ԲՀԿ անդամագրվելուց հետո Սամվելը 18 կգ նիհարեց

Այսօր ցանկանում ենք Ձեզ ներկայացնել Կիրակոսյան Սամվելի պատմությունը, ով 25 տարեկան հասակում վճռեց կտրականապես փոխել իր ապրելակերպը և ֆանտաստիկ արդյունքների հասավ ընդհամենը 6 ամսում։ Ինչպես և շատ հայ երիտասարդներ Սամվելը ուներ փոր՝ խաշաշաուրմայական կուլտուրաների լայնածավալ կիրառման արդյունք։ Սամվելը լիովին համապատասխանում էր Ալեքսանդր Պուշկինի արված համեմատությանը՝ հայ տղամարդիկ հղի կանանց նման են, սակայն մի չորեքշաբթի առավոտ Սամվելը որոշեց կոտրել այդ կարծրատիպը։

«Ես որոշեցի մտնել Բարգավաճ Հայաստան կուսակցություն։ Անկեղց լինեմ՝ գաղափարախոսության համար չեմ մտել։ Պարզապես գիտեի, որ այնտեղ լավ պարապած տղերք կան, միշտ ընտրությունների ժամանակ մեր բակում տեսնում էի, նախանձում էի մի փոքր բիցեպսներին։ Ասեցի ես էլ կարամ։», – պատմեց Սամվելը։ Ասաց և արեց։ Անդամագրվելուց արդեն 2 շաբաթ հետո Սամվելը սկսեց նկատել, որ նիհարում է։ «Փողոցում բոլորը ասում էին՝ «Սամ ջան ֆիգուրադ տեղն ա գալիս, չլնի՞ բարգավաճ էս մտել» ես էլ պատասխանում էի, որ այո։ Ի դեպ շարունակում էի սնվել իմ սովորականի պես՝ Արտաշի մոտ, Գիրոս, Սլավիկենց քյաբաբնոցում, բայց քաշս նվազում էր։ Կյանքս իմաստ ունեցավ։ Ես էլ առաջվա պես յուղ չէի վառում, սակայն մյուս կողմից նիհարում էի, ուրեմն յուղ էի վառում։»

Մեկ ամիս հետո, Սամվելի վրա սկսեցին ուշադրություն դարձնել շենքի ամենասիրուն աղջիկները։ «Երբեք չէի մտածի, որ կուսակցությունը այդքան կփոխի իմ կյանքը։ Երբ գնացի մասնակցեցի առաջին հավաքին, մի աննկարագրելի զգացում ունեցա։ Տուն վերադարձա, բիցեպսս չափեցի ու տեսա, որ 33–ից 45սմ ե դառել։ Ստիպված էի նոր զգեստապահարան ձեռք բերել, բայց դա խնդիր չէր, դրամապանակումս փողը սկսեց ուշ ուշ պակասել։»

Բարգավաճ Հայաստանի անդամ դառնալուց 4 ամիս հետո Սամվելը ունեցավ փորի մկանների առաջին кубик–ը։ «Դա աննկարագրելի էր, ախր ես փորի մկանների վարժություն չեմ արել կյանքում բայց հիմա կուբիկներով պռես ունեմ։», – երջանկության արցունքները աչքերին կիսվում էր Սամվելը։ Մեր հարցին, թե արդյո՞ք նա կփոխի իր ԲՀԿ անդամակցությունը, 2 այլ կուսակցություններում անդամակացության վրա, երիտասարդը պատասխանեց՝ «Երբեք։ Իմ տրիցեպսը հիմա ցանկածաց հանրապետականի, կամ լևոնականի բիցեպսից էլ մեծ ա․ ես ինձ համարում եմ առողջ և իմ կյանքը իրոք բարգավաճում է։ Տարոսը Ձեզ։»

Ապագա կուլտուրիստները գրանցում են զգալի առաջընթաց

Սամվելի պատմությունը ապշեցրեց բոդիբիլդինգով զբաղվող բոլոր երիտասարդներին, ովքեր տարիներ շարունակ տանջվում էին մարզադահլիճներում։ Համաձայն բավականին հավաստի տեղեկությունների ԲՀԿ գրասենյակները անցել են 24–ժամյա անդամագրման ռեժիմի, որպեսզի գրանցեն բոլոր ցանկացողներին։ Օրերս անդամագրված բոդիբիլդինգի սիրահար Աշոտը կիսվեց իր ուրախությունով՝ «Ես жим лёжа–ն 95 կգ էի անում, 3 подход, իսկ Բարգավաճ մտնելու հաջորդ օրը, արդեն 120կգ բարձրացրեցի՝ 4 подход։»

Մեր զրույցի վերջում Սամվելը պատմեց ևս մի կերպարանափոխության մասին՝ «Գիտեք էս քանի օրա նկատում եմ, որ իմ 06–ը սկսելա փոխվել՝ սկզբից ակերը լենացան, հետո շուշեքը սկսեցին մգանալ իսկ էսօր նկատեցի, որ սկսելա մի փոքր ջպոտել։»

Ամերկյան Men’s Health ամսագիրը արդեն պատրաստում է հոդված Սամվելի հաջողությունների մասին, իսկ Gold՛s Gym մարզադահլիճների ցանցը առաջարկել է ԲՀԿ–ին մասնաճյուղեր բացել ԱՄՆ–ում, որտեղ միլինավոր մարդիկ երազում են նիհարել և բարգավաճել։

Հայաստանը շարունակում է մնալ շախմատային առաջատար երկիր

Այս օրերին ընթացող ֆուտբոլի աշխարհի առաջնությունը ըստ փորձագետների այլևս չի առաջացնում թթվաշ զգացումներ հայ ֆուտբոլիսների մոտ: Հայաստանի ֆուտբոլի ֆեդերացիայի հետազոտության տվյալներով հայ ֆուտբոլասերների ակնկալիքները ադապտացվել են հայ մարզիկների իրական հնարավորություններին:

Արմեն Զաքարյան, ավագ սանիտար Նորքի հիվանդանոցում` «Եթե առաջ համաշխարհային խաղերը նայելիս մտածում էի ‘տեսնես Հայաստանը մի օր կհասնի այստեղ’, ապա հիմա նման մտքեր այլևս չեն խանգարում առաջնությունը վայելելուն:» Նման տրամադրությունները գրանցվել են համատարած 2010-ի աշխարհի գավաթի ընթացքում, ինչը լրջորեն թեթևացրել է ճնշումը հայ մարզիկների վրա:

Անկախացումից ի վեր Հայաստանի ֆուտբոլը ունեցել է անհաջողության բազմաթիվ փուլեր` սկսած մեծ անհաջողություններից Եվրոպայում մինչև ավելի խոշոր անհաջողություններ հայրենիքում: Սակայն հայ ֆուտբոլասերները տարիներ շարունակ խնդիրներ էին առաջացնում հայ ֆուտբոլիստների առջև` նրանցից ակնկալելով հաղթանակներ:

ՀՖՖ-ի խոսնակ Արթուր Կիրակոսյանի խոսքերով վերջին տարիներին այդ խնդիրները հարթվել են. «Այո, երկար տարիներ պահանջվեց սրան հասնելու համար: Վերջապես հայ ֆուտբոլասերների ակնկալիքները մեր ֆուտբոլից կարողացանք բերել այն մակարդակի, որը կարող է ապահովել մեր թիմը: Դա բարձ գործընթաց էր, բայց մենք դրան հասանք և արդյունքը շատ դրական է ազդում մեր մարզիկների բարոյահոգեբանական վիճակի վրա:»

Թիմի ավագ Վազգեն Լուզերյանը կիսվեց ոգևորությամբ. «Նախկինում մենք բավական ծանր էինք տանում պարտությունները և շատ խաղացողներ նույնիսկ ընկնում էին դեպրեսիայի մեջ երկրպագուների քննադատության արդյունքում: Սակայն հիմա, երբ հասարակությունը վերջապես դադարեց ակնկալել հաղթանակներ, մենք անհամեմատ հեշտ ենք տանում յուրաքանչյուր պարտություն:»

Հայաստանը ըստ փորձագետների այժմ ապրում է փորձի կուտակման փուլ, որպեսզի լուրջ հայտ ներկայացնի մեծ ֆուտբոլ հարմար պահի: ՖԻՖԱ-ի փորձագետ Անտուան Մասիլինի համոզմամբ Հայաստանը լավ շանսեր ունի մասնակցելու ֆուտբոլի համաշխարհային առաջնությանը արդեն 2080-ականների երկրորդ կեսին:

Թիմը փորձում է նայել ֆուտբոլասերների աչքերի մեջ նախքան խաղի մեկնարկը

«Հնարավոր է նույնիսկ ավելի վաղ տեղի ունենա հայկական ֆուտբոլի վերելքը, եթե Ֆեդերացիան կարողանա ապահովել, որ ոչ մի ներկայիս հայ ֆուտբոլիստ չթողնի ժառանգություն և ապագա մարզիկների շարքում արգելվի ծխելը` առնվազն հարձակվողների դեպքում,» նշում է Շվեյցարացի փորձագետը: «Նշված պայմաններում Հայաստանը կարող է հավակներ լուրջ խաղերի ոչ թե 2080-ականների վերջին, այլ արդեն առաջին կեսին:»

Իսկ մինչ փորձագետները բանավիճում են, Հայաստանի ֆուտբոլի ֆեդերացիան ժամանակ չի կորցնում և արդեն հավաքում է լուրջ փորձ: Այս տարվա ֆուտբոլի առաջնության Հարավային Աֆրիկա են գործուղել ազգային թիմի երկու խաղացող, որոնց համար գնվել են տոմսեր առաջին շարքերում: Գործուղման նպատակը ֆուտբոլային նյուանսների մաքսիմալ կլանումն է և Հայաստանում դրանց վերարտադրումը:

ՀԱՀ-ում գտնվող հայ թիմի հարձակվող Արմեն Ստեփանյանը կիսվում է տպավորություններով` «Շատ հետաքրքիր է իհարկե նայել իսկական ֆուտբոլ այդքան մոտիկից: Մենք բավական բան ենք սովորում այս աշխարհի առաջնությունից, բայց եթե անկեղծ լինենք.. էտ պատրաստվել, պարապել, մարզվել` սաղ սուտ ա.. Էդ ճակատագիր ա: Եթե ճակատիդ գրված , որ պտի կրվես ուրեմն ինչքան ուզում ես պարապի մեկա ճակատագրիցդ չես փախչի:»

Հանրապետական պատգամավորը իրականացրեց անհնարինը

Երևան, Հայաստան – Երկուշաբթի երեկոյան տեղի ունեցավ արտահերթ կառավարության նիստ, որի ժամանակ վարչապետ Տիգրան Սարգսյանը պատվո շքանշան հանձնեց խորհրդարանական մեծամասնության ղեկավարին: Վարչապետը բարձր գնահատեց Սահակյանի նվաճումը և կոչ արեց նաև այլ խորհրդարանականներին հետևել Սահակյանի օրինակին:

Շքանշանի հանձնման արարողության ընթացքում Սարգսյանը նշեց. “Այսօր մենք տեսնում ենք, որ տարիների աշխատանքը սկսել է տալ իր արդյունքը: Խոստովանենք, որ նույնիսկ կառավարությունում քչերն էին հավատում, որ պարոն Սահակյանը կկարողանա հասնել նման արդյունքի: Պատկերացնում եք` գրեթե մեկ ամիս”, ասաց վարչապետը` ընկերաբար թփթփացնելով գործընկերոջ ուսին:

Հայկական ԶԼՄ-ները դեռ հունվարի կեսերին սկսեցին ահազանգել, որ մի քանի շաբաթ  շարունակ հանրապետական պատգամավորը չի դրսեվորել իրեն հատուկ վարքագիծ: Ա1+ի լրագրողական անձնակազմը խոստովանում է, որ իրենց աշխատանքի զգալի մասը կաթվածահար էր եղել պատգամավորի անսպասելի զսպվածության պատճառով:

“Առաջին շաբաթն առանց աբսուրդ արտահայտությունների մենք բացատրում էինք հետտոնական պասիվ վիճակով”, կիսվում է A1+ի թղթակից Վիկտորիա Աբրահամյանը, “բայց երբ նա զերծ մնաց բլթոցներից նաև երկրորդ շաբաթվա ընթացքում, մենք հասկացանք, որ ինչ-որ բան փոխվել է… իրոք անհանգստացանք…  Բարեբախտաբար այդ ժամանակ մեզ օգնեց ԱԺ նախագահը և ոստիկանության որոշ պաշտոնյաներ իրենց ասուլիսներով:”

Ընդդիմությունը հանդես է եկել հայտարարությամբ, որը դատապարտում է Սահակյանի անբնական պահվածքը: ՀԱԿ-ի մամլո խոսնակ Արման Մուսինյանը պարզաբանեց, որ “հանրապետական խմբակցության ղեկավարի տարօրինակ պահվածքը հիմնականում պայմանավորված է ամանորյա տոներով և կրում է ժամանակավոր բնույթ:”

“Վստահ եմ,” ասաց Մուսինյանը, “մի քանի օրից մեր գործընկերը կվերադառնա իր բնականոն մամլո ասուլիսներին, և անհանգստության կարիք այլևս չի լինի:”

Սահակյանի սկանդալային զսպվածությունը համընկավ Հայաստանում Էդուարդ Շևարդնաձեի պաշտոնական այցի հետ: Վրաստանի նախկին նախագահը այցելեց Հայաստան քննարկելու երկու հարևան երկրների համագործակցության հարցերի լայն շրջանակ:

'Մի էսքան էլ սունելի եք ավելացնում ու սացիվին պատրաստ ա,' Շևարդնաձե

Շևարնաձեն ունեցավ հանդիպումներ Հայաստանի արտաքին գործերի նախարարի, նախագահի և ԱԺ նախագահի հետ: “Որպես Վրաստանի նախկին նախագահ` ես պաշտոնապես հայտարարում եմ, որ մեր երկիրը պատրաստ է սերտացնել կապերը Հայաստանի հետ: Իսկ Ջավախքի հարցում, եթե ուզում եք, կարող ենք գնալ զիջումների: Ես էդ տղեն եմ”, հավելեց Շևարդնաձեն:

Հայաստանի արտգործնախարար Նալբանդյանը ջերմորեն ընդունեց վրացի բարձրաստիճան հյուրի խոսքերը: “Հայաստանը, ինչպես գիտեք, մեծ նշանակություն է տալիս քաղաքականության մեջ նախկին նախագահների դերին: Կարծում եմ` Հայաստան-Շևարդնաձե երկխոսությունը պտղաբեր կլինի երկու երկրների համար”,- ասաց Նալբանդյանը:

“Ի դեպ, հաջորդ ամիս նախատեսվում է նախագահ Սարգսյանի պաշտոնական այցը Շևարդնաձեենց տուն` քննարկելու Հայաստանի և Վրաստանի էներգետիկ համագործակցության հարցեր,” հավելեց Նալբանդյանը:

Վրաստանի  նախկին նախագահի այցի վերաբերյալ հաջորդ երկուշաբթի սպասվում է Գալուստ Սահակյանի հատուկ մամլո ասուլիսը: Փորձագետների գնահատմամբ` Սահակյանի` բլթոցներից զերծ միամսյակի ավարտը կհամընկնի այդ ասուլիսի հետ:

Հատիսի հաղթանակը`բասկետբոլիստուհիների թաքնված ուղերձը ֆուտբոլիստներին

Երկուշաբթի առավոտյան Հայստանի ֆուտբոլի ֆեդերացիայի ասուլիսում հրապարակվեց սուր քննադատություն “Հատիս” բասեկտբոլային ակումբի հաղթանակի կապակցությամբ: Հայաստանի ֆուտբոլիստների գլխավոր մարզիչ Աշոտ Լուզերյանն ասաց լրագրողներին. “Բասկետբոլիստուհիների հաղթանակը ակնհայտ քաղաքական պատվեր էր, որի նպատակն էր մեզ ավելի հիմար վիճակում ներկայացնելը հանրությանը: Կարծում եմ բոլորը հասկանում են, ինչ քաղաքական ուժերին է ձեռնատու նման սև փիառը մեր դեմ:”

Անցած շաբաթ “Հատիս”-ի հաղթանակը թուրքական “Բեշիկթաշ”-ի նկատմամբ առաջացրեց մեծ ուրախություն և համազգային ցնծություն Հայաստանում: Բասկետբոլիստուհիները իրենք մեծ ուրախությամբ են մեկնաբանում հաղթանակը. “Գիտեք, մենք վստահ էինք, որ պետք է հաղթենք, քանի որ մեր հողի վրա էինք խաղում և մեր հայրենիքը ուժեղ ոգևորում էր մեզ”, ասում է մեր հավաքականի սևամորթ հարձակվող Քերոլ Դեյնը: Աննա Կոտելենկովան հավելեց. “Իրոք, դա մեր հողն ու ջուրն էր, մեր Գառնի-Գեղարդը, որ որոշիչ դեր խաղացին թիմի հաղթանակի մեջ:

Բնականաբար այդ հաղթանակը արթնացրեց հայ ֆուտբոլասերների լուրջ դժգոհությունը: “Ամեն ինչ սկսվեց դեռ շախմատիսների հաղթանակով, ինչը ևս ապտակ էր մեր ֆուտբոլի հավաքականին: Բայց աղջիկների հաղթանակը պարզապես վերջին կաթիլն էր”, ասում է դարպասապահ Բերեզովսկին:

Վերլուծաբան Աղասի Ենոքյանը բացատրեց “Հատիս”-ի հաղթանակի քաղաքական ենթատեքստը. “Սա ակնհայտորեն էժանագին քաղաքական քայլ էր: Քաղաքականությունը վաղուց տեղափոխվել է մարզական դաշտ և այս հաղթանակը միանշանակ ջուր է լցնում մի քաղաքական ուժի ջրաղացին:”

“Հաշվարկը շատ պարզ էր”, հավելում է Ենոքյանը, “օգտագործելով մեր ֆուտբոլիստների անտաղանդությունը` բասկետբոլի հավաքականը սրիկայաբար հաղթանակ տարավ, ինչը քաղաքական դիվիդենտ է բերում “X” քաղաքական ուժին”

Թիմի հոգեբան Արտեմ Նալչյանը կիսվեց որոշ մանրամասներով. “Տղաների մոտ հիմա շատ ծանր ժամանակ է: Նրանք արդեն տարել են լուրջ պարտություններ, որոնք թուլացրել են իրենց մարզական ոգին: Եվ դեռ առջևում` գարնանը, նախատեսված են ևս մի քանի լուրջ պարտություններ եվրոպական մի քանի ակումբների հետ: Այս վիճակում բասկետբոլի հաղթանակը իրոք կարծես հատուկ կազմակերպված լիներ իրենց պարտություններն ընդգծելու համար:”

"Նրանց հաղթանակի միակ նպատակը մեզ նվաստացնելն էր", թիմի ավագ

Սկանդալային հայտարարությունները չավարտվեցին այս ամենով: Ֆուտբոլիստները նաև պահանջ ներկայացրեցին գրիպի համաճարակով պայմանավորված դպրոցական երկու շաբաթվա արձակուրդները տարածել նաև ֆուտբոլիստների վրա: “Ինչու են արձակուրդները տարածվել միայն մանկապարտեզի և դպրոցի սաների վրա: Ինչ  մենք տարբերվում ենք նրանցից իմունային համակարգով? Թե ինչ-որ ինտելեկտուալ կամ մտավոր զարգացվածության տարբերություն կա?”, նշեց թիմի մարզիչ Գլխոյանը: “Սա անհիմն խտրականություն է, և դպրոցականները մեզանից ոչ մի բանով լավը չեն: Մենք պահանջում ենք արձակուրդ:”

Ի դեպ մեզ հասել են լուրեր, որ Հայաստանի հավաքականը բավական ակտիվ սկսել էր նախապատրաստվել ապրիլին կայանալիք Սլովենիայի հետ խաղում պարտությանը, սակայն վերցրեց երկու շաբաթանոց դադար, ինչը կարող է խառնել բոլոր խաղաքարտերը:

Երևան 2012, հպարտ ծնող՝ "Իմ երեխաս դպրոցը սև գոտիյով ավարտեց"

Օրերս Գոռ Վարդանյանը, նույն ինքը կինոների մեջի Գոռը,  նույն ինքը Չակ Նորիսի ահն ու սարսափը, կամ են կարատեիստ տղեն, կամ նույն ինքը Բրյուս Լիի հայկական մարմնավորւոմը, կամ թաքնված վագրը, կամաց մոտեցող վիշապը, կամ ինչպես վերջերս են նրան ասում, էն կարատեիստը, որ Ֆորտ Բոյարում մեղմ ասած լավ հանդես չեկավ, կամ մեր Կոմեդի նայթի ամենասիրված դերասանը, մի խասքով Գոռ Վարդանյանը նշանակվեց քաղաքապետի աջ ձեռք մշակույթի, սպորտի և անշուշտ կրթության հարցերով:

Քանի, որ Գոռ Վարդանյանը ֆուլ կոնտակտ կարատեի ֆեդերացիայի նախագահն է, ապա մոտակա ժամանակներում երևանցիներին սպասում են ֆուլ կոնտակտ մշակութային միջոցառումներ, (հենց մեկը օրինակ Արմենչիկի ֆուլ կոնտակտ համերգը) և իհարկե ֆուլ կոնտակտ կրթություն: Օրինակ, եթե երախան աշխարհագրության դասին քարտեզի վրա չի կարողանում գտնել չարաբաստիկ Մադագասկարը, ապա նրան շատ ֆուլ կոնտակտ կերպով բացատրում են որտեղ է Մադագասկարը և ինչու դա չարժի մոռանալ: Առավել բութ երեխաներին կսովորեցնեն օգտագործելով հին ճապոնական յոկո գիրի, ձենկուցու դաչի և կատատետորի կրթական մեթոդները: Ծայրահեղ դեպքերում աշակերտներից կպահանջվի կամավորական խարա կիրի, դասղեկի անունը չգցելու համար:

Մշակույթի առումով նույնպես կսպասվեն փոփոխություններ: Օրինակ շատ փոքր մշակույթ ունեցող քաղաքացիներից կպահանջվի 40-50 ժիմ օրեկան, մշակույի մեծացման նպատակով: Երևանցիները արդեն վաղուց սովոր են, որ Արամ Խաչատրյանի անվան ֆիլարմոնիկ համերգասրահում անց են կացվում ձյուդոյի մրցումներ, դրա համար, քաղաքացիներին էլ ավելի տպավորելու համար արմրեսլինգի մրցույթները այսուհետև անց կկացվեն Փարաջանովի տուն-թանգարանում, իսկ Մատենադարանը կվերածվի եվրոպական չափանիշներին համապատասխանող լողավազանի, որտեղ կմարզվեն լողորդներ ամբողջ տարածաշրջանից:

"Գոռ մի ասա, մի կրակ ասա"

Գոռ Վարդանյանի նշանակման լուրը շատ վատ ընդունեց Կալիֆորնիայի նահանգապետ Արնոլդ Շվարցեննեգերը՝ “Չեմ հասկանում էս Գոռից պրծում չկա՞” բողոէեց տերմինատորը – “Ես գնացի սպորտ, ինքը եկավ սպորտ,  ես գնացի կինոներում նկարվեմ, ինքը եկավ կինոներ սկսեց նկարել, ճիշտա Ընտրությունը ֆիլմը շատ նեղեց իմ Տերմինատոր 3 ֆիլմը, դրա համար էլ գնացի մանրից քաղաքականություն, հիմա էլ ստեղ հասավ: Ինչա բռնեմ էս տները ծախեմ գնամ Լուսի՞ն” բորբոքվեց միստեր Օլիմպիան:

Գոռ Վարդանյանի թարմ գաղափարներին անհամբեր սպասում են բոլոր քաղաքացիները: Մասնավորապես պատահական անցորդ Արմանը հույս հայտնեց, որ Գոռ Վարդանյանը կարգելի երաժշտական դպրոցներում ջութակի դասընթացները, որպեսզի երեխաները դոձիկ չմեծանան: Իսկ երգիչ Սուպեր Սաքոն հույս հայտնեց, որ հեռուստացույցով կվերսկսեն Գոռ Վարդանյանի սերիալի ցուցադրումը: Հիշեցնենք Վրիժառու սերիալը մեզ պատմում էր մեծ ու փոքր լկստված լակոտների առօրեյայի մասին, իսկ երեխաներին ցույց էր տալիս գռեհիկ պահելաձևի և սրիկա լինելու գաղտնիքները: Սերիալի վերջում, ինչպես միշտ չարը պարտվում է, իսկ Գոռը հաղթում, սակայն սերիաներ շարունակ գռեհիկություն դիտած երեխաների ուղեղը ոչ մի բան չի մոռանում:

Երրանցիների մշակույթն ու կրթությունը լավ ձեռքերում են. 10-15 բետոնե բլոկ միանգամից ջարդող ձեռքերում: Այն ձեռքերում, որ կարան ոչ միայն ծեծեն, այլ նաև ցբխեն Չակ Նորիսին, իջնեն Ջեկի Չանի չանին և սատկացնեն 7-12 զինված նինջաներ: Եթե նույնիկս,  Երևանի գործերը վատ գնան, Գոռը անպայման հանկարցակի կհիշի իր սենսեյի դասերը և կփրկի բոլորին-բոլորին:

Օդնոկլասնիկով աղջիկակպցման բաց առաջնություն

ՀՀ Մշակույթի և Սպորտի նախարարությունների աննախադեպ բարձր հովանու ներքո, Հայաստանում կկայանա նոր սպորտաձևի առաջին բաց առաջնությունը: Նոր սպորտաձևը կոչվում է ‘օդնոլկասնիկով աղջիկակպցնում’ և արդեն հասցրել է դառնալ հայ երիտասարդների ամենասիրվածը: Կանոնները շատ պարզ են՝ երիտասարդները պետք է մտնեն www.odnoklassniki.ru կայքը և փորձեն առավելագույնս շուտ ծանոթանալ հայ աղջկա հետ, քանի որ ռուս աղջկա հետ ծանոթանալու տարբերակները վաղուց դրված են հայ տղայի գենետիկ կոդում: Աղջկա կողմից պատասխան ուղարկված յուրաքանչյուր սմայլիկ գնահատվում է 1 միավորով, պաչիկ 3 միավոր, եթե աղջիկը մարզիկի նկարը գնահատում է 5+, ապա մարզիկը ստանում է 5 միավոր, եթե աղջիկը համաձայնվում է մարզիկի հետ հանդիպել սրճարանում, ապա մարզիկը ստանում է 100 միավոր, իսկ եթե գործը ավարտվում է սեքսով, ապա դատավորները մարզիկին շնորհում են 500 միավոր և վերցնում են այդ աղջկա հեռախոսահամարը:

«iPhone-ը աղջիկների մագնիս է» - պնդում է Simpo $$$ Karenchik-ը

Simpo $$$ Karenchik անունով հանդես եկող մարզիկը մեզ հետ կիսվեց իր մարտավարության նրբություններով: «Ես շեշտը դրել եմ իմ նկարների վրա, սաղ նկարներումս երևում ա, որ ես iPhone եմ բռնում: Իսկ մրցույթի օրը կավելացնեմ մի նկար, որտեղ ես iPhone եմ բռնում ու սիպտակ դորջարի ռույլին եմ» – ասաց Simpo $$$ Karenchik-ը: Մեկ այլ մարզիկ Hopar մականունով նշեց, որ իր նկարից լավը չկա, քանի, որ նկարում նա նստած է ճոխ սեղանի շուրջ քաղաքական գործիչներ Առնոլդ Շվարցենեգերի և Գագիկ Ծառուկյանի կողքին: «Ձյաձ ջան, էտի դե ֆոտոշոպա, բայց նանարներին շատա դուր գալիս» – կիսվեց մեզ հետ Hopar-ը:

Սակայն ոչ բոլոր մարզիկներն են շեշտը դնում նկարների վրա, ինչպես օրինակ TXUR TXA 007 մականունով մարզիկը: «Ստեղ կարևորը կարանաս աղջկան խոսացնես, մտնես նրա հոգին ու փոթորիկ անես: Շատ եմ օգտագործում Շեքսպիրի սոնետները, իհարկե աղջիկներին ասում եմ, որ ես եմ գրել» – ասաց ԵՊՀ ուսանողը և ավելացրեց «Շատ կորևոր ա, թե ոնց խոսակցությունը կբացես: Օրինակ ես գրում եմ աղջկան «բա քեզ չե՞ն փնտրում», նա հարցնում ա «ո՞րտեղ» ու ըտեղ ես գրում եմ «երկնքում, չէ որ դու հրեշտակ ես» ու էդ պահից աղջիկը իմն ա»: Վերջապես 2Pac xXx մականունով մարզիկը խոստովանեց, որ նա կենտրոնանում է տգեղ, գեր և չափազանց մազոտ աղջիկների վրա: «Իչքան աղջիկը գեշ, ենքան հեշտա կպնում» – նկատեց մարզիկը և հույս հայտնեց, որ գեշ աղջիկները Երևանից անպակաս կլինեն:

Մինչ մարզիկները պատրաստվում են առաջնությանը Bee Line ընկերությունը նախատեսում է րոպեավճար մտցնել www.odnoklassniki.ru կայքը այցելելու համար: Ընկերության ներկայացուցիչը մերժեց, որ այդ քայլը արվելու է հայ սպառողին ևս մի նոր ձևով փողազերցելու համար և հիմնավորեց, որ դա պայմանավորված է միջազգային շուկայի ժամանակակից տենդենցներով, ինտերնետի սերվերներով, HTTP port-երով և այլ մոգոնված պատճառներով:

Միջնակարգ կրթությամբ կանանց ասոցիացիան ողջունեց նախաձեռնությունը, քանի որ այն առավելագույնս կնպաստի ծննդաբերության աճին:

Armenian player attempting to get hold of ball

Armenian national soccer team failed a second time to defeat Turks establishing an unfavorable tradition of 2:0. Instead, Armenian players exhibited  lavish hospitality near their goals during the October 14 match.

Despite the 2:0 defeat, Armenian team received an attractive agreement proposal from sportswear  giant NIKE company. Right after the game, NIKE signed a $20 million contract with the Armenian Football Federation which obliges the Armenian players in the next 20 years not to wear any NIKE item. The contract also stipulates additional $10 millions if family members of the players also refrain from wearing NIKE brand.

Nevertheless a group of emotional Dashnak football fans attempted to greet the Armenian team upon return, however administration of the airport did not allow armed fans on the Zvartnots territory.

Coach of the Armenian team offered impressions: “I don’t share the general disappointment. Basically the year has been very successful: our team played in a number of European countries like France, Germany, Belgium. Many of the footballers had never been to those countries and managed to gain great impressions and enjoy cultural experiences.”

Answering the question of what is the preferred score of defeat for our team, captain Sahakyan replied: “It all depends on rating of the team we play with. With stronger teams we prefer to be defeated at 1:0 or 2:1. However our big time goal is a defeat with 3:2 score which I believe is feasaible in the next few years!”

Two presidents share latest anecdotes on Georgians during the game

Coach of the team Minasyan added to the optimism: “The recent game with Spain was also very useful for our team. We managed to take pictures with celebrity players like Castillias, Torres. So focusing only on defeat is really not fair.”

Chief of the Football Fans Federation of Armenia, Khachatur Gndakyan also highlighted the advantages of the game: “I believe every defeat only adds to the joy that we will experience when we finally win a game. In this regards, I believe this was a very useful match.” 

Gndakyan also explained his relatively good mood: “Our Football Federation distributes free pills which help us not only refrain from negative sentiments but keep happy spirits all through the game!”

Armenian fan swearing in silent despair

Armenian law enforcers, just in case, advise Armenian players to refrain from appearing in public venues and taking children to school in the next few months.

Հայ ֆուտբոլիստը փորձում է տիրանալ գնդակին

Հայաստանի ֆուտբոլի հավաքականը արդեն երկրորդ անգամ չկարողացավ ջախջախիչ պարտության մատնել թուրքերին` շարունակելով անհայանպաստ “2:0” ավանդույթը հոկտեմբերի 14-ին: Փոխարենը հայ մարզիկները ցուցաբերեցին հյուրընկալության երկու հրավառություն իրենց դարպասների մոտ:

Չնայած 2:0 հաշվով պարտության` Հայաստանի հավաքականը ստացավ բավական գրավիչ առաջարկ սպորտային գիգանտ  NIKE ընկերությունից: Խաղից անմիջապես հետո NIKE-ի տնօրինությունը կնքեց 20 միլիոն դոլարի պայմանագիր Հայաստանի ֆուտբոլի ֆեդերացիայի հետ համաձայն, որի մոտական 20 տարիների ընթացքում ոչ մի հայ ֆուտբոլիստ չի կրի NIKE ապրանքանիշի ոչ մի համազգեստ կամ կոշիկ:

Այդուհանդերձ մի քանի նյարդայնացած դաշնակ ֆուտբոլասեր փորձեցին դիմավորել խաղացողներին, սակայն Զվարթնոցի անվտանգությունը թույլ չտվեց զինված երկրպագուներին մոտենալ օդանավակայան:

Հայաստանի մարզիչը կիսվեց մեր լրագրողի հետ տպավորություններով. “Ես չեմ կիսում շատերի դժգոհությունը: Ընդհանրապես տարին բավական հաջող էր. մեր թիմը խաղաց եվրոպական շատ երկրներում, օրինակ Բերլինում, Ֆրանսիայի մի քանի քաղաքներում: Մեր ֆուտբոլիստներից շատերը երբեք չէին եղել այդ երկրներում և բավական տպավորված են վերադարձել տեղի մշակույթով, ճարտարապետությամբ:”

Մեր այն հարցին, թե որ հաշվով են հայ ֆուբոլիստները նախընտրում պարտվել թիմի կապիտան Սահակյանը պարզաբանեց. “Ամեն ինչ կախված է տվյալ թիմի ռեյթինգից: Առավել ուժեղ թիմերի հետ մենք փորձում ենք պարտվել 1:0 կամ 2:1 հաշվով: Սակայն բնականաբար միշտ ձգտել և ձգտելու ենք 3:2 հաշվով պարտությանը, ինչը կարծում են հնարավոր է արդեն մոտակա տարիներին:”

Երկու նախագահները խաղի ընթացքում կիսվում են վրացիների մասին վերջին անեկդոտներով

Թիմի մարզիչ Մինասյանը հավելեց լավատեսությանը. “Մեր խաղացողների համար հետաքրքիր էր նաև վերջին խաղը Իսպանիայի հետ:  Մենք կարողացանք նկարվել այնպիսի հայտնի խաղացողների հետ ինչպիսիք են Կաստիլիասը, Տոռեսը: Այնպես որ միայն խաղի պարտության վրա ֆիքսվելը կարծում եմ ճիշտ չէ:”

Հայ երկրպագուների դաշնության արտաքին կապերի պատասխանատու Խաչատուր Գնդակյանը նույնպես ներկայացրեց խաղի դրական կողմերը. “Կարծում եմ յուրաքանչյուր պարտություն միայն օգնում է ուժեղացնել այն հաճույքը, որը կզգանք, երբ ի վերջո մի օր հաղթենք: Այդ առումով այս խաղը բավական օգտակար էր:”

Գնդակյանը նաև բացատրեց իր համեմատաբար լավ տրամադրության պատճառը. “Մեր ֆեդերացիան բոլոր երկրպագուներին տրամադրում է անվճար դեղամիջոցներ, որոնք մեզ թույլ են տալիս ոչ միայն չնեղվել նման հաշիվներից այլ անընդհատ ուրախ մնալ:”

Հայ ֆուտբոլասերը դառնության պահին

Հայաստանի իրավապահները ամեն դեպքում խորհուրդ են տվել հայ ֆուտբոլիստներին մոտակա ամիսների ընթացքում չհաճախել հանրային վայրեր և երեխաներին չտանել դպրոց անվտանգության նկատառումներով: