Ուշադրություն, ուշադրություն: Շուտով եթեր է դուրս գալու նոր «Ազգային ժողով» ռեալիթի շոուն: Մասնակիցները պետք է լինեն 25 տարեկանից բարձր, առանց բարդույթների և ունենան նախապես պատրաստված կրեատիվ մականուններ: Նախագծի ընթացքում ընտրված անձանց սպասում են բազմաթիվ փորձություններ, իսկ շոուի հաղթողը առանց ընտրությունները կդառնա ԱԺ պատգամավոր:
Մասնակիցներիը պետք է պատրաստ լինեն հետևյալ փորձություններին և առաջադրանքներին`
- Բացակա գործընկերների փոխարեն սեղմել մաքսիմալ քանակությամբ քվեարկության կոճակներ:
- Նպաստել նրան, որ նիստերի օրերին Դեմիրճյան փողոցը գերազանցի ավտոմեքենանրի ժնևյանցուցահանդեսին:
- Հանրային ուշադրությունը սուր խնդիրներից շեղելու համար առաջ քաշել հնարամիտ օրենսդրական բարեփոխումների փաթեթներ` ցանկալի է, արդեն կայացած, կամ ոչ կարևոր ոլորտներից:
- 15 րոպե ելույթ ունենալ Հայաստանի և Վենեսուելայի (կամ այլ Հայաստանի հետ ոչ մի կապ չունեցող երկրի) դարավոր եղբայրության և հարաբերությունների հեռակա զարգացման մասին:
- Բաղրամյան պողոտայի վրա կատարել երթևեկության կանոնների ամենահետաքրքիր խախտումները:
- Պաշտոնական գործուղումներից մտերիմների համար բերել iPad-ներ ու նոութբուքեր: Ինքնաթիռում ստեղծագործական հնարքներով ընդգծել VIP կարգավիճակը:
- Մի քառօրյա նստաշրջանի ընթացքում այցելել մաքսիմալ քանակությամբ ռեստորաններ: Ամենահամոզիչ կերպով պատճառաբանել բացակայությունները:
- Սահմանադրությանը ինադու ունենալ և զարգացնել սեփական բիզնեսը:
- Լրագրողներին կոպտելիս օգտագործել նորարար հայհոյանքներ և բարդ ստորադասական նախադասություններ:
- Ոչնչով չզիջել ռուս պատգամավորներին ֆուրշետների ժամանակ:
- Փորձել բոլոր խմբակցությունները, մինչև ամենաշահութաբերը հայտնաբերելը:
- Ունենալ օգնական-քարտուղարուհի, ով չի վախենում կարճ հագնել, հմուտ տիրապետում է օդնոկլասնիկի կայքի և սուրճ պատրաստելու գաղտնիքներին, տեղյակ է քաղաքի բոլոր բամբասանքներից:
- և այլն
Հայտերն ուղարկել Կենտրոնական ընտրական հանձնաժողով, մինչև 2012թ. մայիսը:
Այս հոդվածը պատրաստվել է ՎԿԱ ծրագրի շրջանակներում – EBG Disclaimer
թեկնածուները պետք է ունենան նաև հետևյալ հատկանիշները`
. նախընտրական շրջանում անասֆալտ փողոցներն ասֆալտապատելու ԱՆՀԱԳՈՒՐԴ մղում:
. ՊՌԻՍՏԻԺ պետական ԲՈՒՀ-ի ՊՌԻՍՏԻԺ ֆակուլտետում սովորող կամ սովորելու պատրաստ երեխա(ներ)
. կնոջ, զոքաՆչի, քավորի, մորքուրի, տատիկի անունով գրանցված մեքենաներ և առանձնատներ
. մինմիում մեկ ՄԱՐՇՈՒՏԿԻ գիծ` անպայման երթևեկության բոլոր կանոնները խախտող ու ԱՌԽԱԻՆ մտածելակերպ ունեցող վարորդներով
շարունակելի…
— Քննարկման ենթակա չեն գիտնականների, մշակույթի գործիչների ու այլ մտավորականների հայտերը:
— Խրախուսվում եմ հաստ վզով և քառակուսի գլխով թեկնածուները:
— Ցանկալի է, որ թեկնածուն ունենա թիկնազոր, որը, իր հերթին, ունենա մարդ ծեծելու, գլուխ ջարդելու ու ընտրություն կեղծելու փորձ: