Խուզարկությունը նորանոր ապօրինության ապացույցներ է գնտում Գևորգյանի տանը

ԵՐԵՎԱՆ – Ոստիկանության կենտրոնական բաժնի փոխանցմամբ` «Հայկական ժամանակ» օրաթերթի լրագրող Հայկ Գևորգյանի տանը հայտնաբերվել են ապօրինի թմրամիջոցներ, հրազեն և հայատյացության բազմաթիվ պիտույքներ: Մեր աղբյուրների պնդմամբ` նրա տանը հայտնաբերվել է նաև Լիլիթ Կարապետյանի բազմամյա հետախուզման մեջ գտվող սկանդալային պոռնոկասետը:

Ինչպես հայտարարվել էր ավելի վաղ, ՀԺ լրգագրող Հայկ Գևորգյանը (հանցագործ աշխարհում ավելի հայտնի որպես “Վրաերթ Հայկ”) անցած շաբաթ երեքից չորս անգամ մեքենայով ճխլել է իր համար պաղպաղակ ուտելով քայլող և ոչ մի բանի մասին չկասկածող անհատ քաղաքացի և մտավորական Աշոտ Ֆրանգուլյանին: Ականատես ոստիկանների պնդմամբ` Գևորգյանը լարվել էր զոհի հետևից Շրջանայինից և վերջապես վրաերթի ենթարկել Հանրապետության հրապարակի մեջտեղում` մի քանի անգամ տրորելով նրա բոլոր ոտքերը:

Ոստիկանները ահազանգում են Գևորգյանի դաժանության մասին, որը, ըստ կառավարության շենքի` ֆոռտչկայից տեսած պաշտոնյաների, վրաերթից հետո դուրս եկավ մեքենայից, հանեց բեռնախցիկից կացին հիշեցնող առարկա և ծառահատում հիշեցնող շարժումով մի քանի անգամ բռնության ենթարկեց մինչև վերջին պահը ոչ մի բան չկասկածող և պաղպաղակ ուտող քաղաքացի Ֆրանգուլյանին:

«Ես իրեն խնդրում էի, ասում էի` մի՛ խփի, մի՛ խփի… Բայց ինքը հա ասում էր` չէ, պտի խփեմ, պտի խփեմ…», – ոստիկանության իր ցուցմունքներում մանրամասնում է գործով տուժած քաղաքացին:

«Խնդրում ենք ոստիկանություն դիմել Հայկ Գևորգյանի կողմից տուժած բոլոր քաղաքացիներին»,- Վ. Գասպարյան

Չնայած Գևորգյանը կատարել էր այդ խուլիգանությունը հունվարի 13-ին` ոստիկանությունը կարողացավ նրան ձերբակալել միայն երկու շաբաթ անց, ինչը ոստիկանությունը պայմանավորում է բենզինի խնդիրներով: «Ցավոք, Ճանապարհային ոստիկանության նախկին պետ Մարգար Օհանյանի հասցրած վնասը դեռ իրեն զգացնել է տալիս, և մեր օպերատիվ խումբը կարողացավ Հայկ Գևորգյանի տուն հասնելու վառելիք ճարել միայն հաջորդ ամսվա սկզբին»,- նշում է ոստիկանության մամլո ծառայությունը:

Ձերբակալումից անմիջապես հետո ոստիկանությունը խուզարկեց դաժան խուլիգանություն կատարած Գևորգյանի տունը, ինչը տվեց ապշեցուցիչ արդյունքներ: «Խուզարկության արդյունքում Գևորգյանի տան հյուրասենյակում հայտնաբերվել է չորս կիլոգրամ կոկաին, կես տոննա հաշիշ, երկու կալաշնիկով, “Իգլա” մակնիշի հրթիռացրիչ և երկաթե երեք ձող, որոնցով նա հեշտությամբ կարող էր վնասել իրավապահներին»,- հայտարարեց ոստիկանության կազմակերպված հանցագործության դեմ պայքարի բաժնի ատենապետը:

Բացի գործին առնչվող նյութերից` ոստիկանությունը բացահայտեց նաև ավելի հրեշային հանգամանք. կասկածյալի տանը հայտնաբերվեց նաև իսրայելական դրոշի մեջ փաթաթած Քեմալ Աթաթուրքի մեծ չափերի հասնող նկար, ինչպես նաև Լիլիթ Կարապետյանի` 90-ականներին արված պոռնոտեսաերիզը, որն արդեն 15 տարի գտնվում է հետախուզման մեջ հայ երիտասարդության կողմից:

Չնայած Հայկ «Վրաերթ» Գևորգյանը պայմանականորեն ազատ է արձակվել երկուշաբթի առավոտյան` իրավապահները խոստանում են, որ կպատժեն նրան օրենքի ողջ ճկունությամբ:

NewsՀաբի հերթական վեբիզոդը պատրաստ է: Subscribe եղեք նաև CivilNet.TV- ալիքին Youtube-ում թողարկումները բաց չթողնելու համար: Դիտեք այս թողարկման մեջ`

• Հյուրը` Փայլակ Կոկիկյան
• Նիկողոսյանը արձագանքեց «Պուտին» ակումբին
• Բարգավաճի սենսացիոն բացահայտումը
• Ո՞վ գնեց Թումանյանի տունը
• և այլն

NewsՀաբի հերթական վեբիզոդը պատրաստ է: Subscribe եղեք նաև CivilNet.TV- ալիքին Youtube-ում թողարկումները բաց չթողնելու համար: Դիտեք այս թողարկման մեջ`

• Հյուրը` Մարտին Ջրքաշյան
• Ինչու՞ է տխրում Սահմանադրությունը
• Ո՞վ է ընկել Բարգավաճ Հայաստանի հետևից
• ՀՀ Ամենաթանկ զուգարանը
• և այլն

Զուգարանաշինությունը կխթանի տնտեսությունը, կստեղծի նոր աշխատատեղեր

ԵՐԵՎԱՆ – Շաբաթվա սկզբին մեծ աղմուկ բարձրացավ մամուլում բացահայտված այն փաստաթղթերի շուրջ, որոնց համաձայն՝ կառավարությունը 2010թ. 100 միլիոն դրամ է հատկացրել զուգարաններ ձեռք բերելու համար: Կառավարությունը արձագանքել է քննադատներին՝ նշելով, որ «նոր զուգարանները ռազմավարական նշանակություն ունեն զբոսաշրջության զարգացման և Հայաստանի Հանրապետության միջազգային իմիջի համար»:

Կառավարության կայքում զետեղված պաշտոնական որոշումը և զուգարանների ձեռքբերման պայմանագիրը լուրջ անհանգստություն է առաջացրել Հայաստանի թերսնվող 35 տոկոս բնակչության շրջանում:

«Ախր, ով ա այդքան զուգարան գնում մեր երկրում»,– նշում է թոշակառու Վալենտին Չուտոյանը, Խնձորեսկ գյուղից: «Մեր մարզը տարեկան այդքան նույնիսկ հաց չի ուտում, էլ ուր մնաց… Էդ ինչ-որ եվրոպաների պահա՞նջ ա»:

Հասարակության տարբեր զանգվածներ արդեն պիտակավորել են գործարքը՝ որպես անթույլատրելի շռայլություն, ինչին, սակայն, համաձայն չէ կառավարությունը.

«Հասկանում ենք, որ անպատրաստ աչքի համար հարյուրմիլիոնանոց զուգարանը կարող է չափազանց շքեղ թվալ, բայց կան բաներ, որոնց վրա խնայել չի կարելի»,– հայտարարել է Քաղաքաշինության նախարարության բնակարանային կոմունալ գլխավոր վարչության զուգարանների բաժնի առաջատար մասնագետ Զարզանդ Կճոյանը:

Զուգարանաշինությունը մեծ ոգևորություն է առաջացրել բնակչության մոտ

«21-րդ դարի Հայաստանը պետք է ձգտի դառնալ զուգարանների տարածաշրջանային առաջատար: Եվ հարցը միայն տարողունակ պաշտոնյաների համար զուգարանի ընդլայնումը չէ: Ժամանակակից զուգարանը նաև լուծում է զբոսաշրջության հարցը: Եթե մենք կարողանանք ստեղծել մեր նախատեսած որակի զուգարանը, մարդիկ ֆրանսիաներից ու ղազախստաններից կուզենան գալ, որ մի քանի րոպե վայելեն մեր շքեղ և բազմադարյա մշակույթի ազդեցությունը կրող զուգարանները»,– ասել է նա:

«Ավելին՝ չնայած զուգարանի շինարարության աշխատանքը դեռ վերջնական ավարտված չէ, բայց Երևանն արդեն հասցրել է առաջարկներ ստանալ Պյատիգորսկի, Քիշնևի և Մագադանի քույր քաղաք դառնալու»,– ասել է Զարզանդ Կճոյանը:

Կառավարությունը վստահեցնում է, որ նոր զուգարանը իր գրավչությամբ կարող է մրցակցել Գառնի-Գեղարդի հետ և դառնալ էկոտուրիզմի հզոր կենտրոն: «Որքան կարելի է գրավել զբոսաշրջիկներին մեր հին ու հոգնած Գառնի-Գեղարդով», – նշել է պաշտոնյան: «Մարդկանց պետք է ավեի ինտերակտիվ, ավելի անմիջական զբաղմունք, ինչպիսին է մեգազուգարանը»:

Նախնական տվյալներով՝ հսկա էլիտար զուգարանի կառուցման համար կառավարությունը հատկացրել է Գեղարքունիքի մարզի կեսը՝ արևելյան հատվածը, որտեղ կտեղակայվի նաև զուգարանից գոյացած պոչամբարը:

«Չորս տոննա թուրք արդեն նստացրել ենք դեպի Մարսել գնացող նավ», - Էրդողան

Ֆրանսիայի Սենատի` ցեղասպանությունների ժխտումը քրեականացնող վերջին օրինագիծը կարող է լուրջ հակահարված ստանալ Թուրքիայի կողմից: Թուրքիայի վարչապետն արդեն խոստացել է Ֆրանսիայի դեմ կիրառել իր ամենաքայքայիչ զենքը` թուրք միգրանտներին:

Թուրքիան արդեն լայնածավալ աշխատանքներ է սկսել առավել խուլ գյուղերի մարդկանց նախապատրաստելու ուղղությամբ: Պատժիչ ծրագրի առաջին փուլը նախատեսում է Ֆրանսիայի առավել խոշոր քաղաքներ առաքել ամսական1000-1500 թուրք:

«Մենք չենք սկսել այս կռիվը, բայց մենք տակ չենք մնա»,- հայտարարեց Ռեջեփ Էրդողանը` հավելելով. «Մինչև մարտ մենք նախատեսում ենք Ֆրանսիա արտահանել մինչև 3 տոննա թուրք, որոնք կանեն այն, ինչ արդեն քանի տարի է` անում են Գերմանիայում և Նիդեռլանդներում` սարսափելի տհաճ կդարձնեն սովորական ֆրանսիացիների կյանքը»:

Մի շարք երկրներ դատապարտել են Թուրքիայի քայլը` այն անվանելով չափազանց անհամաչափ ու անմարդկային արձագանք Սենատի որոշմանը: Եվրահանձնաժողովի նախագահ Մանուել Բառոզուն թուրք գործընկերներին կոչ է արել վերանայել իրենց որոշումը:

«Կարծում եմ մի կես տոննայով էլ կարելի էր մեսիջը տեղ հսացնել,» - Բարոզու:

«Հասկանում եմ մեր թուրք գործընկերների զայրույթը, սակայն կարծում եմ` մեկ օրենքի հետ չհամաձայնելու պատճառով ամբողջ Եվրոպան մխտառելը ճիշտ չէ»,- նշել է Բառոզուն:

Գերմանիան, իր հերթին, Էրդողանին առաջարկել է պատժիչ գաղթի համար օգտագործել թուրքերի գերմանաբնակ զանգվածները` հաշվի առնելով տվյալ թուրքերի առավել բարձր մխտառիչ պոտենցիալը:

«Ինչո՞ւ բերել հասցնել անվարժ թուրքերի ինչ-որ գյուղերից, եթե մեզ մոտ` Եվրոպայի կենտրոնում, արդեն կա թուրքերի կրիտիկական զանգված, որոնք ունակ են լիարժեք փչացնելու ֆրանսիացիների կյանքը: Պարզապես պետք է դիմել մեզ: Մենք սիրով կփոխանցենք 40-50 տոննա թուրք ֆրանսիական կողմին»,- նշված է Բունդեսթագի մամլո հաղորդագրությունում:

Ֆրանսիան առայժմ չի արձագանքել սպառնալիքին, սակայն փորձագետները կարծում են, որ ֆրանսիացիները կարող են արգելել քյաբաբի բացօթյա վաճառքը, ինչը թույլ չի տա ներգաղթել ավելի քան տարեկան կես տոննա թուրք:

.

.

.

.

.

Կուսակցությունները ժողովրոդին կներկայացնեն միայն լավագույն խոստումները

Հայաստանի տարածքում գործող քաղաքական կուսակցությունները հայտարարել են, որ Ազգային ժողովի ընտրությունների շեմին կարող են խոստումների ծավալը և մասամբ որակն ընդլայնել 20-30 տոկսով: Կուսակցությունները արդեն սկսել են հրապարակել ակնկալվող խոստումների ուղղությունը, ոճը և բարելավման առանձնահատկությունները:

Խոստումների ամենա հզոր ալիքը սպասվում է «Օրինաց երկիր» կուսակցությունից, որն ունի վարկանիշի և ռազմատենչ հակակրանքի խնդիր: Կուսակցության անդամ, պատգամավոր Հովհաննես Մարգարյանի պնդմամբ՝ ՕԵԿ-ի թարմացրած խոստումները դուր կգան նույնիսկ ամենաբծախնդիր ընտրողին:

«Մենք չենք փորձում մարդկանց հիմարացնել տարբեր ճղճիմ և անարդյունավետ խոստումներով, քանի որ 21-րդ դարի ընտրողն այդքան հեշտ չի խաբվում դրանցով: ՕԵԿ-ը շատ ավելի հզոր կառույց է խոստումների հարցում և ունի հմուտ խոստամշակ մասնագետներ և լեզվաբաններ» – ասել է Մարգարյանը:

«Օրինակ՝ ինչպե՞ս կարող է քաղաքացին մեզ չընտրել, եթե խոստանանք, որ կես տարվա ընթացքում Հայաստանի ՀՆԱ-ն կմեծացնենք 300%-ով, կամ որ «Իքս պյատ» խոստանանք ամեն չափահաս քաղաքացու, կամ որ դասավորելու ենք աշխատանքի և ապահովելու ենք բնակարանով Սիբիրի գեղեցիկ քաղաքներից մեկում: Ի դեպ՝ վերջինը իրական խոստում է»- մանրամասնել է ՕԵԿ-ի անդամը:

«Հնարավոր է էլեգանտ կերպով համատեղենք գեղեցիկ խոստումները, վարչական ռեսուրսի հետ,»- Զոհրաբյան:

ՀՀԿ-ն առայժմ չի ներկայացրել իր խոստազամբյուղի առանձնահատկությունները, սակայն հանրապետականները վստահեցնում են, որ իրենց խոստումները չեն զիջելու ՕԵԿ-ին՝ ո՛չ գրավչությամբ, ո՛չ իրատեսականությամբ:

ՀՀԿ փոխնախագահ Ռազմիկ Զոհրաբյանը հայտարարել է, որ 15%-ից ավել խոստումներն ընդլայնելու կարիք իրենք չունեն: «Բնականաբար, մենք ևս ավելի համոզիչ և մարդու քեֆ բերող խոստումների փաթեթով ենք հանդես գալու, բայց վարչական ռեսուրսի պահը չեզոքացնում է ավելի բարդ խոստումներ տալու կարիքը»,– ասել է նա:

«Բարգավաճ Հայաստան»-ը հակիրճ է ձևակերպել իր գալիք խոստումնապնակի ցանկը՝   յուրաքանչյուր քաղաքացու մեկ առյուծ և ամեն ընտանիքի՝ մեկական թիկնապահ:

«Չեմ բացառում, որ խոստումնապաշարը կարող է լրացուցիչ ընդլայնվել ընտրապայքարի վերջին շաբաթվա ընթացքում»,– ասել է ԲՀԿ պատգամավոր Վարդան Բոստանջյանը՝ հավելելով, որ դա կարող է արվել հասարակական պահանջի կամ ընտրազանգվածի կամակորության պարագայում:

Հոգեբան և քաղաքական էնտուզիաստ Կարինե Նալչաջյանը քննադատաբար է մոտենում խոստումների հայտարարված ծավալին: Քաղհոգեբանի կարծիքով՝ բնակչության մոտ կա ավելի «մեծ և լիցքաթափող» խոստումների պահանջարկ, ինչպես նաև «հոգեբանական զգուշացումներ»:

«Ինչու մեծացնել խոստումներն ընդամենը 20-30 տոկոսով, եթե մարդկանց մոտ կա այդքան հիասթափություն և ապաքաղաքական տրամադրություններ: Մարդկանց այսօր խիստ անհրաժեշտ են ավելի ուտոպիստական խոստումներ՝ բարձր աշխատավարձ, Եվրոպայում ամեն ամառ հանգստանալու հնարավորություն և iPhone 4s կամ գոնե Samsung Galaxy»,– բացատրել է հոգեբանը:

«Մյուս կողմից՝ չի կարելի մոռանալ նաև սպառնալիքների հոգեբանական ազդեցության մասին: Կարելի է նաև,  չեմ ասում ակնհայտ, բայց թեթև ակնարկել ժողովրդին, որ եթե ձեզ չընտրեն, դա կարող է հանգեցնել ինչ-ինչ դժբախտ պատահարների՝ չընտրողի հարազատների շարքում: Ցավում եմ, որ հայ քաղտեխնոլոգները չեն կիրառում երկրորդ սերնդի ներազդեցության գործիքը՝ հոգեբանությունը»,– եզրափակել է հոգեբանը:

«Փորձենք նվազեցնել խոստումների ազդեցությունը էկոլոգիայի վրա,» - Խուրշուդյան

Հայ ազգային կոնգրեսն ընտրել է անհատական խոստումնային մարտավարություն: Լևոն Զուրաբյանն այն բնութագրում է որպես վերջնագրի հետ ոչ մի կապ չունեցող խոստում. «Կա՛մ ժողովուրդը կընտրի ՀԱԿ-ին, կա՛մ տեղի կունենա ՀԱԿ-ի և ժողովրդի վերջնական ջրբաժան: Եթե քաղաքացիներն այդքան ֆայմ ու քթի ծակ չունենան, որ ընտրեն միակ ճիշտ ուժին՝ մեզ, ապա մենք կարող ենք վերանայել ժողովրդի նկատմամբ մեր մոտեցումը»:

Բավական անսպասելի խոստումնահարթակով է հանդես եկել «Ժառանգություն» կուսակցությունը: «Մենք անկեղծ հիացած ենք մեր գործընկերների աշխատանքով խոստումնաշինության հարցում,– ասել է կուսակցության խոսնակ Հովսեփ Խուրշուդյանը և հավելել:– «Ժառանգություն»-ը միայն խոստանում է անել այնպես, որ մեր գործընկերների խոստումները հնարավոր լինի իրականացնել առանց պիսկելու ՀՀ ֆլորայի և ֆաունայի 90%-ը»:

Դաշնակցությունն էլ պատրաստվում է խոստումների ծավալը համապատասխանեցնել վերջին հինգ տարիների գնաճին՝ 37 տոկոս: «Մեր հիմնական խոստումների շեշտը լինելու է, բացի Արևմտյան Հայաստանի հողերի վերադարձից, Կիլիկիայի թագավորությունը վերականգնելը»,– ասել է կուսակցության անդամ, ԱԺ պատգամավոր Ալվարդ Պետրոսյանը:

Խոստումների հարցում և ընտրություններին մասնակցելու հարցում առայժմ չի կողմնորոշվել «Ազատ դեմոկրատներ» կուսակցությունը, որը չի բացառում ընդդիմադիր ուժերից մեկի խոստումնացանկին միանալը:

Մինչ քաղաքական ուժերը պատրաստվում են ընտրություններին, աղբյուրները հաղորդում են, որ խոստումների մշակման և զանգվածային խոշորացման աշխատանքներին հրավիրվել են ՀՀ և ԱՊՀ լավագույն լեզվաբանները, որոնց խոստացել են բնակարան, առյուծ, հողեր և այլն:

NewsՀաբի հերթական վեբիզոդը պատրաստ է: Subscribe եղեք նաև CivilNet.TV- ալիքին Youtube-ում թողարկումները բաց չթողնելու համար: Դիտեք այս թողարկման մեջ`

• Հյուրը` Նիկողոս Իվանյան
• Շարմազանովը տեղն է դնում վրացուն
• «Պուտին» ակումբներ` Հայաստանի բոլոր քաղաքներում
• Թեղուտի ակտիվիստներ vs Վալեքս գրուպ
• Համամասնակա՞ն, թե՞ մեծամասնական:

• և այլն

2 կաթիլի պես նման են

Ամեն տարի Լաս Վեգասում անցկացվում է Վլադիմիր Պուտինի նմանակների մրցույթ: Ռուսաստանի նախկին նախագահին նման և ոչ այդքան նման մարդիկ մոլորակի բոլոր անկյուններից հավաքվում են` իրենց ուժերը փորձելու Putin Impersonation Tournament հեղինակավորոտ մրցույթում: Այս տարի Հայաստանը (կամ Ռուսաստանը. մասնակիցը դեռ վերջնականապես չի կողմնորոշվել) կներկայացնի ԱՊՀ երիտասարդական բարիդրացիականության,  «Ռուսաստան Forever» հասարակական կազմակերպության,  «Անդրանիկը Պուտինին շատ նման է» քաղաքացիական նախաձեռնության և բուհերի ակտիվ ուսանողների ամենասիրված ինչ-որ ոլորտի գործիչ Անդրանիկ Նիկողոսյանը:

Մասնագետների կարծիքով` Նիկողոսյանը Պուտինին շատ նման չէ. չի փրկում նույնիսկ շատ նման սանրվածքը: Սակայն ժյուրիի պատվավոր անդամ Թոմաս Հոքինսը ոչինչ չի բացառում. «Ես հիշում եմ` ինչպես 2004թ. չինացի մի երիտասարդ հաղթեց Էլվիս Պրեսլիի նմանակների մրցույթում: Ոչինչ չի կարելի բացառել»: Լավատեսությամբ է լցված նաև «Անդրանիկ Նիկողոսյանի բարեկամներ» ինքնաբուխ նախաձեռնությունը. «Երկրորդ Պուտինն ա մեր Անդրանիկը: Անհնար է նա չհաղթի. մենք դա ասում ենք ոչ թե որ նրա մտերիմներն ենք, այլ… չէ, մի րոպե, հենց դրա համար էլ ասում ենք»:

Ինքը` Նիկողոսյանը, իր շանսերը նույնպես բարձր է գնահատում: «Ես  մի պահ երկմտում էի` Պուտինի՞ն եմ ավելի նման, թե՞ Չէգեվառին: Սակայն վերջը հասկացա, որ Պուտինին»: Նմանակը նաև նշեց, որ անկախ մամուլն էլ է կանխատեսում նրա հաղթանակը` «Gazeta.am-ից սկսած, maxinfo.am-ով վերջացրած: Բոլորը իմ մասին են գրում, բոլորը կարծես իմ մտքերն են կարդում:» Մեր հարցին` միթե՞ այդ կայքերը հենց իրեն չեն պատկանում, ապագա Պուտինը բան չպատասխանեց և փոխեց թեման:

Պուտինի նմանակների մրցույթն անցկացվում է ամեն տարի. մասնակիցներն իրենց ուժերն են փորձում զուգարանում սատկացնելու, գազ փակելու, նավթ վաճառելու և ընտրություններ կեղծելու մրցափուլերում: Նիկողոսյանը խոսք տվեց հաղթելու դեպքում մրցանակի գումարն օգտագործել Հայաստանում Պուտինի ֆան ակումբներ ստեղծելու համար: «Պուտին club. ցանկացած հայ երիտասարդ կկարողանա քննարկել այնտեղ Պուտինի պրոֆեսիոնալիզմը, փայլատակումները և ընդհանուր հոյակապությունը», – նշեց Նիկողոսյանը:  Մտահաղացումն արտահայտելուց 3 ժամ առաջ այն արդեն սատարել է «Չենք թաքցնելու» նախաձեռնությունը, «Անդրանիկ Նիկողոսյանի հիմնադրամ» Անդրանիկ Նիկողոսյանի հետ կապ չունեցող հիմնադրամը և Հայաստանի «Շատ վատ PR» ասոցիացիան: