Բրենդերը պետք է հայեցի լինեն

ArmComedy–ին հաջողվեց պարզել, թե  ինչու՞ Հայաստանում դեռ չի բացվել առաջին ՄակԴոնալդսը, ի՞նչ փոփոխություններ են սպասում Apple համակարգիչների օգտագործողներին և մի շարք այլ հետաքրքրիր տեղեկություններ։  ՀՀ լեզվի տեսչությունը արդեն մի քանի տարի է աշխատում է հայտնի կազմակերպությունների տարբերանշանների հայաֆիկացման վրա։ Թե ինչպես են ընթանում այդ աշխատանքները մեզ պատմեց ՀՀԼՏ գլխավոր տեսուչ՝ մայոր Անատոլի Տեր–Մարկարովը։ «Այդ տարբերանշանները բոլորովին հայեցի չեն։ Դա մեզ շատ է մտահոգում` մենք փորձում ենք այնպիսի պայմաններ ստեղծել, որ Հայաստանի քաղաքացին իրեն իր սեփական երկրում օտար չզգա։ Դրա համար էլ մինչ օրս ՄակԴոնալդս չի բացվել Հայաստանում։ Մենք առաջարկեցինք մի քանի հայանպաստ փոփոխություններ, որոնք նրանք մերժեցին՝ օրինակ առաջարկեցինք Արարատ լեռը հիշեցնող մոտիվներ մտցնել, իսկ նրանք երկու ոտքը մի կոշիկի մեջ դրեցին և ասացին՝ ոչ։  Մեզ այդ շոտլանդական ՄակԴոնալդս ազգանունն էլ առանձնապես հայեցի չէր թվում, ցանկանում էինք դարձնել հային ավելի հարազատ բան՝ Սարգսյան օրինակ, սակայն զիջեցինք, բայց ամերիկյան կողմը միևնույնն է չի ցանկանում ողջամիտ համաձայնության գալ։»

Մեր հարցին, թե ինչպես են բրենդերի ներկայացուցիչները խնդրին մոտենում, Տեր–Մարկարովը պատասխանեց՝ «Շատերը դրական են մոտենում։ Օրինակ Apple–ի ներկայացուցիչը շատ լավ էլ հասկացավ, որ այդ կծած խնձորին հայկական շունչ է պակասում և համաձայնվեց, որ ծիրանը շատ ավելի հայեցի է»։ ArmComedy–ին կապվեց Էռնեստ Մարդոյանի հետ, ով Apple խանութի տնօրենն է Երևանում ՝ «Այո, մեր աշխատակիցները 24 ժամ աշխատում են, որպեսզի հասցնեն բոլոր նոուտբուքերի վրա փակցնել ծիրանով տարբերանշանը։ Կարծում եմ մինչև սեպտեմբեր կհայաֆիկացնենք մեր ամբողջ տեսականին։»

Իսկ ՀՀԼՏ գլխավոր տեսուչ մայոր Տեր–Մարկարովը շարունակեց` «Չենք ուզում տպավորություն ստեղծվի, որ միայն ամերիկյան բրենդերն ենք փոփոխում։ Շատ լուրջ խոսակցություն ունեցանք Աերոֆլոտի հետ, առաջարկեցինք հստակեցնել իրենց տարբերանշանը։ Անհրաժեշտ է, որ հայ ուղևորը հստակ իմանա ինչի համար է նա մեկնում Ռուսաստան։ Մեր առաջարկաց տարբերակը կարծում եմ մութ անկյուններ չի թողնում։»

Կանադայի դրոշի հայեցի տարբերակը

«Բացի կոմերցիոն կազմակերպություններից մենք բանակցություններ ենք վարում նաև օտար երկրների կառավարությունների հետ։ Վերջերս հանդիպեցինք Կանադայի վարչապետի հետ և առաջարկեցինք վերանայել իրենց դրոշը և  թխկու տերևը փոխարինել խաղողի թփով։ Մենք չենք պահանջում, որ հենց այս պահին հայաֆիկացնեն իրենց դրոշը, սակայն առնվազն դեսպանատուն բացելիս պետք է հաշվի առնեն հայ ժողովրդի նախասիրությունները։»  Կանադայի պատվո հյուպատոս Արտաշես Էմինը մեծ ոգևորությամբ ընդհունեց առաջարկը և հավելեց, որ նման հայանպաստ դրոշով արդեն մոտ ապագայում հնարավոր կդառնա պատվո հյուպատոսության upgrade-ը մինչև լիարժեք դեսպանատուն։

«Բավականին պարզ լուծում ենք առաջարկել Google ընկերությանը։ Շատ հեշտ կլինի իրենց տարբերանշանը դարձնել հայամետ, ընդամենը մի քանի չնչին գունային փոփոխություններ մտցնելով» – պատմեց գլխավոր տեսուչը։

«Շատ կոշտ խոսեցինք Puma ընկերության հետ։ Նախ և առաջ սպորտային հագուստը ժամանակակից հայկական տարազի ամենակարևոր տարրերից է, ուստի առավել ուշադիր և խստապահանջ պետք է լինենք հենց սպորտային հագուստ արտադրողների նկատմամբ։ Մեզ համար հասկանալի չէր ինչու հենց Puma, եթե կա շատ գեղեցիկ հայերեն «կատվառյուծ» բառը։ Երկրորդն էլ՝ բոլորովին անհասկանալի է ինչու է ցատկում տարբերանշանում պատկերված կատվառյուծը։ Ի՞նչ դրդապատճառներ նա ունի։ Որպեսզի մարդկանց բարդ իրավիճակի մեջ չգցենք, մենք առաջարկեցինք ավելացնել ավանդական քյաբաբ–խորոված–չալաղաջը, ինչի արդյունքում ակնհայտ է դառվնում կատվառյուծի ցատկի նպատակը։»

Գլխավոր տեսուչը գտնում է, որ լեզվի տեսչությունը օգնում է բրենդերին ադապտացվել հայկական շուկային, գտնել իրենց սպառողին։ «Louis Vuitton բրենդին մենք շատ օգնեցինք։ Այդ բրենդը հիմնականում վաճառվում է Երևանի տոնավաճառներում, ուստի մենք առաջարկեցինք ընկերությանը ըմբռնումով մոտենալ հայ սպառողին։ Նոր տարբերանշանը ոչ միայն մաշտոցյան շունչ ունի, այլ նաև հուշում է սպառողին, որտեղ կարելի է ձեռք բերել այդ ապրանքը։»
Իսկ մեր հարցին, թե ինչ հաջողություններ է արդեն գրանցել լեզվի տեսչությունը տարբերանշանների հայաֆիկացման գարծընթացում, Տեր–Մարկարովը հպարտորեն ցույց տվեց ահա այս նկարը և ասաց, որ նա դեռ շատ– շատ գործեր ունի։

If we don't come back in an hour call 911

To try and understand and enjoy this whole affair you must read this and this.

In two words, Armentel did not like our article about them, they posted some hateful yet hilarious comments,  so on Monday Dec 07 at 17:00 ArmComedy (us) is invited to Armentel Head Office for a tour.

Once the tour is over we will post detailed Armentel experience with honest impressions we receive.

We will be knocking on Armentel’s door. We’ll be there! Will Armentel be there, too? Will they offer us tea? Will we be forced to take off shoes before entering? Will this be our last post ever? Will Comedy Night be cancelled for tragic reasons? Will there be an In Memoriam Comedy Night? Will Ashot Ghazaryan and Shushan Petrosyan take over Armenian comedy field?

This Monday! Only on ArmComedy.Com

Հայկական հեռուստատոեսությունը ապշեցրեց անգլիացիներին

Շատերը երևի թե կհիշեն, որ մի քանի տարի առաջ բոլորիս ամենասիրված ԱԼՄ  հեռուստաալիքը Անգլիայում արժանացավ Quality Crown Award  մրցանակին, հեռուստաեթերի բարձր որակի ապահովման համար: Շատերը սակայն չհավատացին այն փաստին, որ ԱԼՄ-ն այնքան որակով հաղորդումներ է պատրաստում, որ նույնիսկ անգլիացիները անտարբեր չմնացին, իսկ չար լեզուները սկսեցին պնդել, որ այդ մրցանակը շինծու է, և որ ցանկացած կազմակերպություն էլ կորող է այն ստանալ, վճարելով համապատասխան գումեր: Մենք որոշեցինք կատարել լրագրողական հետախուզություն և մեկնեցինք Լոնդոն այս գաղտնիքը բացահայտելու նպատակով:

Առաջին նպատակն էր պարզել որքանով միջին վիճակագրական լոնդոնցին ծանոթ է ԱԼՄ հեռուստաընկերության հաղորդումներին: Առաջին իսկ պատահական անցորդը՝ Դեվիդ Սթրենջերը, ում մոտեցանք Տրաֆալգարյան հրապարակում, հենց իմացավ, որ Հայաստանից ենք բացականչեց “Օու, դուք Տիգրան Կարապետյանի երկրից եք”: Մենք պարզեցինք, որ Դեվիդի ամբողջ ընտանիքը, ընկերները, գործընկերները, հարևանները պարզապես զմայլված են հայկական հեռուստաընկերության այդ ֆենոմենով: “Կերազեի մեր մոտ էլ լիներ մի տենց հաղորդում, որտեղ հեռուստացույցեր կամ ԴՎԴ նվագարկիչներ բաժանեին” – ավելացրեց մի լոնդոնցի դեռահաս:

Պարզվեց, որ լոնդոնաբնակ ինտելիգենցիան ՝բժիշկները, փաստաբանները, ազնվականները հիմնականում նախընտրում են “Հացի Խնդիր” հաղորդաշարը: Նեյրովիրաբույժ Քենեթ Ադամսը շեշտեց, որ իրեն դուր է գալիս Տիգրան Կարապետյանի անմիջական շփումը հեռուստադիտողների հետ, և նա մի քանի անգամ փորձել է զանգահարել ստուդիա, բայց չգիտես ինչու իրեն չեն միացրել:

Ավելի ցածր խավերը՝ բանվորները, փայտագործերը, լույսի մարդիկ և հնդիկները նախընտորւմ են դիտել “Փոփ Կուռք” հաղորդումը, որտեղից տեղեկություն են ստանում տարբեր միջազգային և ռուսական աստղերի կենսագրությունների մասին: Վերջերս Լոնդոն գաղթաց բոմբեյցի Մոհինդեր Սուրեշը նշեց, որ հատկապես իրեն դուր եկավ ուրբաթ եթեր գնացած Լեոնիդ Ագուտինի մասին հաղորդումը:

Եթե ես լինեի մի փոքր տարիքով, կամ նա մի փոքր ավելի երիտասարդ...

Աստղային խոսակցությունները մեզ հուշեցին հանդիպել հանրահայտ մի Լոնդոնցու և պարզել նրա կարծիքը ԱԼՄ-ի մասին: Մեր հաջորդ կանգառն էր երգիչ և դաշնակահար Սեր Էլթոն Ջոնի առանձնատունը: Երգիչը մեզ դիմավորեց, բարձր տրամադրությունով, ավանդական թեյով և մի տեսակ չարաճճի հայացքով:  “Իհարկե իմ սիրաց հաղորդումը, Նոր Անուններն են:” – ասաց Էլթոնը, “մի գուցե մի օր իմ Գրեմմիների և պլատինե սկավառակների կողքին էլ կհայտնվի այդ երկար սպասվաց ստվարաթղթից կտռած ադամանդը”: Երգիչը բարձր գնահատեց ԱԼՄ-ի աշխատանքը հեռուստաեթերում և հատկապես ընդգծեց իր համակրանքը դեպի Տիգրան Կարապետյանը՝ “Եթե ես լինեի մի փոքր տարիքով, կամ նա մի փոքր երիտասարդ, ամեն ինչ կարող է շատ ուրիշ կերպ դասավորվեր”

Մեր վերջին կանգառը Լոնդոնում Quality Crown Award կազմակերպության տնօրեն Իզյա Ռաբինովիչի գրասենյակն էր: Անգլիացի գործարարը չենթարկվեց սադրանքին, երբ մենք նրան ասացինք՝ “Հայաստանում բոլորը գիտեն, որ դուք ժուլիկ եք, վաճառում եք ճոխ անունով մրցանակներ Հայաստանի և Մոլդավիայի պես վատ զարգացած երկրների գործարարներին, որ իրանք այդ թագ-մրցանակը տանեն տուն ու բոլորին խաբեն իբր Անգլիացիները բարձր են գնահատել իրանց արտադրանքի որակը, իրականում ԱԼՄ-ը երևի մի վայրկյան էլ չեք նայել, թե չէ տենց ապուշություն չէիք անի”: Ռաբինովիչը նշեց, որ ԱԼՄ-ն մշակութային ֆենոմեն է Անգլիայում և, որ իր 14-ամյա դուստրը պաղպաղակի փոխարեն գնում է Տիգրան Կարապետյանի պատկերով, տետրեր, պաստառներ և շապիկներ:  “Բացի դրանից Հայաստանից մենակ ԱԼՄ-ն չի որ ստացելա մեր մրցանակը, Fero, սուրճը նույնպես ժամանակին նվաճեց Անգլիան, և Թագուհին առավոտյան ուշքի չէր գալիս մինչև մեկ բաժակ Fero սուրճ չըմպեր” նշեց Իզյա Ռաբինովիչը:

Մենք էլ պարտքներս կատարած, վերադարձանք Հայաստան ճշմարտությունը հայ ժողովրդին վերջնականապես հասցնելու նպատակով: Իսկ իմ գրպանում դեռ մնաց այն շատ գեղեցիկ Անգլիացի աղջկա էլեկտրոնային փոստի հասցեն, ով իր ձախ կրծքին ուներ դաջվածք՝ Ա Լ Մ կախարդական, հեռավոր երկրի այբուբենի երեք տառ: