Press "Enter" to skip to content

Անօդաչու ինքնաթիռի միջադեպի արդյունքներ` ԵԽ-ի օրակարգ մտավ Ադրբեջանը քյալ ճանաչող բանաձևը

ԵԽ-ն քննարկում է Ադրբեջանի մեղսունակությունը

Հինգշաբթի օրը Եվրախորհրդի խորհրդարանական վեհաժողովի օրակարգ մտավ վերջին մի քանի տարվա ամենաէմոցիոնալ բանաձևը, որը կարող է Ադրբեջանին պաշտոնապես ճանաչել քյալ: Բանաձևը նախագծվել է, որպես արձագանք շաբաթվա սկզբին Ադրբեջանի կողմից անօդաչու ինքնաթիռ բաց թողնելու անհաջող փորձին:

ԼՂՀ տարածքում ոչնչացված ադրբեջանական թռչող ռոբոտի ոչնչացումից հետո, ադրբեջանական կողմը հերքել էր իր  կապն այդ սարքի հետ, որից հետո չի ներկայացվել ոչ մի մեկնաբանություն: Փաստը ապացուցող լուսանկարները լրջորեն բարդացրեցին Ադրբեջանի` որևէ բանական դիրքերում հանդես գալու որևէ հեռանկար:

Ադրբեջանին քյալ ճանաչելու նախաձեռնությամբ հանդես է եկել ֆինլանդական պատվիրակությունը, որը պատահականորեն հետևում էր շաբաթվա լրահոսին: Պատվիրակության ղեկավար Յուքա Սկարգենը ցավով է մեկնաբանել միջադեպը. «Անկեղծ ասած, մեր պատվիրակությունը երեք օր փորձում էր իրավաբանական տերմին գտնել ադրբեջանական կողմի վարքին, և ամենամոտ ձևակերպումը ընդունվեց  ոչ ավանդական, բայց միակ տերմինը այս դեպքում` քյալություն»:

Ֆինլանդական նախաձեռնությունը գրեթե միաձայն հավանություն ստացավ նախնական փուլում, սակայն դեռ քննարկումներ են գնում թուրքական պատվիրակության հետ, որը առաջարկում է մեղմացնել ձևակերպումը: Թուրքական պատվիրակության ղեկավար Բուջօղլուն կարծում է, որ Ադրբեջանին քյալ ճանաչելը չի օգնի հարցի կարգավորմանը:

«Մենք կիսում ենք ԵԽ-ի մեր գործընկերների մտահոգությունը, բայց չենք կարծում, որ կան լուրջ հիմքեր նրանց (Ադրբեջանին — խմբ.)  քյալ ճանաչելու համար: Դա միայն կնվաստացնի մեր ազերի գործընկերներին և չի տա լուրջ արդյունքներ: Մենք առաջարկում ենք այս անգամ սահմանափակվել դամբուլ ձևակերպմամբ, որը ավելի ընդունելի է բոլոր կողմերի համար,» — նշել է թուրք դիվանագետը:

Ազերական թռչող օբյեկտը խախտեց ավանդական լոքշը

Միջազգային փորձագետների կարծիքով բանաձևի ընդունումը լուրջ վնաս կարող է հասցնել  Ադրբեջանի հեղինակությանն ու դիվանագիտությանը: ԱՄՆ փորձագետ Թոմաս դե Վալը համարում է, որ Եվրոպան հայտնվել է պատային իրավիճակում: «Մի կողմից Եվրոպան չի ուզենա նեղացնել իր նավթաշատ գործընկեր Ադրբեջանին, սակայն մյուս կողմից  միջազգային նորմերը և իրավական ակտերը հստակորեն պահանջում են նման վարքը ճանաչել քյալություն»:

ԼՂՀ զինված ուժերի մեջ այս միջադեպը ևս առաջացրել է զգալի աշխույժություն: ԼՂՀ հակաօդային ուժերի պդնմամբ անօդաչու սարքն ունի նաև դրական կողմ` դրա հայտնվելը և ոչնչացումը խախտեց մի քանի տարի տևած հակամարտության լոքշը: «Մեր միակ մտավախությունն այն է, որ ԵԽ բանաձևի ընդունման արդյունքում Ադրբեջանը այլևս չի ուրախացնի մեզ իր կրեատիվ թռչող բաներով,» — նշում է կապիտան Գևորգյանը: «Բացի դրանից մեզ պետք է առնվազն ևս երեք նման անօդաչու ինքնաթիռ շարքից դուսր եկած մեր մագնիտաֆոնը նորոգելու համար…»:

Ադրբեջանի ԵԽ պատվիրակությունը որպես արձագանք, ներկայացրել է «հայկական ագրեսիան և հայերի կողմից Ադրբեջանի 20%-ի զավթումը» Power Point պրեզենտացիան, որը զգալիորեն արագացրեց “քյալության” բանաձևի շուրջ համաձայնությունը ԵԽ անդամների շարքում: Պրեզենտացիայի ավարտին  Թուրքիան նույնպես ետ վերցրեց իր այլընտրանքային մեղմացնող դամբուլ տարբերակը:

Բանաձևի վերջնական քննարկումը նախատեսված է հաջորդ շաբաթ, որից հետո ԵԽ-ն հնարավոր է ունենա իր առաջին պաշտոնապես և միջազգայնորեն ճանաչված քյալ անդամ-երկիրը:

 

5 Comments

  1. Հասմիկ Ասատրյան via Facebook Սեպտեմբերի 17, 2011

    Պրեզենտացիայի ավարտին Թուրքիան նույնպես ետ վերցրեց իր այլընտրանքային մեղմացնող դամբուլ տարբերակը: ))))))))))))))

  2. Edgar Edgar Սեպտեմբերի 17, 2011

    🙂

  3. Suzanna Smbatyan via Facebook Suzanna Smbatyan via Facebook Սեպտեմբերի 17, 2011

    «Բացի դրանից մեզ պետք է առնվազն ևս երեք նման անօդաչու ինքնաթիռ շարքից դուսր եկած մեր մագնիտաֆոնը նորոգելու համար…»:
    ahhahhhaaa 😀

  4. Ով է Հայաստանը? | ArmToday.Net Ով է Հայաստանը? | ArmToday.Net Սեպտեմբերի 18, 2011

    […] ԵԽ-ի օրակարգ է մտել բանաձև, որով հնարավոր է Ադրբեջանը պաշտոնապես ճանաչվի քյալ:  Լուրջ նորություններիղ հետո մեկ-մեկ պետք է կարդալ ոչ այնքան լուրջ, բայց շատ հետաքրքիր նորություններ և շարժվել առաջ: ԵԽ-ն չգիտեմ,  բայց ArmToday.Net-ը պաշտոնապես ճանաչում է Ադրբեջանին Դե Քյալո: Չի կարելի հարբած թռչող ռոբոտներ ուղարկել, նրանց խփելու պատրաստ տեղեր: (աղբյուր) […]

Մեկնաբանությունները փակ են.