Press "Enter" to skip to content

Կոկորդիլոսի ձվերի դասակարգման հանձնաժողովը 15 օրից կտա վերջնական պատասխան

ԵՐԵՎԱՆ — Արարատի մարզպետ Գարիկ Սարգսյանը մտահոգություն հայտնեց, որ մարզի կոկորդիլոսաբուծարանի աշխատանքները հետաձգվում են ՊԵԿ-ի պատճառով, որը չի կողմնորոշվում կոկորդիլոսի ձվի դասակարգման հարցում՝ այն «թռչնի է, թե՞ կենդանու»։

Ահազանգին արագ արձագանքեց ՀՀ կառավարությունը՝ ստեղծելով կոկորդիլոսի ձվերի դասակարգման ժամանակավոր հանձնաժողով։ Կենսաբաններ, կենդանաբաններ, ՊԵԿ փորձագետներ և մեկ աստղագուշակ ներառող հանձնաժողովը 15 աշխատանքային օրվա ընթացքում կպատասխանի կոկորդիլոսը թռչուն է թե կենդանի հարցին։

«Ես, ճիշտն ասած, հիմա էլ կարող եմ պատասխանը տալ, բայց դա կոռեկտ չի լինի իմ գործընկերների հանդեպ։ Պետք է լսենք նրանց կարծիքն ու փաստարկները»,- մեզ հետ զրույցում նշեց կենսաբանության դոկտոր-պրոֆեսոր Անատոլի Միրումյանցը։

Հանձնաժողովի լսումները բաց են հանրության համար՝ յուրաքանչյուր քաղաքացի կարող է իր լուման ունենալ կոկորդիլոսի ձվերի դասակարգման ազգանվեր գործում։

Մեկ մեկնաբանություն

  1. Արթուր Արթուր 29/01/2019

    Հասկանալիա, տարօրինակա հնչում, բայց շատ գիտնականներ պնդում են, որ թռչունները ու մողեսները ունեցել են ընդհանուր նախնիններ: Էվոլյուցիայի արդյունքա դա: Իսկ ընդհանուր բան կա, 1) որ մողեսներն էլ, թռրուններն էլ ձվադրում են: 2) թռչունները՝ օրինակ ջայլամը իր թաթերի կառուցվածքով ու մաշկով ընդհանուր նմանություն ունի մողեսներին: 3) Դինոզավրների մնացորդները ուսումնասիրելով, գիտնականները պարզել են, դրանց թևերի կառուցվածքը նմանա թռչունների թևերի կառուցվածքին:

Մեկնաբանությունները փակ են.