Press "Enter" to skip to content

PanArmenian.net-ը ներկայացրեց Beatles խմբի բացառիկ երկու նկար

PanArmenian.net կայքը Հայասանի բիթլասեր հանրությանն ուրախացրեց երկու հազվագյուտ նկարներով, որտեղ մանրակրկիտ պատկերված է երկու գեղեցիկ դրվագ` լեգենդար խմբի վերելքի տարիներից:

Բիթլաման Անահիտ Սահակյանը` 37 տարեկան, հիացած է. «Իրոք շատ շնորհակալ եմ PanArmenian.net-ին` նկարները հանրայնացնելու համար: Երկու նկարների այն մասերը, որտեղ հնարավոր է ինչ-որ բան տեսնել, շատ հետաքրքիր դետալներ են հաղորդում իմ սիրած խմբի անդամների կյանքի մասին: Այս որակի նկարներ դեռ չէին ցուցադրվել հայ ֆանատներին»:

Նկարների բացահայտումը որոշակի տարաձայնություններ է առաջացրել Rolling Stones խմբի երկրպագուների շարքում: Մարտիրոս Սարոյանը` 48 տարեկան, վստահ է, որ դրանք իր սիրած խմբի նկարներն են.«Իհարկե, բոլորս  հիացած ենք PanArmenian-ի նման որակյալ նկարների բացահայտմամբ, բայց եկեք լինենք անկեղծ` նկարում պատկերված է Rolling Stones խումբը, այլ ոչ թե Բիթլզ: Եթե ուշադրություն դարձնեք այն մի քանի կտորներին, որոնց վրա չկա PanArmenian-ի նշանը, ապա պարզ կլինի, որ միջավայրը ավելի բնորոշ է Ջագերենց, այլ ոչ թե Լենոնենց»:

Չնայած կայքի ղեկավարությունը պաշտոնապես հաստատել է, որ նկարում պատկերված է Բիթլզը, սակայն սկեպտիկները, միևնույնն է, չեն համզովում: «Հավատացեք, դա իրոք Բիթլզն է», — նշում է PanArmenian-ի տնօրեն Նշան Մակագրյանը: «Մեր մասնագետը տեսել է նկարները նախքան… դրանց վրա անվտանգության փոքրիկ նշանների տեղադրումը և նա համոզված է, որ նկարների վրա իրոք Բիթլզ խումբն էր»:

Սակայն նույնիսկ այս հայտարարությունից հետո այլակարծության ալիքը չդադարեց: Մալաթիա-Սեբաստիա վարչական շրջանի բնակիչ Արտաշ Ռամբուլյանը միանշանակ վստահ է, որ նկարի վրա պատկերված է Արմենչիկը: «Եթե մի քիչ ուշադիր նայեք նկարի տեսանելի դրվագների վրա, վերցնեք դրանք ու միացնեք իրար, ապա կտեսնեք, որ նկարում ոչ մի Բիթլզ էլ չէ: Դա մեր հալալ գուսան Արմենչիկն ա: Հա, մի քիչ անհաջող ա դուրս եկել նկարի մեջ… երևի առավոտտ են նկարել… դեռ կիսաքնած էր»:

«Սոցիոմետր» ընկերության նախագահ Ահարոն Ադիբեկյանը հայտարարել է, որ իրենց ընկերությունը արդեն ակտիվորեն իրականացնում է հարցումներ` պարզելու, թե ով է պատկերված PanArmenian.net-ի բացառիկ նկարում:  «Անձամբ իմ կարծիքով սա Սերո Խանզադյանի հին նկարներից է կնոջ կողմի բարեկամների հետ հետ, բայց չեմ ուզում իմ կարծիքը փաթաթել: Թող արդար հարցումը տա իրական պատասխանը: Վստահ եմ,  մարդիկ կասեն, որ Սերո Խանզադյանն է, բայց եկեք առայժմ զերծ մնանք գուշակություններից»:

 

Այս նյութը պատրաստվել է ՎԿԱ ծրագրի շրջանակներում – EBG Disclaimer

 

4 Comments

  1. Gohar Malkhasyan via Facebook Gohar Malkhasyan via Facebook Հունիսի 30, 2011

    Sergey!!!!!!!!!!!!!!!!!!!!!!!!!!!!!!!!!!!!!!!!!

  2. Kornelij Kornelij Հունիսի 30, 2011

    Ռոլինգի պահով լրիվ ինքն էր ՃՃՃՃՃՃ

  3. zarh zarh Հուլիսի 2, 2011

    🙂

  4. Ծովինար Ծովինար Հուլիսի 7, 2011

    Ես էդպես էլ գիտեի :))))

Մեկնաբանությունները փակ են.