Press "Enter" to skip to content

Արտակարգ պատահար. եղանակը ճիշտ է կանխատեսվել

Նոյը` եղանակի ճիշտ կանխատեսման վերջին դեպքից մեկ տարի անց
Նոյը` եղանակի ճիշտ կանխատեսման վերջին դեպքից մեկ տարի անց

(By Daniel Ioanissyan)

ԵՐԵՎԱՆԱյսօր մայրաքաղաքում տեղի ուեցավ արտակարգ պատահար` “Հայհիդրոմետ”-ը տվեց եղանակի ճիշտ կանխատեսում: Մասնավորապես, ինչպես դեպքի վայրից հաղորդեց ֆոտոլրագրող Գագիկ Շամշյանը, օդերևութաբանները երեկ կանխատեսել էին -10 աստիճան սառնամանիք, որը այսօր վրա հասավ և ստեղծեց արտակարգ իրավիճակը:

00 օդ 36,6 պետհամարանիշներով ավտոմեքենայի վարորդ՝ ավագ մետեորոլոգ Ցոլակ Ց.-ն, կոպտորեն խախտելով ձևավորված ավանդույթը, դաժան սառնասրտությամբ տվեց եղանակի ճիշտ կանխատեսում:

Դեպքի վայր ժամանեց արտակարգ իրավիճակների նախարար Արմեն Երիցյանը, ով լրագրողների հետ զրույցում հայտարարեց, որ նման պատահար վերջին անգամ եղել էր Նոյի թվին, երբ վերջինս կանխատեսել էր տեղումնառատ անձրևներ: Նա նաև հույս հայտնեց, որ առաջիկա 50-60 դարում նման բան այլևս չի կրկնվի:

Նախարարը խոստացավ աջակցել ճիշտ կանխատեսումից տուժած բոլոր քաղաքացիներին. “Անկախ միջադեպի մեղավորներից, մենք պարտավոր ենք փրկել դրանից տուժած բոլորին”: Ապա պարոն Երիցյանը հեռացավ` անձամբ փրկարարական աշխատանքներին մասնակցելու:

Ոստիկանությանը մոտ կանգնած մեր աղբյուրները հաղորդում են, որ ոստիկանությունն ու ԱԱԾ-ն որոշել են համատեղ պայքարով “օրորոցում խեղդել” եղանակի ճիշտ կանխատեսումների հնարավորության գաղափարն անգամ: Ըստ աղբյուրի, Ցոլակ Ց.-ն եղանակի կանխատեսումներ է արել ոչ սթափ վիճակում և եղել է թմրանյութերի ազդեցության տակ:

Իսկ հատուկ Armcomedy.com-ի համար իրավիճակը մեկնաբանելու փոխարեն Հրայր Թովմասյանը անեկդոտ պատմեց. “Օդերևութաբանները երբեք չեն սխալվում, նրանք ընդամենը շփոթում են կանխատեսված եղանակի օրն ու վայրը”:

Լրագրողների հետ հանդիպմանը ստեղծված իրավիճակը մեկնաբանեց նաև սոցիոլոգ Ահարոն Ադիբեկյանը. “Անպատասխանատու օդերևութաբանի հայտարարությունը մեծացրել է հանրության մոտ դեպրեսիայի, ընկճվածության և սուր ինֆեկցիոն հիվանդույթունների նկատմամբ հակվածությունը… Իսկ քաղաքացիների 5-7 տոկոսը անգամ դարդից սկսել են խմել ու կանգնած են ալկոհոլիզմի շեմին:

Armcomedy.com-ը հանրությանը կոչ է անում զգոն մնալ, քանի որ վերջին անգամ եղանակի ճշգրիտ կանխատեսումը (Նոյի թվին) ավարտվեց համաշխարհային ջրհեղեղով:

10 Comments

  1. Artak Artak Հունվարի 18, 2014

    Daniel Ionisyan@ achqis parap a mnacel achqis. Araj gaishnikneri hetevic er @ngel, heto parkingneri, hima el eghanaki tesuthyan. Asa mi banic vor ches haskanum, inch es qez Colak Ciklonyani tegh dnum? Manavand vor Hetq-i ira hodvatsi tak yes em hamematel iran Colaki het. Daniel jan, mi hat asa tenanq chmutsvats parkingid patmuthyunn inch eghav? Tuganecin, tuganq@ tarar xeloq mutsecir?

    • Դանիել Իոաննիսյան Դանիել Իոաննիսյան Հունվարի 18, 2014

      Հարգելի Արտակ, որ Ձեր ոչ տեղը գիտեմ, ոչ ազգանունը,
      Կանգնել եմ (մի 100 անգամ) ու ոչ մի տուգանք էլ չի եկել (թեև, շատ էի ուզում, որ գար): … Թե դուխ ունեք` ամբողջությամբ ներկայացեք, իմանանք, էտ ո՞վ է ԳԱԻ-ի, պարքինգ սերվիսի ու հայհիդրոմետի բարեկամը:D

  2. Եղանակը գուշակելուց հեշտ բա՞ն: Հիդրոմետը էսօրվա եղանակը գուշակում է առաջիկա օրերի համար: Քանի որ կտրուկ փոփոխության հավանականությունը ցածր է , ապա սխալվելու հավանականությունն էլ ցածր է:

  3. Elen Mkrtchyan via Facebook Elen Mkrtchyan via Facebook Հունվարի 18, 2014

    😮

Մեկնաբանությունները փակ են.