Սուրբ Սամոյի վկաներին չգրանցեցին

ԵՐԵՎԱՆ – ՀՀ պետական ռեգիստրը պաշտոնապես հրաժարվեց գրանցել “Սուրբ Սամոյի վկաներ” կրոնական կազմակերպությունը, որը, համաձայն ներկայացված փաստաթղթերի, բաղկացած է Բանգլադեշի բնակիչներից, որոնք ժամանակավորապես ապաստանում են Փակ շուկայի հարևանությամբ և պաշտում են “Դաքքա Սիթի” տաճարները:
Կրոնական կազմակերպությունը չգրանցելը մեկնաբանեց արդարադատության նախարար Հրայր Թովմասյանը. “Հայտում հստակ չեն նշված Հիսուսի և սուրբ Սամոյի փոխհարաբերությունները: Անհասկանալի է նաև, թե կոնկրետ ինչպե՞ս պետք է Մատենադարանը վերակառուցվի “Դաքքա Սիթի” տաճարի”:

Միաժամանակ, Ադրբեջանը այս առթիվ Եվրախորհուրդ է ներկայացրել Հայաստանի դեմ պատժամիջոցներ կիրառելու մասին թիվ 2407 բանաձևը, որում ասվում է, որ Հայաստանը խախտում է Ադրբեջանից օկուպացված տարածքներում ազգային փոքրամասնությունների (Բանգլադեշցիների) կրոնական իրավունքներն ու օրինական շահերը:
Բավականին կոշտ էր նաև “Մեկ ազգ” կուսակցության արձագանքը: Վերջինիս նախագահ Գոռ Թամազյան. “Արևմուտքի հինգերորդ շարասյուն հանդիսացող նենգ աղանդը ի վերջո ճաշակեց իր առաջին պարտությունը: Մեր արևմտյան թշնամիների լոկոմոտիվ Բանգլադեշը նպատակ ուներ կազմաքանդելու հայոց ազգի պատմական ավանդույթները, սակայն ճաշակեց մեր ազգի միասնական բռունցքի ճաշակման անխուսափելիությանը”:
Երեկ նաև բախումներ տեղի ունեցան պահպանողական նախախորհրդարանականների և Սուրբ Սամոյականների միջև: Բախումների առիթ հանդիսացավ պահպանողականներից մեկի կողմից Սամոյին “սուրբի” փոխարեն կանացի ներգնազգեստի պարագայի անվամբ կոչելը:

Նշենք, որ պահպանողականները, ոտնահարելով Բանգլադեշցիների կրոնական իրավուքնենրը, փորձում են խոչընդոտել “Դաքքա Սիթիի” կառուցումը: Ակտիվիստ Տիգրան Խզմալյան. “Ուրեմն պողոտայի էս կողմը մզկիթ կառուցեցին, հիմա էլ, դիմացը Դաքքա Սիթի են սարքում: Սա կրոնապետական քյառթագեն է”:
Հիշեցնենք նաև, որ Սուրբ Սամոյի վկաները առաջին անգամ ի հայտ եկան 2012 թվականին, երբ մարտերով պաշտպանում էին Բանգլադեշը հայաստանցի օկուպանտ Նիկոլ Փաշինյանից:

Դանիել Իոաննիսյան,
Դաքքայից հատուկ “ArmComedy”-ի համար