Press "Enter" to skip to content

Գիտնականները փորձում են հասկանալ` ովքեր են գալիս ՕԵԿ-ի հանրահավաքներին

Գիտնականները փորձում են բացահայտել ՕԵԿ-ի ցույցերին մասնակցել դրդող գենի գաղտնիքը

ԵՐԵՎԱՆ — Հայաստանի մի շարք քաղաքագետներ և հոգեբաններ միավորել են ջանքերը հասկանալու, թե ովքեր են մասնակցում «Օրինաց Երկիր» կուսակցության նախընտրական հանրահավաքներին:

Միասնական խումբը այցելել է մի շարք հանրահավաքներ` փաստահավաք առաքելություն իրականանցելու նպատակով այդ ուղղությամբ:

«Նախ մենք փորձում էինք պարզել, արդյոք այդ մարդիկ գոյություն ունեն, թե դա պարզապես օպտիկական խաբկանք է: Այդ հարցը պարզելու համար մենք այցելեցինք ՕԵԿ հանրահավաքներ և կմճտեցինք մի քանի առավել ակտիվ և ուրախ “Օրինաց” բացականչող կանանց: Զարմանալիորեն պարզվեց` իրական էին», — զարմանքով նշում է հոգեբան Կարեն Նալչաջենկոն:

ՕԵԿ աջակիցների գոյությունը հաստատելուց հետո փորձագետները մի քանի փորձարկում իրականացրեցին ցույցերին մասնակցող 10 պատահական քաղաքացիների վրա: Նրանց փակեցին մութ սենյակում և խոստացան, որ եթե դուռը բացվելուց հետո նրանք մնան այնտեղ, ապա յուրաքանչյուրը կստանա մեքենա: Արդյունքում առայժմ ոչ ոք չի փորձել դուսր գալ սենյակից: Իսկ անցել է երեք շաբաթ:

Փորձագետների խումբը եզրակացրել է, որ բնակչության մի զանգված կարիք ունի պարբերաբար խաբվելու և պատրաստ է աջակցել այն կուսակցությանը, որը անկախ հանգամանքներից պատրաստ է բավարարել իրենց այդ կարիքը:

«Մեր մեջ ասած, մենք էլ ենք մի թեթև զարմացած, բայց փաստորեն մարդիկ ուզում են ապրել իլլյուզիայի մեջ», - Բիշարյան

Այս տեսանկյան հետ սակայն համաձայն չեն բուն ՕԵԿ-ում: Կուսակցության քարտուղար Հեղինե Բիշարյանը վստահեցնում է, որ նույնիսկ հոգեպես առողջ մարդիկ կարող են դառնալ կուսակցության աջակից.

«Որևէ խնդիր չեմ տեսնում: Բոլորը չեն, որ կուսակցության վրա ցեխ են լցնում կամ այդքան հիշաաչար են: Կա մարդկանց մի զանգված, որը ՕԵԿ-ին դատում է ոչ թե նախկին սխալներով, այլ թարմ ու գրավիչ խոստումներով», — նշեց Բիշարյանը:

ՕԵԿ-ը վստահ է նաև, որ կուսակցության ներքին առողջության համար անհրաժեշտ է պարբերաբար փոխել քաղաքական դաշտը: «Կտրուկ փոփոխությունները անհրաժեշտ են ձանձրույթից խուսափելու և ընդհանրապես մի քիչ թարմանալու համար», — վստահ է Բիշարյանը:

ՕԵԿ-ի աջակիցների ֆենոմենը արդեն գրավել է նաև ավստրալիական գիտնականների ուշադրությունը, որոնք ծրագրում են ժամանել Հայաստան արդեն հուլիսին` իրականացնելու ՕԵԿ-ի հանրահավաքներին գնացողների համապարփակ ուսումնասիրություն:

 

 

Այս նյութը պատրաստվել է ՎԿԱ ծրագրի շրջանակներում – EBG Disclaimer

7 Comments

  1. Eduard Nazaretyan via Facebook Eduard Nazaretyan via Facebook Ապրիլի 25, 2012

    2000 dramner@ 😀

  2. Hovsep Shirinyan via Facebook Hovsep Shirinyan via Facebook Ապրիլի 25, 2012

    loooooooool

  3. are are Ապրիլի 26, 2012

    kampotner@

  4. Sonya Sonya Ապրիլի 28, 2012

    Вы смеетесь, а я вот реально знаю людей, которые по своей воле ходят на их митинги и встречи… Правда, эти люди не могут аргументированно объяснить, ЗАЧЕМ они это делают %) Такие вот дела :)))

  5. Karo Manoukyan via Facebook Karo Manoukyan via Facebook Ապրիլի 29, 2012

    voch mekn el chi galis… bolorin el berum en avtobusnerov

  6. Karo Manoukyan via Facebook Karo Manoukyan via Facebook Ապրիլի 29, 2012

    es avtobusner@ nkarel em, voroncov mardkanc texic tex en tanum… 15-ic avel avtobus u 20-ic aveli gazel

Մեկնաբանությունները փակ են.