Press "Enter" to skip to content

ԱԺ-ում հետաձգվեց ոտքով կոճակ սեղմելու միջադեպի մասին բանաձևի քննարկումը

Աղբյուր. 'Մենք չենք հրաժարվում բանաձևի քննարկումից` պարզապես հետաձգում ենք այն'
ԱԺ.«’Հետաձգումը զուտ տեխնիկական պատճառներ ունի` բովանդակային խնդիր չկա»

ԵՐԵՎԱՆ — Օրերս հայտարարվել էր, որ հաջորդ քառօրյային Ազգային ժողովը պետք է անդրադառնա այն միջադեպին, որի ժամանակ երգչուհի Եվա Ռիվասը ոտքով էր սեղմել կոճակը «Հայաստանի ձայնը» երաժշտական շոուի ընթացքում: Սակայն այսօր պարզ դարձավ, որ բանաձևի քննարկումը հետաձգվել է անորոշ ժամկետով: ԱԺ ընթացակարգային հարցերի համար պատասխանատու Վիգեն Մալխասյանը լրագրողներին խնդրեց ըմբռնումով մոտենալ ստեղծված իրավիճակին. «Եվա Ռիվասի` ոտքով կոճակ սեղմելու հարցը դուրս չի եկել օրակարգից, այլ պարզապես հետաձգվել է: Մի քանի պատգամավորներ մտադիր են ընդունել դատապարտող բանաձևը, սակայն հաջորդ քառօրյայի մեջ այս հարցը չենք ընդգրկել: Ունենք 2-3 մի փոքր ավելի կարևորագույն հարցերը, որոնք պետք է արագ լուծում ստանան օրենսդիրում»:

Պատգամավոր Հայկ Բաբախանյանը գտնում է, որ չափազանց շատ ձգձգելը սխալ կլինի, քանի որ հարցը կկորցնի իր արդիականությունը. «Նման միջադեպերին պետք է արագ  պատասխան տալ, որպեսզի կանխենք դրանց կրկնությունը հետագայում: Ցավում եմ, որ խորհրդարանը չի կարողանում ավելի արագ արձագանքել այս հարցին, բայց գոնե կարելի էր չէ՞ քննարկել այն արտակարգ նիստի ժամանակ»: Հիշեցնենք` պատգամավորը նախկինում խորհրդարանի ամբիոնից անդրադարձ էր կատարել այնպիսի օրհասական հարցերի, ինչպիսին էր, օրինակ, Կոնչիտա Վուրստը:

Մարքուքյան. «փփռց»
Մարուքյան. «Չէ լուրջ` ուրիշ խնդիր չկա՞»

Հարցի հրատապության հետ համաձայն չէ ինքնիշխան պատգամավոր Էդմոն Մարուքյանը: «Բայց ո՞վ ասեց, որ էդ հարցը պետք ա Ազգային ժողովում քննարկվի: Հա, ասենք երգչուհին ոտքով ա սեղմել կոճակը…և՞: Ինչու՞ սա դարձավ երկրի համար 1 թեման, ինչու՞ ենք մենք դեռ սրա մասին խոսում: Ու դեռ մի հատ էլ բանաձև են ուզում ընդունել: Մենք հարկային օրենսգրքի բարեփոխում ունենք առաջիկայում», — որոշակի զայրույթով պատասխանեց պատգամավորը:

Համաձայն մեր աղբյուրի` բանաձևը արդեն տեղ է գտել հաջորդի հոջորդ քառօրյայի օրակարգում, որտեղից, սակայն, հանվեց մի շարք գյուղերի ջրամատակարարման ծրագրի քննարկումը:

8 Comments

  1. Artur Yerevan via Facebook Հոկտեմբերի 27, 2014

    Vay es ovker ennn,es inch anasunutyun ennnn, Mnacel er knga bambasankov zbaxven,etel arin. To lav a arel votkov e kojak sexmel,dukel lav knarkumner arek uzum ek glxov kam vorov sexmek,da inch xndira ay thas massaner.

  2. Sash Agh via Facebook Sash Agh via Facebook Հոկտեմբերի 27, 2014

    ArmComedyn zil humor uni 😀

  3. Shushanna Margaryan via Facebook Shushanna Margaryan via Facebook Հոկտեմբերի 27, 2014

    Erm… Sa humorayin stat’ya e, Artur jan. Lol

  4. Vemir Barcafan Mxitaryan via Facebook Vemir Barcafan Mxitaryan via Facebook Հոկտեմբերի 27, 2014

    Aaaaaaaaaa mera es el asem es inchen grel

  5. Զավեն Վարդանյան via Facebook Զավեն Վարդանյան via Facebook Հոկտեմբերի 28, 2014

    Բա որ պատգամավորները սկսեն ոտքով կոճակ սեղմել …

  6. Bo Ney M via Facebook Հոկտեմբերի 28, 2014

    Arden zzvacrecin es votqov kochak sxmel@ mi aqngama arec 1000 angam asecin

Մեկնաբանությունները փակ են.