Press "Enter" to skip to content

ՀՀԿ-ի վարչապետի թեկնածուն կլինի Գալուստ Սահակյանը

“Դեմ եմ 5%-ին” — Սահակյան

ԵՐԵՎԱՆ Քաղաքական ճգնաժամի պայմաններում տարբեր անուններ են հնչում վարչապետի հնարավոր թեկնածուների մասին: ՀՀԿ-ԲՀԿ-ՀՅԴ կուսակցությունները չեն բացառում միասնական թեկնածուի առաջադրումը:

“Կարծում եմ Գալուստ Գրիգորիչը լավագույն նեյտրալ և անկողմնակալ վարչապետի թեկնածու է. ժամանակի մեծ մասը նա չի էլ հիշում որ կուսակցությունից է կամ որ թվականն է,” — բացատրեց ՀՀԿ խմբակցության ղեկավար Բաղդասարյանը:

Կառավարությունը մերժում է նշված թեկնածուին` պնդելով, որ Սահակյանը այնուամենայնիվ ունի որոշակի մեղսունակություն և կարող է արտաբերել բառեր և նույնիսկ երբեմն համադասական նախադասություններ:

“Գաղափարը իհարկե գրավիչ է, սակայն պետության ղեկավարը ամեն դեպքում աշխատանքի բերումով երբեմն պետք է գրի և կարդա և հենց այստեղ լրջագույն խնդիր կունենանք”, — նշում է բուն Գալուստ Սահակյանը, — “Ես չեմ ուզում… գուցե և.. հայտնվենք..  սերկևիլ.. աբռ… աբռ.. աբռվալգ…”, — եզրափակեց ՀՀԿ թեկնածուն:

Այս պահին ԱԺ խմբակցությունները շարունակում են քննարկել ճգնաժամից դուրս գալու ուղիներ: Աղբյուրների պնդմամբ բոլոր կողմերից կա հետաքրքրություն ամեն դեպքում մի քանի ամսով տեսնելու ինչպես Գալուստ Սահակյանը կղեկավարեր երկիրը, տուպը հետաքրքրության համար:

Մեկ մեկնաբանություն

Մեկնաբանությունները փակ են.