Հայ կնոջ գաղտնի ցանկությունը

by Narek

Հայ գիտնականների հետազոտությունները բացահայտել են, որ հայ կանանց վրա ազդող ամենաուժեղ  աֆրոդիզիակը սպիտակ Նիվան է: Այն ոչ միայն սեքսուալ ցանկություն է առաջացնում հայ կանանց մոտ, այլ նաև ստիպում է համակրել սպիտակ Նիվայի ղեկին գտնվող մարդուն: Բացահայտումը մեծ աղմուկ է բարձրացրել ոչ միայն գիտական աշխարհում այլ նաև երջանիկ սպիտակ Նիվայի սեփականատեր հայերի մոտ, ովքեր խոսք են տալիս երբեք չվաճառել հրաշք ավտոմեքենան: ԵՎ իսկապես, համաչայն հարցումների սպիտակ Նիվայով տղաները ավելի հաճախ են ունենում սեռական կապեր քան, մետալիկ BMW վարողները։ Ցուցանիշները կրկնապատկվում են, եթե սպիտակ Նիվայի տերը ապակուն փակցնում է իր անունն ու բջջայինի համարը։

«Փորձերի համար մենք Տանզանիաից բերել էինք 20 հատ իգական սեռի կապիկ, սակայն արդունքները ճշգրիտ չէին: Մենք դա արագ հասկացանք և սկսեցինք փորձեր անել հայաբնակ կապիկների վրա և հետազոտությունը առաջ գնաց: Երբ արդեն հասկացանք, որ փորձերը ապահով էն, սկսեցինք կանանց ներգրավվել: Ապշել էինք արդյունքների վրա: 10-ից 9 հայ կնոջը սպիտակ Նիվան աննկարագրելի գրգռում է:» – պատմում է պրոֆեսոր Նիկոլ Սահակյանը: Պետք է նշել, որ յուրահատուկ ազդեցություն ունի կանաց վրա միմայն սպիտակ գույնի Նիվան, ուստի կանաչ, դեղին և նույնիսկ կարմիր գույնի Նիվաների սեփականատերերը հարվածում են սեփական գլխներին, քանի, որ ՀՀ Կառավարության որոշմամբ արգելվել է ներկել ոչ էրոտիկ գույնի Նիվաները:

Հետազոտության ընթացքում ստեղծվեց խիստ նորարոր և համարձակ բանաձև, որի շնորհիվ գիտնականերին հաջողվել է հայտնաբերել այսպես կոչված գրգռման գործակիցը Σx, որը իրենից ներկայացնում է  թիվ: Ահա բանաձևի պարզեցված տարբերակը  Σx= Sց+ + ω + ƒ/ 2+π որտեղ Sց= սեքսուալ ցանկություն, = բարի կամք,  ω= լավ տուտուզ, ƒ = առաջարկություն)

Ստորև բերված աղուսակ Ա-ում կարելի է տեսնել, որքան է հայ կնոջը գրգռում սպիտակ Նիվան համեմատած այլ ավանդական գրգռիչ համարվող գործոնների հետ: Համեմատության համար հարցվել է 2500 հայ կին և աղյուսակում առանձնացվել են սպիտակ Նիվայից զատ ամենասեքսուալ համարվող գործոնները:

Աղյուսակ Ա`

Աղյուսակ Բ-ն համեմատում է սպիտակ Նիվայի գրգռիչ գործակիցը այլ մակնիշի ավտոմեքենաների հետ:

Աղյուսակ Բ`

Սպիտակ Նիվայի գները Երևանի ավտոշուկայում մեկ գիշերվա մեջ թանկացան ավելի քան 8 անգամ. և այժմ միջին թյունինգապատ Նիվան արդեն արժե 150 000 ԱՄՆ դոլար, սակայն շուկայագետները կանխատեսում են թանկացումներ արդեն մոտ ապագայում: Ռուսական ՎԱԶ գործարանը արդեն ստացել է առաջարկներ ամենահայտնի մեքենաշինական կոնցերններից: Մասնավորապես Մերսեդես Բենց կոնցերնի տնօրինությունը հայտնել է «Մենք պետք է ադապտացվենք շուկայի փոփոխվող պահանջներին: Եթե ՎԱԶ-ը չհամաձայնվի վաճառել սպիտակ Նիվայի արտադրման  իրավունքները, մենք ստիպված կլինենք ստեղծել մեր սեփական սպիտակ քառակուսի տհաճ մեքենան, և խոսքը  BRABUS-ի մասին չէ: Մենք լուրջ ուրիշ ելք չենք տեսնում:» Իսկ հանրահայտ Forbes ամենապահանջված մասնագետները ցուցակը արդեն գլխավոր էլ է Իվան Կիպյատկովը, ով 70-ականներին եղել է Նիվայի գլխավոր դիզայները: Նրա խոսքերով, իրեն չափազանց ոգեշնչել էր Մինսկում տեսած թերթերի կրպակը:

Իսկ 2010-ի մարտի սկզբերի երաժշտական սենսացիա Ernest The Best-ը պատրաստվում է թողարկել իր Ես Նիվա չունեմ սինգլը: Հեռախոսազրույցում նա ուղիղ 15 անգամ կրկնեց` «Ես տենց էլ գիտեի»:

ԵրԱԶ Nightmare

Երևանի ավտոմեքենաների գործարանը մամլո ասուլիսում հայտնեց այն մասին, որ լուրջ վերաբրենդավորումից հետո պատրաստ է ավտոսիրահարների դատին ներկայացնել նոր «Երազը»: Նոր մեքենան արտադրվելու է արդեն 8 ամսից և կրելու է շատ համեստ «Nightmare» անվանումը: Այն պատկանելու է ամենագնացների դասին և միտված է լինելու զբաղեցնել հայտնի «Նիվա» մեքենայի շուկան:

«Մենք շուկայի շատ լուրջ ուսումնասիրություն ենք անց կացրել և պարզել, որ պոտենցիալ գնորդների 75% նախընտրում են հենց Նիվան, ուստի մեր դիզայներները թխել են և ադապտացրել են հայ վարորդի համար սպիտակ Նիվան» – ասաց տնօրեն Արսեն Քսենոնյանը:

Մեքենան ունի հատուկ պահարան վարորդական իրավունքների, տեխնիկական անձնագրի և նառուշիլովկայի համար: «Nightmare»-ի դիմացի ապակուն արդեն գործարանում ամրացվում են 3 հատ CD-ներ, որովհետև «Էտի վերջն ա», – ասաց տնօրենը: Անվադողերը կլինեն գերռաբիս և գերլայն, քանի որ «Էտի իտոգն ա»՝ կրկին հուշեց հավաքված լրագրողներին տնօրենը: Քանի որ ապակիները միևնույնն է մգացվելու են, դիզայներները պարզապես որոշեցին դրանք օբսիդիանից դնել՝ «էտի մորթ ա, համ պլյոնկի փող չես ծախսի, համ էլ շատ հայեցի ա»,- ընդգծեց գլխավոր դիզայներ Մրդոն: Ձայնային ազդանշանն էլ երկար-բարակ չի խորանա, այլ պարզապես մեքենայի կոշտ սկավառակից պատահական ուշունցներ կհչեցնի, իսկ հակաառավանգման ազդանշանը՝ ավելի կոպիտ ուշունցները, կենտրոնանալով ազդանշանը միացրած անձի մտերիմ բարեկամների վրա: Ի դեպ «Nightmare»-ի կոշտ սկավառակի վրա, արդեն պահպանված են 1400 երգեր, Վլե-ի, Պզե-ի, Դնե-ի և Բդե-ի լավագույն սկավառակներից: Մեքենայի աուդիո համակարգը կունենա 18 բարձրախոս, որից 8-ը դրսից, բացի այդ Երևանի Բրյուսովի անվան համալսարանում կտեղադրվեն լրացուցիչ բարձրախոսեր, և «Nightmare»-ի վարորդը կկարողանա մոտենալ շենքին, և Bluetooth-ի միջոցով իր միացրած երգերը հեռարձակել հենց լսարանի մեջ, այսպիսով հեշտացնելով աղջիկ կպցնելու պրոցեսը և ազատելով մեքենայի դռները լայն բացելու անհրաժեշտությունից:

Ավտոմեքենան սալոնում կունենա ուռելու համար բոլոր անհրաժեշտ պարագաները, ինչպես նաև 200 գրամ հոկտեմբերյանական հրաշքից անվճար առաջին 100 գնորդների համար: «Nightmare»-ը զինված է ծիպտռոնիկ, պառկտռոնիկ, ինչպես նաև ծիտպոռնիկ և ռազբոյնիկ համակարգերով: Համակարգչի GPS համակարգը օգնում է գտնել ամենամոտ քյաբաբնոցներն ու սաունաները, սակայն տնօրենի խոսքերով այն կարող է կախվել Պռոշյան փողոցի որոշ հատվածներում:

Շարունակելով ռուսական ավանդույթները՝ մեքենան գործարանից խանութ է բերվելու յուղը վրեն, որպեսզի վարորդները կարողանան մի քանի ամիս քաղաքավ թիթզանան և մեքենան չլվանան, բացի այդ «Nightmare»-ի սպասարկման կետերում կվաճառվի լրացուցիչ յուղ, արդեն օգտագործած մեքենային նորի տեսք հաղորդելու համար:

Elite Life ամսագրի թղթակցի հարցին, արդյոք մեքենան կպարունակի որոշ չափի գլամուր, տնօրենը պատասխանեց` «մեքենան չափազանց գլամուրային է` սկոռուստի գլխիկը Swarowvski -է, բենզաբակը Louis Vuitton, իսկ նստարանները մաքուր Դեպարդյե»:

Քաղաքապետարանի հետ համատեղ անց են կացվել հատուկ հետազոտություններ , որոնց արդյունքում հստակ հայտնաբերվել է, թե ինչ խորության փոսեր են սպասելու վարորդներին Երևանի փողոցներում և որքան անորակ ասֆալտ է օգտագործվելու մոտակա 10 տարիների ընթացքում:

«Արդյո՞ք Դուք կգնեք այս ավտոմեքենան» հարցին բարակ ձայնով և լավ դրած վիբրատոյով երիտասարդը քրքջաց՝ «ա-ա-ա-ա-ա-ա-ա-ապե պապան ուժե 3 հատ վեկալել ա» և չգիտես ինչու դիմացի երկու ատամների արանքից թքեց  ասուլիսների դահլիճի հատակին:

Կայքի վերևի մասում կտեսնեք Անտանելիության Index էջը, որտեղ հենց ԴՈՒՔ կարող եք գրել, ինչը ՁԵԶ անտանելի թվաց մոտակա ամսվա ընթացքում, և ՁԵՐ գրածը կարող է ընդգրկվել մեր Անտանելիության Index-ի նոր թողարկումներում:

«Ես Նիվա չունեմ» վերնագրով «երգը», բոլոր ալիքներով

Մեր ժողովրդի ստրկամտության աստիճանը, որը մնացած անտանելիների ծնող ու սնող ուժն է, որը հաճախ արդարացվումա “ընտանիք պահելու” սուրբ պարտականությամբ կամ “վատամարդ” չլինելու մեծ ցանկությամբ… – Կոմս

Անատանելի է, որ մի բուռ ազգ ենք, բայց մենք մեզ բռի մեջ հավաքել չենք կարողանում: – Tee Kay

Երբ նախագահը գալիս է համալսարան և այդ ժամանակ ուսանողների մուտքը համալսարան արգելվում է – Reader

Բոլոր սուպերմարկետներում ծավալված խոզապուխտի և այլ ուտեստների համար պայքարը, Ամանորի շեմին:

Երբ խոսում են երկրի զարգացման մասին, ասում են Հայաստանը դեռ նոր 10-20 տարվա, կհասցնի դեռ զարգանալ, բայց, երբ խոսքը գնում է պատմության մասին ասում են, որ Հայաստանը ամենահին պետություններից է, հազարավոր տարիների պատմություն ունենք: – SRK

Նոր Տարուց 5 օր շուտ և 10 օր հետո առավոտից երեկո հրավառություն ու նման բաներ գմփցնող երեխեքը

Երբ Ձեր վրա փռշտում են ու Դուք շուռ եք գալիս և փռշտացողը ասում է` «ինչ անշնորհք ա, գոնե ձև տար, որ չնկատեց» – Reader

Նոր Տարվա 10 հանգստի օրերը Մենչի հետ, լավ է միայն Արմենիա TV-ով:

Անտանելի է, որ ավանդական “ինչ կա չկա” հարցին պատասխանելիս, հիմնականում արձագանքում ենք այս բազմաֆունկցիոնալ հարցի “չկա” մասին կամ էլ հերքում կամ խիստ հարցական դարձնում որևէ բան “կա” լինելու հնարավորությունը: – Tee Kay

Նունե Եսայանի քթի մեջ երգելը – Nrek

Նոր Տոյոտան ունի շտրաֆտրոնիկ համակարգ

Պետավտոտեսչությունը  (այսուհետ ԳԱԻ) նախատեսում մի շարք աննախեդեպ և զարմանալիորեն էլիտար բարեփոխումներ: Սրա մասին մեզ հայտնեց Փոսի ԳԱԻ-ին մոտ կանգնած մեր սարսափելիորեն հավաստի աղբյուրը: Արդեն մի քանի ամիս է փողոցներում տեսնում ենք նոր Տոյոտա մակնիշի ԳԱԻ-ի մեքենաներ, սակայն դրանք այլևս սպիտակ չեն այլ արծաթագույն: Սպիտակ և արծաթագույն մեքենաների տարբերությունը նա էր, որ եթե վարորդին կագնեցնում էր արծաթագույն Տոյոտաի տեսուչը, ապա նա կարող էր վարորդին դիմել դու-ով և ըստ անհրաժեշտության նաև մունաթ գար խախտողի վրա:

Սակայն ԳԱԻ-ն նախատեսում է ևս մի upgrade և շատ շուտով Երևանի փողոցները կզարդարեն ոսկե Տոյոտաները, այսպես կոչված Գոլդ գաիշնիկները: Գոլդ գաիշնիկները կունենան ավելի մեծ իրավասություններ, տուգանելու պատճառներ և փորեր: Հատուկ նրանց համար ստեղծվել են նոր տուգանքներ, որոնք ևս ուղղված են կարգավորելու Երևանի երթևեկությունը:

Գոլդ գաիշնիկնեը կարող են կանգնեցնել ավտոմեքենան, եթե գտնում են, որ վարորդի հոգին մաքուր չէ: Խախտումը ենթադրում է 50000 դրամ տուգանք, սակայն այս անգամ կա նաև այլընտրանք` վարորդը կարող է պատիվ տալ պետավտոտեսուչներին, իրա խորովածով, սաունայով և այլն:

ԳԱԻ-ում ընդհանրապես ոչ մի հատ ծանոթ չունեցող վարարդներին կտուգանեն 7000 դրամով և կզրկեն վարորդական իրավունքներից, մինչև գոնե մեկ ծանոթ ճարելը: Կամ իհարկե ուժի մեջ է պատիվ տալը, իրա խորովածով, սաունայով և այլն:

Հյուսիսային պողոտայով կարգելվի վարել տուֆտա համարներով մեքենա` համաձայն նոր բարեփոխումների, նման պետհամարանիշերը գցում են Հյուսիային պողոտայի էստետիկ տեսքը: Այստեղ չի փրկի պատիվ տալը, իրա խորովածով, սաունայով և այլն:

Արգելվում է ավտոմեքենա վարել անկապ գյադեքին, գիտությունների թեկնածուներին և երբեվիցե բանաստեղծություն գրած մարդկանց: Սակայն չկա որևե սահմանափակում անասուն վարորդների համար: Ըստ ԳԱԻ-ի, եթե մտցվի նման սահմանափակում, նրանք պարզապես չեն հասցնի տուգանքներ գրել:

Թերևս ամենադաժան տուգանքը Գոլդ գաիշնիկները կկիրառեն նույնասեռական վարորդների դեմ: Նրանց կանգնեցնելու, են առգրավվելու են մեքենան, իսկ փոխարենը տրամադրելու են երկնագույն Wolksvagen Ժուկ: Այս անգամ պատիվ տալը, իրա խորովածով, սաունայով և այլն խստորեն արգելված է, հատկապես «և այլն»-ը:

Այս որոշումը արդեն խիստ քննադատության է արժանացել GayArmenia բլոգում, որի հեղինակները անվանել են տուգանքը «հականույնասեռական և Հայաստանի զարգացումը 1600 տարով ետ գցող» և ավելացրել` «եթե պետավտոտեսչությունը չվերանայի այս որոշումը, մենք ստիպված կլինենք դիմել ամենածայրահեղ մեթոդների: Օրինակ կկազմակերպենք ԳԱԻ-ի դեմ համերգ Էլթոն Ջոնի մասնակցությամբ, այ էդ վախտ նոր խելքները գլուխները կհավաքեն»:

Հայաստանում գործում է հնագույն գաղտնի կազմակերպությունը

ԵՎ վերջին բարեփոխումը կարողացավ անց կացնել ՀՍԴՏՄ-ի լոբբիստական խումբը: ՀՍԴՏՄ-ն (Հայաստանի Սիպտակ Դորջհարով Տղեքի Միությունը) հիմնվել է 1997թ. մ.թ.ա. և մինչև օրս համարվում է գաղտնի կազմակերպություն: Սակայն հայտնի է, որ այն սկիզբ է վերցնում Սողոմոնի տաճառը կառուցած քարտաշներից և տամպլիերներից և նպատակ ունի հաստատել աշխարհում նոր կարգ, որտեղ «Նիվով տղեն կարմիրի տակ էլ կքշի, կոքսի տակ էլ կքշի»: Կազմակերպության մագիստրոս Գագուլիկ Ճերմակյանը ողջունեց ԳԱԻ-ի բարեփոխումները և հույս հայտնեց, որ Նիվով տղեքին էլ հավայի չեն կանգնեցնի, իրանք էլ հավայի պապա/հոպար/ծանոթներին չեն զանգի, ու Արմենթելներին չեն հարստացնի նիսյա տեղը:

Այսպիսով մնում է գնել սպիտակ ՎԱԶ 21213 կամ էլ անցնել հեծանիվի, քանի դեռ գաիշնիկները նորից upgrade չեն եղել, այս անգամ Դայմոնդ level-ի: