Press "Enter" to skip to content

Իշխանությունը աշխատանքի է հրավիրում մինչև 25 տարեկան քաղաքական ուժերի` ընդդիմության թափուր պաշտոնի համար` համակարգչի և չափի զգացողության պարտադիր իմացությամբ

11/03/2015 / Հեղինակ՝ Sergey

768138                                  ԵՐԵՎԱՆ — Կառավարության կադրերի բաժին/հայտարարություններ/մարտ

Պաշտոնի անվանում — Ընդդիմադիր ուժ (այլընտրանքներ չառաջարկել)

Աշխատանքի տևողությունը — Երկարաժամկետ` երկու տարվա փորձաշրջանով

Աշխատանքի վայրը — Ազատության հրապարակ (աշխատանքը նաև ենթադրում է պարբերական այցեր մարզեր)

Աշխատանքի նկարագիր — Ընդդիմության պաշտոնակատարի պարտականություններն են`

  1. Պարբերաբար խոստանալ իշխանափոխություն
  2. Կազմակերպել զանգվածային միջոցառումներ ժողովրդի լիցքաթափման նպատակով
  3. Մասնակցել համապետական ընտրություններին և ստեղծել թեթև աշխուժություն ընտրությունների հաջորդ օրը
  4. Պարբերաբար հնչեցնել իշխանության ներկայացուցիչների մականուններ
  5. Անհրաժեշտության դեպքում մի քանի օր իրականացնել նստացույց և/կամ հացադուլ

Անհրաժեշտ կրթություն և ձիրքեր.

  • Բակալավրի աստիճան Հանրային կառավարման մասնագիտացմամբ
  • Քաղաքականության մեջ աշխատանքի առնվազն 10 տարվա փորձ
  • Հավելյալ ժամեր աշխատելու հնարավորություն (աշխատանքի ֆիքսված ժամերը` 9:00-18:00, սակայն հնարավոր են փոփոխություններ)
  • Ցածր, վստահություն ներշնչող և հզոր ձայն
  • Կազմակերչական ունակություններ և արագ փոփոխվող իրավիճակին հարմարվելու ձիրք
  • Երկար ժամանակ հաց չուտելու ֆիզիկական հնարավորություն
  • Նախկինում որպես ընդդիմություն աշխատելու անհրաժեշտ փորձ` առնվազն 5 տարի

Աշխատանքի պայմաններ.

  • Աշխատավարձը կախված է փորձի և հավելյալ հանձնարարություններ կատարելու հետ:
  • Հաջողված թեկնածուն կանցնի երկու շաբաթանոց ներածական ուսուցում:
  • Հաղթած թեկնածուին կտրվի  առողջապահական ապահովագրություն և լրացուցիչ արտոնությունների շռայլ փաթեթ:

Դիմելու կարգը.

Դիմողը պետք ուղարկի CV hr@regime.am հասցեով այս տարվա ապրիլի 15-ից ոչ ուշ` նախքան աշխատանքային օրվա ավարտ: CV-ում խնդրում ենք նշել առնվազն երեք նախորդ գործատուների կոնտակտային տվյալներ: Խնդրում ենք նամակի մեջ հստակ նշել, որ այս հայտարարության մասին իմացել եք Առաջին ռազմահայրենասիրականից:

Կազմակերպության մասին.

Իշխանությունը հանդիսանում է փակ բաժնետիրական ընկերություն, որը գործում է ՀՀ-ում 1991-ից և ունի հարուստ փորձ երկրի ղեկավարման և իշխանությունը չհանձնման գործում: Իշխանության գործունեության հիմնական ոլորտն է ինքնավերարտադրությունը և ինքնահարստահարումը:

ՆՇՈՒՄ. Ընկերությունը կկապվի միայն ֆիլտրած (short-listed) թեկնածուների հետ:

Բաժինը՝ Լուրեր և Քաղաքական

9 Comments

  1. Vahe Kocharyan via Facebook 11/03/2015

    isk gorcatun inchi chi nshum inch paymanner en arajarkum? Orinak ashxatavardz, bonusner, tarva mej 20 ashxatanqain orov ardzakurdi hnaravorutyun. Mek el inchqan jamanaka petq et convertaciai processin masnakcelu hamar @nddimadiric -> HHKakan darnalu hamar :))) menq el enq uzum lav aprenq :))))

  3. Vahe Kocharyan via Facebook 11/03/2015

    😀 jishtn asac shat chem hetevum qaxaqakan anc u darcin, bayc apaga @ndimadirner@ petq e stuyg imanan et vordegrman process@ inchqan jamanaka tevum vor iranq el imanan te inchqan en sovac mnalu :))

  5. Վաչագան Միրզոյան via Facebook Վաչագան Միրզոյան via Facebook 11/03/2015

    (^_-)

Մեկնաբանությունները փակ են.