Press "Enter" to skip to content

Ասրյանը նշանակվեց ՀՀ դեսպան 30-ականների Գերմանիայում

«Ես որևէ նմանություն չունեմ այդ արյունարբու, բայց միևնույն ժամանակ հզոր ու հմայիչ կանցլերի հետ», - Ասրյան:

ԵՐԵՎԱՆ — Հինգշաբթի Հայաստանի արտաքին գործերի նախարարությունը հաղորդագրություն է տարածել, որ որոշում է կայացվել առավել նպատակահարմար պաշտոնի տեղափոխել սպորտի և երիտասարդության հարցերի նախարարի տեղակալ Խաչիկ Ասրյանին: ԱԳՆ-ն ընդգծել է, որ խոսքը ռետրո առաքելության մասին է դեպի 30-ականների Գերմանիա:

Արտգործնախարար Էդվարդ Նալբանդյանը նշել է, որ ԱԳՆ լավագույն փորձագետները աշխատում են ժամանակային տարբերությունների խնդրի վրա: «Կարևորն այն է, որ սկզբունքային որոշումն արդեն ընդունված է: Դեսպան նշանակելու հարցում սա մեր նախարարության երևի ամենատրամաբանական որոշումն է»,– ասել է Նալբանդյանը:

Նախարարի խոսքով՝ «չափազանց ափսոս է վատնել Ասրյանի նացիոնալ-սոցիալիստական տաղանդը սպորտային այդ հիմնարկում»:

Որոշումը քննադատության է արժանացել ԱՄՆ պետքարտուղարության կողմից, որտեղ շեշտում են Երրորդ Ռեյխի հետ դիվանագիտական հարաբերությունների անթույլատրելիությունը, սակայն քաղաքական փորձագետ Ալեքսանդր իսկանդարյանը դա բնական է համարում:

Քաղաքագետ Ալեքսանդր Իսկանդարյանը Պետքարտուղարության դիրքորոշումը բնական է համարում: «Естественно, պետք է հիշել, որ Վաշինգտոնը լարված հարաբերություններ ունի մի շարք երկրների հետ, այդ թվում՝ Հյուսիսային Կորեայի, Իրանի և 30-ականների Գերմանիայի, բայց դա մեզ չի խանգարում բարիդրացիական հարաբերություններ ունենալ նույն Իրանի հետ,– ասել է նա և շարունակել:– Ունենալով նման պատրաստված կադր՝ ափսոս է առնվազն լավ մշակութային հարաբերություններ չունենալ Ռեյխի հետ: Մնում է միայն այդ ժամանակային տարբերության խնդիրը լուծել»:

«Վստահ ենք, Հայ-Երրորդ Ռեյխյան հարաբերությունները կտրուկ կբարելավվեն, ինչը կամրապնդի մեր դիվանագիտական դիրքերը 30-ականների Եվրոպայում»:

ԱԳՆ որոշմանը, սակայն, բավական անսպասելի և կտրուկ է արձագանքել դեսպանի պաշտոնում նշանակված թեկնածուն: Խաչիկ Ասրյանը նշել է. «Ընդհանրապես չեմ հասկանում, թե ինչ պոտենցիալ են տեսել իմ մեջ Երրորդ ռեյխում դեսպան նշանակելու համար»:

Սպորտի և երիտասարդության հարցերի փոխնախարարը նշել է, թե իր համար անընդունելի է, որ իրեն համեմատում են Ադոլֆ Հիտլերի հետ: «Ինձ համար ծիծաղելի և անընդունելի է, որ բոլորի մոտ ստեղծվել է անհեթեթ տպավորություն, որ ես որևէ կապ կամ նմանություն ունեմ Գերմանիայի 1930-ականների կանցլեր,  խարիզմատիկ հռետոր և ուժեղ առաջնորդ Ադոլֆ Հիտլերի հետ:

Բայցևայնպես, Ասրյանը հայտարարել է, որ եթե այդ նշանակումը նպաստելու է Հայաստանի շահերի առաջխաղացմանը, ապա ինքը պատրաստ է լինել թեկուզ Երրորդ ռեյխի դարպասապահը: «Միայն թե այդ ժամանակի տարբերության հարցը լուծվի իհարկե»,– ասել է նա:

«ԱրմՔոմեդի»-ի աղբյուրների համաձայն՝ եթե հարցը արագ լուծում չստանա, և ժամանակային տաբերության խնդիրը չլուծվի, Ասրյանը կարող է դեսպան նշանակվել Հյուսիսային Կորեայում կամ ՀՀ հյուպատոս Արգենտինայի գերմանաբնակ համայնքներում:

 

 

Այս նյութը պատրաստվել է ՎԿԱ ծրագրի շրջանակներում – EBG Disclaimer

7 Comments

  1. Vigen Simonyan via Facebook Vigen Simonyan via Facebook Մարտի 16, 2012

    en “bernard show”-n el arman bardumyan anounov yargichin er kpel, araj anceq 😀

  2. Hayk Falakyan via Facebook Մարտի 16, 2012

    Ընտիր էր: Մնում ա ոմն ԿԳ նախարարի նշանակել հյուպատոս կրոմանյոնյան միջին չափսի քարանձավներից մեկում )):

  3. Sano Asatryan via Facebook Sano Asatryan via Facebook Մարտի 16, 2012

    Բայց կարող է էս Ասրյան կոչվածը դա ինքը’ վերակենդանացած Հիթլերն է????, լավ ասնեք ինքն է, բայց նայես ինչի համար է վերակենդանացել????, ասենք էն ժամանակ հիթլերը ուզում էր հրեաների վերջը բերել, հիմա որ ազգի վերջն է ուզում բերել, դէ կարելի է կռահել, էն ժամանակ երեվի հայերը խանգարեցին հիթլերին, էս անգամ ուզում է գործը գլխից բռնել…,

  4. Vaneni Dadoyan via Facebook Vaneni Dadoyan via Facebook Մարտի 17, 2012

    vor textov norutyunner eq grum (tipa Turqian chi chanachum Whitney Houstoni mahy), inchi takic vazogh toghov cheq grum? tenc aveli shat knmanvi iskakan lureri 🙂

  5. Davit Mnatsakanyan via Facebook Davit Mnatsakanyan via Facebook Մարտի 18, 2012

    lav e , es mardun hangist toxeq ay mard, hayrenaser marda halala iran !

    • Հովիկ Հովիկ Մարտի 19, 2012

      Դավիթ դուք լուրջ եք ասում թե կատակում եք

Մեկնաբանությունները փակ են.