մաշտոցի պուրակի տարբեր անկյուններում լիզել է սեփական վերարտադրողական համակարգը:
Ակտիվիստ Անանիա Մանանյանը պնդում է, որ Փռչոտին սպանել են քաղաքացիական հասարակության ձայնը կտրելու նպատակով: «Ակնհայտ է, որ Փռչոտը դարձել էր ոսկոր քաղաքապետարանի կոկորդում: Նա յուրաքանչյուր առիթ օգտագործում էր իշխանությունների վարքը քննադատելու համար. մասնակցում էր ցույցերի, հեծանվարշավների, իսկ երբեմն` ի նշան բողոքի, քաղաքապետարանի դիմաց լիզում էր սեփական վերարտադրողական համակարգը»:
Փռչոտի հիմնական հենարանն էր բնապահպանական համայնքը, որը հարազատի պես սիրում էր այդ փոքրիկ, պայքարող շնիկին, բայց ոչ այնքան, որ մշտական բնակության նպատակով տաներ տուն:
«Ախր նա մեր ընկերն եր, մեր դաշնակիցը, մեր զինակիցը` սկսած Մաշտոցի պայքարից մինչև տրանսպորտային պատերազմներ…», — կիսվում է վրդովված բնապահպանը: «Մենք նրան սիրում էինք ինչպես փոքրիկ եղբոր, հարազատ ընտանիքի անդամի… Դե բայց իհարկե ոչ այնքան, որ տանեինք մեր տանը պահեինք…», — շարունակում է Փռչոտի մտերիմը:
Քաղաքապետարանի արտաքին կապերի բաժինը (քչերը գիտեն, բայց այդպիսի բաժին իրոք գոյություն ունի, — խմբ.) պնդում է, որ Փռչոտի միջադեպը տեղի է ունեցել անօթևան շներից քաղաքը մաքրելու միջոցառման շրջանակներում:
Բաժնի ղեկավար Զավեն Ծպտունցը նշում է, որ քաղաքապետարանը բազմաթիվ բողոքներ է ստացել Կենտրոն համայնքի բնակիչներից Փռչոտի վերաբերյալ: «Մարդիկ ահազանգում էին, որ Շարիկը (փռչոտի փաստացի անունը, — խմբ) անհանգստացնում է բնակիչներին` հանրային վայրերում ագրեսիվորեն լեզվահարելով վերարտադրողական ամբողջ ապարատը, — պարզաբանում է Ծպտունցը, — «Մենք մի քանի տարի հանդուրժեցինք այդ վարքագիծը` հաշվի առնելով Շարիկի քաղաքացիական կշիռը և ակտիվությունը, սակայն մեր համբերությունը սահման ունի»:
Աղբյուրների համաձայն` Փռչոտը մի քանի անգամ տարվել է ոստիկանության բաժին` բացատրական աշխատանքների համար: Ոստիկանության կապիտան Սեբաստիան Բախը (անուն և ազգանունը փոփոխված են աղբյուրի խնդրանքով) պնդում է, որ Փռչոտը մի քանի անգամ սադրել է իրավապահներին` «սեռական բնույթի ոտնձգություններ իրականացնելով ոստիկանի ոտքի նկատմամբ»:
«Նա դոմփում էր իմ ոտքը», — թախծոտ կիսվում է Սեբաստիանը, — «Չէր կատարում իմ օրինական պահանջները` դադարել ոտքս դոմփելը»:
Խնդալու չի.
շատ լավն էր
partadir chi xndalu lini.dra hamar em sirum armcomedyn
Տուն չտանելու պահը վատն էր, որովհետև Փռչոտը մշտական մնալու տեղ ուներ՝ ՀՎԶ արհեստանոցը, էնտեղ էր ապրում։
Аскацохи амар кярфинджов криве_эсписи жоховрдакан хоск ка…
Not funny at all….
aaaa shat lavner )))))))))))