Press "Enter" to skip to content

Քոչարյանները դատի են տվել “Ավատար” ֆիլմի ստեղծողներին

"Ավատարը աղավաղված է ներկայացնում Հայաստանի նորագույն պատմությունը", Քոչարյան

ԵՐԵՎԱՆ — Նոր սկանդալային դատավարություն է հասունանում Քոչարյանների և “Ավատար” ֆիլմի ստեղծողների միջև: Երկրորդ նախագահի  փաստաբանները հայց են ներկայացրել ֆիլմի ստեղծողների դեմ` “անձը վարկաբեկելու և արժանապատվությունը վիրավորելու” մեղադրանքով: Նախկին նախագահի ներկայացուցիչները ակնհայտ զուգադրություն և ծաղրանք են տեսնում ֆիլմի սյուժեի և վերջին տասնամյակների Հայաստանի պատմության  միջև:

Փաստաբան Սարգիս Փայանը ներկայացրեց Քոչարյանների դիրքորոշումը. “Կարծում եմ, բոլորի համար ակնհայտ է, որ ֆիլմը էժանագին ապտակ է երկրորդ նախագահի քաղաքական անցյալին: Ռեժիսորը հստակ նկարագրում է, թե ինչպես են մի խումբ մարդիկ մեկնում ուրիշ մի վայր և փորձում իշխող դիրք գրավել, տիրանալ բնական ռեսուրսներին և նույնիսկ դիմում են բռնությունների` հնազանդեցնելու տեղի բնակչությանը: Այսինքն տեղի է ունենում բաց ու սադրիչ  նմանակում, որով նորից փորձում են սեպ մտցնել հայերի միջև:”

Հատկանշական է, որ սա արդեն  երկրորդ նման հայցն է` Հրապարակ օրաթերթի դեմ ներկայացված նմանատիպ հայցից հետո: Հրապարակի դեպքում խնդիրը ավելի մեղմ է, քանի որ արժանապատվությունը վիրավորվել է մոտ 6 միլիոն դրամի, իսկ “Ավատար”-ի դեպքում իրավիճակը բազմապատիկ անգամ սուր է:

Կենտրոնի և Նորք-Մարաշի ընդհանուր իրավասության դատարանը արդեն դատական ծանուցում է ուղարկել Ջեյմս Կամերոնին` ներկայանալու մայիսի 27-ին կայանալիք նախնական լսմանը: Աղբյուրների հաղորդմամբ Կամերոնի համակիրների դաշտում աննախադեպ խուճապ է սկսվել:

“Անկեղծ ասած մեզ համար անակնկալ էր հայցադիմումը, և մենք միանգամից փորձեցինք խաղաղ լուծում գտնել այս հարցին,” կիսվում է Կամերոնի ներկայացուցիչ Քլարկ Չոփսը: “Մենք առաջարկեցինք նրանց ուղարկել մեզ մերժման տեքստ, որի հիման վրա մենք նոր կինո կնկարենք, օրինակ` որտեղ ժողովուրդը ողջունում է ներխուժողներին կամ  ներխուժողները բարի նպատակներով են տիրանում այդ մոլորակին: Սակայն մենք արձագանք չստացանք և մի քանի օրից պարզվեց, որ հրավիրված ենք դատարան:”

Դատական հայցը մեծ աշխուժություն առաջացրեց ԱՄՆ-ում և Հայաստանում: Ջեյմս Կամերոնի կինոստուդիա այցելեցին տարբեր դիվանագետներ և քաղաքական գործիչներ, որոնց թվում էին ԱՄՆ-ում հավատագրված մի շարք դեսպաններ և ՄԱԿ-ի գլխավոր քարտուղար Պան Գի Մունը: Վերջիններս զորակցություն են հայտնել Կամերոնի ստուդիային:

"Ավատարը իրոք շատ կոպիտ հեգնանք է, բայց դրա համար դատի տալը բռնապետական քայլ է", Սաքունց

Երկրորդ խնդիրը կայանում է հայցատուի պահանջների չափի մեջ. Քոչարյանները պահանջում են “Ավատարի” ստեղծողներից 6 միլիարդ դոլար: Մեր խմբագրության հարցին, թե ինչու այդքան, Քոչարյանների շահերի պաշտպան Փայանը պատասխանեց` “3 միլիարդը միայն փաստաբանների ծառայության վճարն է: Իսկ մյուս երեք միլիարդը ԱՄՆ օրենքով սահմանված  բարոյական վնասի հատուցման չափն է, որն այս անգամ լիովին համըկնում է այն բարոյական վնասի հետ, որը հասցրել է այս ֆիլմը` նվազեցնելով մեր պաշտպանյալի քաղաքական ապագայի հեռանկարները 35-40 տոկոսով:”

Իրավապաշտպան Արթուր Սաքունցը հայցը համարում է զգալի հարված մամուլի և խոսքի ազատությանը Հայաստանում: “Սա ակնհայտ խոսքի ազատությունը ճնշելու և մյուս ԶԼՄ-ներին սաստելու փորձ է: Բան չունեմ ասելու, իհարկե “Ավատարը” Քոչարյանի պաշտոնավարման շրջանի ակնհայտ և կոպիտ ծաղրանք է, բայց Հրապարակի հոդվածի դեմ հայցը ընդհանրապես անիմաստ է և անհիմն:”

Երկրորդ նախագահի մամլո խոսնակ Վիկտոր Սողոմոնյանը կարծում է, որ “Ավատարը” և Հրապարակ թերթի սկանդալային հոդվածը ունեն նույն ձեռագիրը: “Ակնհայտ է, որ ինչպես հոդվածը, այնպես էլ ֆիլմը ընդդիմադիր հրեամասոնական օղակների պատվեր են: Երկու դեպքում էլ բաց հարձակում է իրականացվում երկրորդ նախագահի վրա, ինչը չի կարող մնալ անպատասխան` անկախ զրպարտանքի վայրից ու աշխարհագրությունից:”

Հաջորդ դատական նիստը, որտեղ Ջեյմս Կամերոնը հրավիրվել է որպես պատասխանող, տեղի կունենա մայիսի 27-ին, իսկ մեր խմբագրությունը նախատեսում է հետևել և մանրամասն լուսաբանել արժանապատվության վերականգնման բարդ և բազմափուլ դատական գործընթացը:

 

Այս նյութը պատրաստվել է ՎԿԱ ծրագրի շրջանակներում – EBG Disclaimer

 

21 Comments

  1. Mad Hab via Facebook Mad Hab via Facebook Մայիսի 11, 2011

    Աչքիս նստելներտ եկելա 🙂

  2. Mad Hab via Facebook Mad Hab via Facebook Մայիսի 11, 2011

    oooooooooo, dislike!!!!

  3. մկ մկ Մայիսի 11, 2011

    Էս Ջ տառը չեք գտնո՞ւմ։

  4. Sergey Sergey Post author | Մայիսի 11, 2011

    @մկ
    գտնում եմ, ուղղակի տեցն ա դուրս գալիս.. քո քոմենթից copy-paste արեցի, մերսի)

  5. HH HH Մայիսի 11, 2011

    Shat lav el khndalu er, manavand es hatvats@: Մենք առաջարկեցինք նրանց ուղարկել մեզ մերժման տեքստ, որի հիման վրա մենք նոր կինո կնկարենք, օրինակ` որտեղ ժողովուրդը ողջունում է ներխուժողներին կամ ներխուժողները բարի նպատակներով են տիրանում այդ մոլորակին:

  6. Davo Tadevosyan via Facebook Davo Tadevosyan via Facebook Մայիսի 11, 2011

    booooooooooooooc eeeeeeeeeeer

  7. Davo Tadevosyan via Facebook Davo Tadevosyan via Facebook Մայիսի 11, 2011

    apreq

  8. Genio Genio Մայիսի 11, 2011

    Շատ էլ ճիշտ են արել, որ դատի են տվել: Նմանությունն ակնհայտ է: Անգամ հերոսներն են ընտրված իրական պերսոնաժների նմանությամբ: Ուղղակի մի բան են բաց թողել, Ավատարում մարտի 1-ին ոչ մի ոճրագործություն չի իրականացվում գլխավոր հերոսների կողմից:

    Չնայած դեռ կարելիա նկարել Ավատար 2-ը ու շտկել բոլոր բացթողումները:
    Սոունդտրեկն էլ կառաջարկեի կատարեր Սելին Դիոնը բայց “Քելե-Քելե” ոճի մեջ:ՃՃՃՃՃՃ

  9. sdf sdf Մայիսի 12, 2011

    Maladec es verevi mi qani axmaxin mi najeq

  10. Genio Genio Մայիսի 12, 2011

    sdf ում նկատի ունես վերևի մի քանի ախմախների մեջ??????????????

  11. Ծովինար Ծովինար Մայիսի 14, 2011

    Շատ համով էր :)) Սուր պարոդիա էր, բայց էնքան ծանոթ էր տեսարանը, որ ես էլ քիչ ծիծաղեցի :)) Genio-ն թեման հավես զարգացրեց: Առաջարկում եմ, որ Հայաստանցիներն էլ մազերը բրեյդինգ անեն ու կապույտ ներկվեն :))

  12. Genio Genio Մայիսի 16, 2011

    Ծովինար ջան հավաստի աղբյուրներից ինձ հայտնի է դարձել, որ Սելին Դիոնին դուրա եկել իմ գաղափարը, և նա հիմա սկվազնյակի տակ նստածա, որ հիվանդանա ու ձայնը ավելի մոտ լինի Քելե-Քելեի հեղինակային ձայնին:ՃՃՃՃՃ

    Բայց մազերը կապույտ ներկելուն դեմ եմ:ՃՃՃ Ուրիշ գույն հնարավոր չի??:ՃՃ

  13. Armen Gakavian Armen Gakavian Դեկտեմբերի 7, 2011

    Like! 🙂

Մեկնաբանությունները փակ են.