Press "Enter" to skip to content

Yerevan City` Փակ շուկայի կտուրը քանդել է ինքնաբուխ ապամոնտաժող բրիգադը

«Պետք չէ ուռճացնել ապօրինությունների չափը` նենց չի, որ ընդհանրապես կամար չենք թողել,» - Ալեքսանյան

ԵՐԵՎԱՆ — Մեր լրագրողական թիմը մոտեցավ չար լեզուների պնդմամբ Yerevan City-ի սեփականատեր Սամվել Ալեքսանյանին` պարզաբանումների համար. «Նախ, ուզում եմ ասել, որ ես բացառապես պատգամավոր եմ, օրենսդիր մարդ եմ և ոչ մի կապ չունեմ ոչ Yerevan City-ի, ոչ էլ որևէ այլ բիզնեսի` Natali-Pharm-ի, Моя Семья-ի կամ շաքարի որևէ մենաշնորհի հետ: Ոչ մի կապ` ես միայն օրենսդիր եմ», — նշեց Ալեքսանյանը:

«Իսկ եթե լուրջ, — շարունակեց նա, — ապա պետք է խոստովանեմ, որ մեր նպատակները Փակ շուկայում միայն բարին են: Մենք փորձում ենք այն վերակառուցել և գեղեցկացնել: Իսկ կտուրի կործանման պահը… դա, անկեղծ ասած, մենք չէինք նախատեսել… Պարզապես մի քանի երիտասարդներ` մեր Yerevan City-ի երիտասարդ աշխատողներից, որոշեցին, որ պետք է ապամոնտաժեն և.. տենց նախաձեռնող խումբ ստեղծեցինք… ինքնաբուխ, իհարկե` այդ ամենը ինքնաբուխի մեջ էր արվում…»:

Yerevan City-ի տառաճանաչ ներկայացուցիչներից մեկը նշեց, որ Փակ շուկան ոչնչացնելու միանշանակ ծրագիր չկա. «Փակ շուկան միանշանակ ոչնչացնելու նպատակ չկա: Ուղղակի չկա: Պարզապես նպատակը շուկայի ընդլայնումն է, որին խանգարում են կտուրն ու կամարները: Հա, մեկ էլ պատերը: Բայց դրանից զատ` շուկան մնալու է նույն նախկին մեր սիրելի շուկան: Հա, պարզապես այդքան փակ չի լինի, քնանի որ վերևը մտածում ենք ապակեպատ անել: Բայց մնացածը` ինչպես կար այդպես էլ կմնա»:

Սեփականատերը խոստանում է Փակ շուկայում կառուցել լրացուցիչ ապտեր և եվրո-կտուր:

Մեր թղթակցի այն հարցին, թե ինչպես է Yerevan City-ն վերաբերում նրան, որ շուկայի վերափոխումը հակասում է օրենքին, քանի որ այն մշակութային ժառանգություն է, Yerevan City-ի մեկ այլ ներկայացուցիչ արձագանքեց, որ «օրենքի պահով իրոք անհարմար ստացվեց, բայց սրանից հետո պետք է ձգտենք, որ ամեն ինչ արվի օրենքի շրջանակներում, բացի մի քանի փոքրիկ շինարարական լուծումներից»:

Yerevan City-ի խնդրահարույց շինարարության գծով ներկայացուցիչ Գալուստ Տուպիկյանը նշեց. «Մենք որևէ կապ չունենք քանդման ապօրինությունների հետ: Բոլոր ապօրինությունները արել է ինքնաբուխ ապամոնտաժոց բրիգադը, որը ինքնաբուխ առաջացավ և պահանջեց քանդել շուկայի մի մասը: Եթե չեմ շփոթվում, նրանք այս կողմ վազեցին վերջում»:

Չար լեզուները շարունակում են հետևել գործընթացին, սակայն արդեն ակնհայտ է, որ ապամոնտաժող բրիգադը մտադիր է լիովին ձևափոխել շենքը:

Չար լեզուները խոստովանոոմ են, որ այդ մակարդակի մշակութային վայրի ոչնչացում դեռ չեն տեսել: «Իրոք չենք տեսել», — նշում են չար լեզուները:

«Մենք լիովին մտադիր ենք ձևափոխել շենքը,» — նշում է Yerevan City-ի ինքնաբուխ ապամոնտաժող բրիգադի ղեկավար Կարեն Ավագյանը: «Դա չի արվում Սամվել Ալեքսանյանի բիզնեսը ընդլայնելու համար, այլ պարզապես մեր երիտ-թևի ինքնաբուխ որոշումն է: Իսկ եթե ավելի լուրջ, ապա ափսոս է քաղաքի կենտրոնում այդ մեծ տարածքը միայն մեկ հարկանի տուզիկ շուկա պահել: Կփորձենք ավելի մեծացնել, որ համ մեր ազգին լավ լինի, համ Yerevan City-ին: Իսկ եթե ավելի լուրջ` Yerevan City-ին:»:

Չար լեզուները խոստանում են հետևել գործընթացին և  հանրությանը ներկայացնել վերջին զարգացումները: «Մենք պարզապես ապշած են ապօրինության աստիճանով և քանդման աշխատանքների տեմպով, — նշում են չար լեզուները, — սակայն հույս ունենք, որ հանրային ճնշումը թույլ չի տա այս հսկա բուծիկի կառուցումը Երևանի մշակութային վայրերից մեկում»:

 

Այս նյութը պատրաստվել է ՎԿԱ ծրագրի շրջանակներում – EBG Disclaimer

5 Comments

  1. Hasmik Soghomonyan via Facebook Hasmik Soghomonyan via Facebook Մայիսի 30, 2012

    Տառասխալները չհաշված, շատ լավն էր ։Ճ

  2. Lilit Gasparyan via Facebook Մայիսի 30, 2012

    ba vonc gtnenq et inqnabux brigadin, xndrenq shaaat inqnabux ev patahakan aleqsanyani orinak 5erord tun* qandi???)))

Մեկնաբանությունները փակ են.