Press "Enter" to skip to content

Ապրիլյանի հանձնաժողովը որպես վկա կհարցաքննի Վ. Պուտինին

ԵՐԵՎԱՆ — Ապրիլյան պատերազմի հանձնաժողովը հրավեր է ուղարկել ՌԴ նախագահին մասնակցելու ընթացիկ լսումներին և բացատրելու արդյոք ռուսական կողմը ներգրավված է եղել որևէ դավադրական ծրագրի մեջ:

Հանձնաժողովի նախագահ Անդրանիկ Քոչարյանը բացատրեց, որ առանց Պուտինի մասնակցության հանձնաժողովի աշխատանքը կլինի անավարտ, կիսատ և թերի:

«Ի վերջո եթե եղել են չարաշահումներ, ապա պատասխան պետք է տան նաև շահագրգիռ երկրները և զենք վաճառող երկրների ղեկավարությունը», — բացատրել է Ա. Քոչարյանը:

Իր հերթին ՀՀ վարչապետը նշել է, որ կոռումպացված համակարգի արտասահմանյան հովանավորները ևս պետք է պատասխանատվություն կրեն.

«Այո, մենք ունենք որոշակի ռազմավարական հարաբերություններ ռուսական կողմի հետ, սակայն դա չի նշանակում, որ մենք ներելու ենք ՌԴ նախագահի աջակցությունը նախկին քրեաօլիգարխիկ ռեժիմին: Առայժմ Վ. Պուտինին ներգրավում ենք միայն որպես վկա, իսկ հետագայում դատախազությունը կորոշի ինչպես վարվել», — նշել է Փաշինյանը:

«Երկու տարի շարունակ Ռուսաստանի շխանությունը հուսով սպասում է, որ ահա, մեկ-երկու ամսից այս իշխանությունը կձախողվի; ահա, մեկ տարի և այլևս սրանք կհեռանան և փորձում են խոչընդոտել բարեփոխումներին… սրան վերջ ենք դնելու», — հավելեց վարչապետը: