ԵՐԵՎԱՆ – Կիրակի օրը Մարիոթ հյուրանոցում ՊԵԿ աշխատակազմը մեծ շուքով նշեց Բարգավաճ հայաստան կուսակցության հայտարարությունը իշխող կոալիցիային չմիանալու մասին:
Երեկույթին, որին մասնակցում էին հայ էստրադայի աստղերը և մի քանի սերիալի դերասան, ելույթ ունեցան պաշտոնյաներ և ՊԵԿ ղեկավարությունը, որոնք ապառիկ տոնում էին ԲՀԿ գալիք մուտքը հարկային օերնսդրության դաշտ:
ՊԵԿ նախագահ Գագիկ Խաչատրյանը լրագրողների հետ կիսվեց ոգևորությամբ. «Ինչպես գիտեք «Մուլտի գրուպը» այս պահի դրությամբ զբաղեցնում է ամենախոշոր հարկատուների ցուցակում 268-րդ տեղը, ինչը բազմաթիվ անքուն գիշերների ու մտատանջանքի պատճառ է եղել մեր համակարգի համար», — նշել է Խաչատրյանը:
«Այսօր մենք պարզապես տոնում ենք «Մուլտի գրուպի» գալիք թռիչքը այդ ցուցակում: Հասկանում ենք միանգամից դժվար կլինի հասցնել նրանց առաջին տեղ, բայց մինչև նոր տարի կփորձենք ներառել գոնե առաջին եռյակում», — հավելեց ՊԵԿ նախագահը:
«Մուլտի գրուպ» ընկերության մամլո խոսնակ Գալուստ Խաչիկյանը կոչ է արել սառնասրտորեն մոտենալ հարցին. «Ոչ մի խնդիր չեմ տեսնում: Այո, քաղաքական ինչ-ինչ պատճառներով մենք գուցե և ստիպված լինենք մոտակա ժամանակում աշխատել օրինական դաշտում: Իհարկե շատ ստոր քայլ կլինի ՊԵԿ-ի կողմից այդքան կտրուկ մեզ մտցնել հարկային դաշտ մեր երկարաժամկետ լավ հարաբերությունների հետո, բայց դա միայն խոսում է իշխանության կամայականության մասին»:
ԲՀԿ մի քանի պատգամավոր կարծիք են հայտնել, որ ՊԵԿ-ը հաշվի կառնի այն մեղմացուցիչ հանգամանքը, որ ԲՀԿ-ն պատրաստ է լինել «մաքսիմալ կառուցողական»:
«Չեմ կարծում, որ հարկային մարմինների կողմից կոռեկտ կլինի մեզ հարկել օրենքի ողջ ուժով և հաշվի չառնել, որ մենք պատրաստ ենք կառուցողական համագործակցության գնալ կոալիցիայի հետ: Հասկանալի է, որոշակի անցում ստվերից դեպի օրինական դաշտ տեղի պետք է ունենա, սակայն այն պետք է լինի չափավոր և հավասարակշռված,» — նշել է Նաիրա Զոհրաբյանը:
Փորձագետները կարծում են, որ արդեն մոտակա ամիսներին ԲՀԿ-ն լուրջ առաջընթաց կարձանագրի խոշորագույն հարկատուների ցուցակում: Իսկ որոշ աղբյորների համաձայն ԲՀԿ-ի առանձին գործարարներ կարող են բոյկոտել հարկային դաշտ մտնելը և առանձին մաս կազմեն կոալիցիային:
Այս նյութը պատրաստվել է ՎԿԱ ծրագրի շրջանակներում – EBG Disclaimer
Inchu chmtnel harkayin dasht orenqi tarin hamapataskhan….? Poqrerin kareli e miangamic kul tal? Qani-qani poqri karogh eq kerakrel? Bolory petq e orenqi tarin hamapatasxan mtnen harkayin dasht… Verjiverjo petutyuny petq e votqi hanel, te che?
aaaaaaaaaaaaaaaaaay, lav el haskanum eq, chnayac………………….. ov inch giti kam chgiti))))))) Inch gitenq inch a katarvum irakanum !